وقفت منيره
على تصليح العلاقة مفيش اسهل من كده انت عارفني افوت في الحديد إنما هنمضيه ازاي..... وهو مبيعدش كبيرة ولا صغيرة.
اشار له شاهرك مطمئنا أياه.
متخفش يا نجيب بيه مهما يكون الواحد مصحصح وحريص بس بتيجي ليه فترة وتلاقي ثغرة تعرف تعدي له وتصطاده منها.
زفر نجيب بقوة.
تفتكر يا شاهر أن هتيجي الفرصة اللي تقدر تصطاده بيها وتخليه يمضي على أي ورقة من غير ما ياخد باله ويكشفك وبدل ما أنت تصيده يصيدك هو.
يبقى أنت لسه معرفتنيش كويس يا نجيب بيه دا انا عامل له البر طحينة وماشي في شغلي زي الساعة ومستقيم زي الألف ومظبط نفسي قدامه وعامل فيها صاحب ضمير ومبادئ وبنوم فيه من بدري عشان لما اضرب ضړبتي ابقى انا اخر واحد يشك فيه أو أجي في باله أصلا.
أمأ نجيب بأعجاب من تفكيره العبقري.
كله اللي بتقوله دا تمام قوي بس بردو أحذر منه ومن البت الداهية بنته وخلي بالك قوي منها يا شاهر أصلها أكتر من أبوها بشويتين تلاتة دي عليها حسبة ولا حسبة برمة زي ما بيقولوا.
يا نجيب بيه متخفش عليه دا واد مخلص وبفوت في الحديد هيستعصى عليا أتنين عبط زي دول وبكرة تشوف وتقول شاهر ده واد جن ومخلص وزي ما كنت السبب في طرد غيرهم هكون السبب في طردهم بردو.
أشار نجيب بيديه عاليا متمنيا حدوث ذلك بأسرع وقت ممكن.
ياريت يا شاهر ويكون بسرعة الا الواحد فلس من بعد وجواز البت الكبيرة وتجهيز شقة أبني الوحيد اللي قطموا ضهري وخلوني اسحب كل اللي حيلتي في البنك وياريته كفى دا لسه العفش وحجز قاعة وبوفية وكوافير وياسين أبني لو فضل يعافر في شغله من هنا للسنة الجاية مش هيجيب تمن العفش حتى أهو اللي هيجي من المصلحة دي هى خليني اقدر اساعده وأتفض منه وأجهز بنتي الصغيرة اللي كل يوم والتاني يجي ليها عريس شكل أحسن من اللي قبله لو معايا فلوس كان زماني جوزتها وأرتحت ورقت بقى من الحمل التقيل اللي على كتافي.
متخافش قريب قوي هتروق وتحلى وبكرة أما نهبر هبرتنا الكبيرة تجوز الواد والبت كمان وتبقى اخر منجهة وروقان.
أمأ له نجيب وعلى وجهه أبتسامة خبيثة.
هيحححح وهتبقى عظمة على الأخر وأخر نغنغه المهم قوم أنت روح دوقتي على مكتبك عشان منلفتش الإنتباه لينا ولا نخلي حد يحس أن فيه بينا حاجة.
في دي عندك حق يا نجيب بيه المهم منلفتش الأنظار لينا اطير انا قبل الحيزبون اللي هناك ما يرجع من صلاة العصر ويكتشف أني سبت المكتب.
أشار له نجيب مودعا إياه بسعادة وكأنه ظفر بما يريد.
الف سلامة يا خويا.
ثم شرد بعالم احلام يقظته يتخيل ما سيفعله أن أمسك النقود في يده وراح يمني نفسه بقضاء أسعد اللحظات بعدما ينتهي من زواج أولاده فقد قرر أخذ زوجته في رحلة يعيد فيها قضاء شهر عسل جديد يستعيد به شبابه المفقود في السعي على بضع جنيهات لاتسمن ولا تغني من جوع.
في منزل مختار وقفت نرمين أصغر ابنائه تتخصر بيديها أمام والدتها وهى تصيح فيها بصوت مرتفع تطلب منها مبلغ مالي كبير بعض الشيء لشراء ملابس جديدة ثمينة تليق بحضور حفل زفاف شقيق صديقتها أبنة رجل الأعمال المعروف والذي سيكون عبارة عن تجمع لرموز كبار الدولة من رجال الأعمال والصناعة وقيادات وزارية وأمنية رفيعة المستوى نظرا للأهمية الاقتصادية والسياسية التي يحظى بها والد صديقتها .
ماما انا عايزه ٥٠٠٠ جنيه اشتري بيهم فستان سوارية أحضر بيه فرح أخو روفان الهلباوي صحبتي.
جحظت عين منيرة بذهول وصړخت بها تعنفها.
نعم يا روح أمك ٥٠٠٠ جنيه ليه ياختي قالولك عليا قاعدة على بنك ولا قاعدة على بير ملوش قرار وبعدين مش أنت يا مقصوفة الرقبة واخده مني الاسبوعين اللي فاتوا ١٥٠٠ جنية شارية بيهم طقم جديد خلاص البسيه وروحي فيه ما هو متلبسش غير مرة.
ضړبت نرمين صدغها بفزع وكأنها تجبرها على أرتداء ملابس كاشفة.
ينهار أسود ومنيل يا ماما أيه اللي بتقوليه دا بقى أنت عايزانى انا أحضر في الطقم اللي حضرت بيه فرح أبن عم صحبتي ريهام لا يمكن أبدا أنت عايزة البنات تاكل وشي ويقولوا أني فقيرة لأ طبعا استحالة انا لازم اجيب فستان سوارية جديد لفرح إخو روڤان ومش أي فستان كمان دا لازم يبقى ترى شيك وإلا مش هحضر الفرح ده خالص.
أشارت منيرة لها بنزق وبلامبلاة.
بركة يا جامع جت منك يا حبيبتي وحتى أحسن عشان انا معيش فلوس مش ضروري تروحيه هو أنت يعني شغالة ختم
