خرجت ساره

ما سمع كلامهم واخوه الصغير كريم ببصلهم وهو مش فاهم حاجة ولما شاف وسيم بعيط بقي يعيط زيه كمان متاثر بمشاعر الحزن اللي حواليه حتى لو ما فهمهاش
شهقت سارة وهي بتبص لامها بعد ما ادركوا لغلطتهم بس متاخر وجريت على وسيم تهديه وامها خدت كريم الصغير وبعدت عنهم شوية
تكلمت سارة مواسية
شششششش حبيبي متعيطش متخافش يارا هتخف وتبقى كويسةو ااا قاطعها وسيم وهو بنفي براسه وبعيط اكتر
لا لا انا سمعت كل حاجة سمعتكم بتقولوا ان حالتها صعبة وخطېرة وانها بغيبوبة علشان قلبها تعبان و بص لسارة بحدة انا بقيت كبير مش صغير وفاهم كل حاجة
زفرت سارة انفاسها بتعب شديد وهي بتحضنه ومش عارفة تقوله ايه بالزبط او تتحايل عليه ازاي وقالتله بهدوء عكس الڼار اللي عمال تحترق فيها من جوا
صح يا حبيبي كل اللي سمعته صح وبما انك بقيت كبير مش صغير زي كريم انا هقولك كل حاجة ومش هخبي عليك وكملت كلامها ليه وهي بتمسك ايده وبتمشي معاه
بس علشان انت كبير لازم تساعدني تساعدنا انا وماما ومنبينش لكريم لانك عارف انه طفل صغير ميفهمش اي حاجة لسا شفت ازاي لما شافك بټعيط بقي يزعق باعلى صوته وبص اهو وشاورت ليه على امها وكريم
اهو ماما غلبت معاه تهديه وتعبت واحنا هنا بمستشفى يا عمري ومينفعش نزعج الناس ونعيط علشان كلهم عيانين ونايمين
بدا وسيم يتوقف عن البكاء وهو بسمع لكلامها وسالها سؤال مباغت كسر قلبها
يعني يارا ھتموت ومش هنشوفها تاني خلاص ولا نلعب مع بعض ولا نعمل العاب و اااا
قاطعته سارة وهي بتجاهد پعنف لتمسك نفسها قدامه وهي حاسة قلبها زي حجر الصوان كل ما ماله بيتحجر من الحزن والضيق وبيكتم على نفسها
لالالالا يا حبيبي لا بعد الشړ احنا مقلناش كدا صح يارا تعبانة قوي بس ان شاء الله باذن ربنا هتخف احنا جبناها هنا علشان ترتاح وياخدوا بالهم منها ويدوها ادوية جديدة فهمت يا عمري وانا عايزاك تفضل تدعي ربنا عطول يشفيها انت طفل و ربنا بيسمع منك وبيحبك اوعدني تفضل تدعيلها كتير وتطمن كريم ومتخليهوش يحس بحاجة
هز براسه موافق ورفعت سارة عيونها وشافت نور جاية من بعيد
قعدت سارة وسيم على الكرسي وادته موبايلها يلعب فيه لتلهيه شوية
ومشيت بسرعة لعند نور وهي بتقولها بنبرة مبحوحة من مشاعرها المكبوتة
نور كويس انك جيتي وقبل ما تسالها نور اي حاجة كملت كلامها بسرعة
ارجوكي ساعديني انا لازم اخرج اخواتي الصغيرين من المستشفى مينفعش يفضلوا هنا بالجو دا ومش عارفين هنتركهم عند مين ماما جابتهم معاها ومن الصبح هما هنا
ردت نور عليها بحزن وهي بتفكر
طيب بصي ممكن نوديهم النهارده عندنا البيت يقعدوا مع اخواتي لحد ما نشوف هنعمل ايه وقالت جملتها الاخيرة منتظرة جوابها
ايه رأيك
ردت سارة باستعجال ايوا يا ريت يا نور معلش تحملونا بس لحد ما شوف هيحصل معانا ايه بس مين هيوديهم للبيت انا ااااا
قاطعتها نور پغضب ممكن تسكتي دلوقتي وتنفست بعمق انا هاخدهم و اروحهم وارجعلكم تاني هنا ماشي
وقبل ما ترد عليها سارة جت امها ناحيتها ووقفت معهم وقالت لسارة
سارة الدكتور اللي شاف يارا اهو خرج روحي كلميه وافهمي منه اكتر لازم نعمل ايه
بعدت سارة عن نور بسرعة لتلحق الدكتور وقالت باستعجال
ماشي يا ماما وكملت كلامها لنور وهي بتمشي بخطوات سريعة وكبيرة
نور قولي لماما اتفقنا على ايه وانا هشوف الدكتور وهارجع وسابتهم ومشيت
بدات تنده عالدكتور وهي بتتقدم ناحيته بسرعة ولف وشه بعد ما سمع صوتها
وقفت قدامه وهي بتستعيد انفاسها وقالت باجهاد
دكتور ممكن اتكلم مع حضرتك شوية انا اخت البنت اللي جتكم من كام ساعة يارا اللي عندها مشكلة بالقلب و ااا
قاطعها بعملية اكيد تفضلي معايا على مكتبي
في بيت فارس
كان بيكلم واحد من رجالته على التلفون
فارس باستغراب ايه اجازة مفتوحة ليه
علي .
فارس ومعرفتش هي مالها او تعبت ليه
علي 
فارس بصرامة وحزم شديد طبعا يتوافق ليها على الاجازة ومحدش يكلمها سامع ومرتبها يفضل ماشي زي ما هو مهما خدت من ايام
دي ليها سنة ونص معانا وعمرها ما خدت اجازة لو ليوم
وكمل كلامه لعلي بتحذير بس خد بالك تخلي الامور تمشي طبيعي مش عايز رغي بالشركة ولفت نظر ليها وكمل كلامه بأمر حاسم
وتجيبلي كل المعلومات وتفهملي ايه اللي بيحصل معاها فاهم وساله مستفهم هي بمستشفى ايه صحيح
علي..
هز راسه بعد ما سمع لرد علي وقفل معاه السكة بعد ما اكد على تنفيذ اوامره
في مكتب الدكتور بالمستشفى
تكلم الدكتور بأسف تحت عيون سارة المترقبة
للاسف وضع يارا صعب جدا القلب شغال بنسبة اقل من 30 وفي خطړ كبير على حياتها وكمل كلامه بحزن بعد ما شاف تصلب جسد سارة وصډمتها الشديدة
هي من زمان كان لازم تعمل عملية زراعة قلب ماكانش لازم تستنوا لغاية ما تتعب كدا وتوصل للحالة دي
ردت عليه سارة بتحشرج وحلقها بدا يجف بشدة
احنا مستنين على قائمة التبرع من سنين يا دكتور بس محصلش حاجة لغاية دلوقتي وكملت كلامها بنحيب انا كنت ملتزمة معاها بمراجعة شهرية باحسن المستشفيات وعند احسن الدكاترة صدقني وباخر زيارة قالي انه وضعها مستقر مقليش انه حالتها تعبانة كدا و بدات دموعها تشق طريقها على وشها
سالها الدكتور باستعلام انتي كنتي تراجعي فيها فين وعند مين
ردت عليه بمستشفى ال . عند الدكتور شريف بس هو سافر من شهرين و رشحلي دكتور تاني اتابع معاه
قالها الدكتور بتعجب كبير انتي تقصدي الدكتور شريف جاسر وكمل كلامه بدهشة بعد ما شاف ايماءات التاكيد منها
دا دكتور كبير واستاذنا كلنا معقول مقلكيش وضع الحالة ايه وانه القلب شبه تالف و ااا
قاطعته بعياط لا ابدا ولا حتى الدكتور الجديد كلهم كانوا يقولولي انه وضعها مستقر لغاية دلوقتي وانه نفضل ندور على متبرع واول ما نلاقي نعمل العملية على طول
شرد الدكتور بكلامها وازاي بيكون بعض الدكاترة مستهترين وبيلعبوا بحياة الناس من غير ما يقوموا بواجبهم ويتحملوا مسؤولية القسم اللي حالفينه وللاسف ممكن يكونوا اسماء وشخصيات معروفة وكتير منهم بتعاملوا مع المرضى على حسب طبقتهم الاجتماعية
رجع من شروده على كلام سارة وهي بتقوله بعد ما خرجت ورقة طبية من شنطتها
احنا كنا بنصرف ليها الادوية دي بشكل منتظم وشهري وكنا واخدين بالنا منها كويس بالبيت وبالمدرسة ومن طبيعة اكلها و ااا مقدرتش تكمل كلامها
رد عليها الطبيب بتفهم  بعد ما خد الورقة منها وقرا اسماء الادوية المكتوبة جواها
ممممم كويس وزفر بضيق وهو شاعر بالاشفاق على حالة يارا واهلها
انا اسف بس انا واجبي اقولك وانا عارف صعوبة اللي هقوله واللي مطلوب منكم تعملوه وكمل بتقرير
اول حاجة انا بنصحك تنقليها من المستشفى دا للمستشفى اللي كنتي بتراجعي فيه الاول لانه عندهم امكانيات واجهزة احسن من المستشفى دا بكتير ممكن ياخدوا بالهم منها بشكل افضل لحد ما ربنا ييسر وتلاقوا متبرع وتعملوا العملية ليها
تاني حاجة هي محتاجة تعمل العملية باسرع وقت ممكن لانه في الحقيقة قلبها تعبان خالص وممكن لا سمح الله نخسرها لو استنينا اكتر من كدا