جدتي متجوزه عرفي

مراد 
ازاي يا تيته ده يبقي جوزك ده قدنا احنا 
احفادك معقول تتجوزي عيل صغير كده
الجده 
وانت مالك انت انا حره يا حبيبي واللي مش عايز 
يعيش في الفيلا هنا يقدر يمشي والباب يفوت جمل
وقبل ما نبدا الحكايه اعرفكم بنفسي أنا ثريا 
عندي 50 سنه وعايشه لوحدي في الفيلا 
وفي يوم جمعت عيالي عندي ب احفادهم 

وابني الكبير قال
مصطفي 
جرى ايه يا ماما ما تقولي عايزانا في ايه كل واحد فينا وراه شغله مش فاضي للقعده دي
الام 
مستعجل قوي يا حبيبي علي الملاين 
اللي وراك اسمعوا كلكم انا مش مخلفه 
3 علشان اعيش لوحدي في القصر ده 
اللي عايز يعيش معايا هنا اهلا وسهلا اللي 
عايز يمشي يتكل علي الله بس ملوش ورث 
عندي
وقامت ميرنا بنتها وقالت
ميرنا 
ايه يا ماما الكلام الغريب اللي انتي بتقوليه ده وبعدين يعني احنا كل واحد قاعد قريب من شغله الفيلا بتاعتك هنا بعيد عن شركتنا
الام 
خلاص يا حبيبتي روحي لدلتك وشركتك وملكيش ورث عندي حاجه ثانيه
ميرنا 
ازاي يعني يا ماما هو بابا كتبلك كل حاجه علشان تعملي فينا كده
الام 
ابوكي كتبلي كل حاجه عشان كان عارف نواياكم كلكم كان عارف ان كل واحد فيكم اللي يهمه الفلوس وبس وكان فاكر لما يكتب لي الفلوس هتقعدوا معايا هنا بس
انتم سبتوني ومشيتوا
محسن
مش وقته الكلام ده يا ماما يعني انت كل اللي عايزاه دلوقتي نقعد معاكي في الفيلا هنا عشان تدي كل واحد نصيبه مش كده
الجده 
مش دلوقتي بعد ما اروح هتعيشوا معايا في الفيلا كان بها هكتب وصيه ان بعد ما اروح الورث يتقسم عليه بشرع ربنا غير كده هدي كل فلوسي للجمعيات الخيريه
مصطفي 
ايه يا ماما الكلام اللي انت بتقوليه ده لا طبعا انا مش موافق
الجده 
خلاص يا حبيبي يعني انت متنازل عن ورثك لاخواتك لو فضلوا قاعدين معايا او للجمعيات الخيريه لو عملوا زيك الكلام خلص وانا لازم اطلع اخد الدواء علشان انام البيت بيتكم 
وبعدها طلعت
محسن 
هنتصرف ازاي دلوقتي بجد لو اخذت ورثي ده هقدر اكبر شركتي
ميرنا 
ماما مش هتعيش قد اللي عاشته تعالوا نرجع نعيش معاها هنا تاني علشان تقسم الورث
مصطفي 
شكلنا مش قدامنا حل غير ان احنا نعمل كده كل واحد يجيب عياله ويجي يعيش هنا في الفيلا
معاها 
ميرنا 
خلاص انا من بكره جاي وانتم كمان تعالوا
وبعدها مشيوا وكنت قاعده في اوضتي 
ومشغله الكاميرا وسمعت كلامهم كله 
وكانت وافقه معايا سعديه الشغاله
سعديه 
على فكره هم اكيد ما يقصدوش كده يعني وبصراحه بقى انت كان كلامك صعب انتي عارفه ان شغلهم لازم يكونوا فيه ديما
الام 
شفتي ده بيتمنوا أن اروح جايين هنا علشان خاطرالفلوس وبس ومش مهم انا
سعديه 
اسمعي كلامي بالظبط في اللي انا هقوله لك وباذن الله هتكسبي هتكسبي عيالك وهتكسبي رضا ربنا كمان وتاني يوم كانت بتفطر وبعدين 
دخل مصطفي
مصطفي 
صباح الخير يا ماما اهو سمعت كلامك وجيت زي ما انتي عايزه وشويه والاولاد جايين ومامتهم كمان
الام 
صباح النور اتفضل اقعد افطر مراتك نانسي هانم هتسيب فيلاتها وهتيجي خلينا وراك كذاب
مصطفي 
بس ارجوكي يا ماما مش عايز اي مشاكل معاها لو بتحبيني بجد
الام 
طيب يلا افطر معايا
مصطفي 
معلش يا ماما انا ما بفطرش انت جيت بس علشان اقولك واعرفهم انهم يجهزوا الاوض للاولاد
الام 
لا ما هو البيت ده هيكون ليه قوانين كلنا هنقعد نفطر مع بعض وهنتغدى مع بعض تخلصوا شغلكم وتيجوا انا مش فاتحاها اللوكنده ان انتم هتيجوا تناموا فيها وبس
مصطفي 
طيب خليها من بكره باذن الله 
وبعدها دخلوا اطفال كتير
الام 
حبايب قلبي كويس ان انتوا جيتوا يلا ادخلوا المطبخ علشان تفطروا وبعد كده هنقضي يوم جميل مع بعضينا
مصطفي 
مين دول يا ماما بيعملوا ايه هنا على الصبح كده دي مدرسه
الام 
اصل انا يا حبيبي متعوده ان انا اجيب الاطفال من دار الايتام يوم في الاسبوع يقضوا معايا
بس حلوين اوي
مصطفي 
طيب ما احنا خلاص جينا معاكي اهو ولا انتي متعمده تصرفي كل الفلوس يا ماما على الفاضي
الام 
قوم روح شغلك يا مصطفى هي شويه الفلوس دي اللي هيخلصوا ومش عايزه اسمع كلامك