كنت واقفه
انت في الصفحة 1 من 3 صفحات
كنت واقفه في شباك اوضتي الي بيودي علي المنور وبدات اغني وادندن
راجع بتقول الي ما بينا وبتسال ليه مكملناش
وقبل ما اكمل المقطع كنت سمعت صوت
اسال روحك مين استني ومين استغني وباع ببلاش
بصيت علي شبابيك الشقق الي حواليا ملقتش حد ! كل الشقق الي قدامنا مفيش حد ساكن فيها لحد ما سمعت الصوت تاني
بصت حواليا بتوتر وقلت بصوت مسموع انت ميين مييين الي بيغني
اهدي ومټخافيش انا في الشقه الي تحتيكي
بصيت علي شباك الشقه الي تحت لقيت ايدين راجل مشبك ايديه وواقف نفس وقفتي تقريبا اتنهدت براحه بسيطه وقلت وانا باصه لايديه بابتسامه انتوا سكنتوا جديد احنا انهارده اول يوم بعد العزال لينا
قالها بصوته الي سحرني ابتسمت طب وريني وشك يمكن اعرفك
مش هقدر دلوقت احكيلي عنك
يعني احنا مش حاجه كبيره مجرد عيله عزلت من شقه صغيره لشقه اوسع مع تغيير في جي..لا لحظه كدا انت بتستجوبني ماما قالتلي مقلش حاجه لحد عننا قلتها بطفوليه
بصيت علي ايديه اللي حطها علي سور الشباك علي امل اشوفه ولقيته خرج راسه وبص لفوق ناحيتي ثبت عينيا في عينيه الرمادي وشعره الاسود كان مزين وشه اكتر و .. ملحقتش وكان دخل راسه تاني
فقت من سرحاني وانا بقوله اه اه
بتحبي عمرو دياب
الله على جماله فى كده الله انا قلبى كان فى حاله شاف عيونه تاه الجواب بان من عنوانه مش كدا قولتلها وانا بضحك مقولتليش انت اسمك ايه
الصبح قرب يطلع انا هدخل
قالها ودخل جوا شقته علي طول من غير ما يجاوبني
قفلت الشباك وانا مبتسمه ابتسامه بلهاء ونمت..
وهي بترص الصيني في النيش امم وانت اتعرفتي عليهم ازاي يا قروبه
ااا عادي يعني شوفتهم صدفه
بصيت للساعه لقيت الشمس غربت جريت لاوضتي وفتحت الشباك وبصيت لتحت لقيت ايديه بنفس وضعيتها مشبكها قدامه ومش باين غيرها
انا جيت اهو
كدبتي ليه علي مامتك
اتسمرت مكاني ومفهمتش هو عرف منين
بس ابتسمت وانا باصه لتحت انت عرفت منين
