وقفت منيره
يدها بسخرية.
هى مغلطتش في البخاري يا ختي هى قالت الحقيقة أنما أنت اللي بتحبي أبوك بزيادة ومبتستحمليش عليه أي حاجة وبعد كدا خليك في حالك ملكيش دعوة بأختك خالص فاهمة يا ست الشيخة خضرة الشريفة ويلا ايدك على الفلوس بسرعة مش النهاردة أخر الشهر و يوم قبضك النهاردة بردو.
مكة انا محتاجة شوية حاجات مش هقدر اديكي حاجة الشهر ده.
مكة بذهول من حديث والدتها ايه يا ماما في ايه
منيرة اخلصي وقولي حاجات ايه اللي هتصرفي فيهم مرتبك كله.
هزت مكة رأسها معترضة على استغلال والدتها لها وأخذ معظم إجرها نظير عملها.
لأ انا محتاجة قبضي الشهر ده لأن فلوس الكتب بتاعت الترم التاني نزلت من زمان ولازم أروح أجبها دا أن عندي ملزمات ومحاضرات عايزه اجبهم من المكتبة بردو وكمان تعبت في الشغل وحسيت بهبوط ودي مش اول مرة يجيلي على فكرة فهروح اكشف واعمل تحاليل ولو فاض معايا حاجة هشتري ليا طقم خروج انا مجبتش هدوم جديدة ليا السنادي خالص.
مليش فيه يا عين إمك يا تجيبي ٢٠٠٠ جنيه دلوقتي حالا يا أما هعكنن على ابوكي لغاية ما يتصرف ويجبهملي من تحت طقاطيق الأرض ها قولت إيه.
نظرت لها مكة بحزن ورجاء.
يا ماما انا بقالي تلات شهور بدي لحضرتك ٢٥٠٠ جنيه كل شهر ومش بسيب ليا غير ٥٠٠ جنيه بس مصروف ومواصلات ليا وبابا كمان بيديك كل مرتبه من الوظيفتين يعني بتاخدي حوالي ١١ الف جنيه بتعملي ايه بالفلوس دي كلها دا غير ايجار الشقتين بتوعك والبيت هنا.
أنت بتحاسبيني يا قليلة الأدب دي أخرة تربيتي فيك تقفي قصادي وتكلميني بالأسلوب ده ياعديمة الاحساس يا غبية زي أبوك.
ثم رفعت يدها وصفتها بقوة جعلتها تترنح قليلا قبل أن تتمالك نفسها وهى تضع يدها على صدغها وتنظر بذهول لوالدتها التي وقفت تنظر لها بشړ بينما وقفت نرمين تنظر لها بتشفي وعلى وجهها ابتسامة ساخرة.
مسحتها نظرات منيرة من أعلى رأسها لأخمص قدميها بأشمئزاز وحقد.
وأقطع رقبتك لو فكرتي تقفي قدامي تحاسبيني تاني دا أبوك ميقدرش يعملها تقومي أنت ياختي تعمليها ايه بقيتي كبيرة وشميتي نفسك عشان اشتغلتي لا فوقي لروحك والإ المرة الجاية هكسر ليك نفوخك.
تجرعت مكة مرارة حلقها پألم وعبراتها تتقافز على وجنتيها تلهبهما وټحرق جلدها ثم فتخت بحقيبتها تخرج منها المال وأمسكت يد والدتها تضعه فيها بالقوة.
ثم سحبت نفسها ودخلت غرفتها تبكي بصمت حتى دخلت عليها رضا تربت على كتفها بحنو.
خرجت نبرة رضا حزينة مټألمة من أجلها فهى أكثر من يشملها بعطفها وحنانها في هذا المنزل وتعترفزبمدى طيبتها فهى لا تستحق ما تفعله بها والدتها بجحود وأنانية.
أبتسمت مكة من بين دموعها ثم لم تشعر بنفسها وهى تمد يدها ل رضا كي تضمها ثم ما لبثت أن فعلت حتى تشبثت بها بقوة وهى تبك على كتفها بحزن.
عايزة تديني من مهيتك اللي بتصرفي منها على امك وأخواتك يا حبيبتي دي يدوب تقضيكم عيش حاف دا انا ببقى عايزه ازودلك من معايا بس ربنا يسامحها ماما بتاخد مني فلوسي كلها اول بأول.
مسدت رضا على ظهرها برفق.
مستورة والله يا ابلة مكة دي امي بتحوش منها جزء هى ومعاشها عشان لما يجيلي عريس تجهزني منه وبعدين أنت كل شهر بتديني ٢٠٠ جنيه من ورا ست منيرة ولما انا أجي اديكي مرة مش حرام.
أبتعدت مكة عنها قليلا ثم مسحت وجهها تزيل أثار البكاء قبل عودة أبيها.
أمك دي ست عظيمة ربنا يبارك فيها ويحفظها ويخليها ليكم يا حبيبتي ثم بقى يا قلبي انا لما بديك المبلغ البسيط ده عشان لو نفسك في حاجة تشتريها بعيد عن مهيتك.
أمأت رضا برضا وقناعة.
انا عارفة يا أبلة مكة أنك بتديني إجيب اللي نفسي فيه ربنا يخليك أنت اكتر واحدة طيبة هنا أنت وعم مختار كمان بس انا لما ببص لحال أخواتي الصغيرين بيصعبوا عليا وبقول هما أولى وبفضل محوشة الفلوس عشان لو حد منهم نفسه هفته على حاجة وأمي مقدرتش تجبها بقوم انا جيبها ليهم من معايا وساعتها بتبقى الدنيا مش سيعاني من الفرحة لما بشوفهم مبسوطين.
ربتت مكة على وجنتيها برفق ثم قبلت جبينها.
الرسول صلى الله عليه
