دقة قلب باسم مروة حمدى ومنى عبدالعزيز
ده المفروض يشكرك. ملاك الف لا الف ايه مليون واحد يتمناها
خالد بغيظ بإمارة الهدوم
علياء فدا ظفرها
كارم محاولا تلطيف الأجواء بلاش الكلام ده خالد كتر خيره علي ال عمله .
علياء ليه هو كان عمل ايه مش كفايه اتجوزها من غير شبكه ولا مهر .
كارم شبكه ومهر ايه يا علياء احنا كنا في ايه ولا ايه .
خالد ينظر لها بزهول ضيق عينيه يتحدث بسخريه شبكه ومهر ليضحك ساخرا مين ال يجيله الشبكه والمهر. انا اتخدت علي خوانه .
علياء جوازة واتحسبت علي البنت ولا لاء بدل ما تعتبني كنت فكرت في كل ده حتي البنت دخلت علي عفش قديم .
لينظر خالد وكارم لبعض ببلاهه .
ليشير خالد لكارم مين دي .
كارم ينظر لاسفل مبتسما يهمس بصوت سمعه خالد حماتك يا ابن اختي .
لتسمعه علياء وتهب واقفه مالها ملاك يا سي خالد جمال ورشاقه لو لقيت الدنيا كلها متلقيش زيها حسب ونسب جمال ومال وأدب واخلاق .ولو قالت يا جواز الف من يتمناها .
خالد متناسيا خاله بعصبيه شديدة نعم نعم حضرتك بتقولي ايه الف مين دول ال يفكروا يبصولها .
لينظر لها خالد پغضب وعيون تكاد تشتعل من شدة احمرارها
وهي تجلس تضع ساق فوق أخري تنظر له بتشفي وفي نفس الوقت قلبها يرفرف من السعادة لتاكدها بأن خالد هو اصلح شخص لحماية ملاك حتي من أولادها .
كارم يقف بينهم يجفف عرقه
حبيبتي انتي فهمه طبيعه علاقه ملاك وخالد غلط الرجل يشكر لتقاطعه علياء
لتعتدل فى جلستها ترفع راسها وتتابع الاخوات ياما بيحصل مابينهم وعلى رأى المثل ده مصارين البطن بتتخانق ودول ډم واحد فى الاول والاخر هما ال الباقين لبعض ليستشيط خالد منها يتخيل أكثر من سيناريو يفرغ به غضبه عليها ينظر لها بغيظ لولا وجود خاله الذي منعه كان دق لها عنقها .
علياء مش هنسلم على البنت
كارم بعدين بعدين ياعلياء ليغلق خالد الباب خلفهم دون حديث
يذهب باتجاه غرفه ملاك يتمتم ودى سكتت ليه كده هى كمان ليجد غرفتها فارغه لياتى صوت من المطبخ
ليذهب بحرص ليفاجأ بها تجلس على الطاولة تفتح جميع الأكياس تاكل بنهم
خالد انتى بتعملى ايه
ملاك بفم ممتلئ جعانه
خالد هتشل انا هتشل
بينما بعد ابتعاد كارم وعلياء عن منزل خالد ليقف كارم على جانب الطريق بسيارتهم
كارم زودتيها اوي مكنش ليه لزوم كل ده .
علياء لازم يعرف ان ملاك غاليه علينا وأنها مش لوحدها ليها سند وأهل يخافوا عليها وكمان حاجه مهمه كنت لازم اعرفه ان جوازه منها مش اخر المطاف بالنسبالها وأنها فرصه لاي شاب .
كارم علياء ملاك مكنتش تنفع تجوز غيره
علياء طب ما انا عارفه وهو فهمني بس انا متغاظه منه ده بيقول معملش حاجه .
كارم بعدم فهم وانتي كنتي عوزاه يعمل ايه .
علياء كان نفسي يتمم الجواز هو انا عمري كنت هلاقي زي خالد أأمنه عليها حتي ولادي نفسهم مكنتش هامنهم عليها زيه بس كنت اتمنا خالد يتغير ويقبل ملاك زوجه قولا وفعلا فقلت استفزة واحركه بس تعرف قريب اوي هنفرح كلنا
كارم وياترى ايه ال قرتيه فى المزكرات ومردتيش تقولى قدام خالد انتى عارفه كان مكتوب فيها ايه
علياء اااه عارفه لانى كنت بشوفه وهو بيحصل
كارم يظهر أن فى حاجات كتير مااعرفهاش
علياء مش بقولك أنك كنت بعيد
كارم ومش آن الأوان انى اعرف
علياء هقولك واشيل الحمل ده من على قلبى
_______________
يخرج امير من الحمام يضع منشفه حول خصره ينظرح له لا يجدها بالغرفة لياتى لسمعه صوت رجولى قادم من الخارج ليرتدى بنطاله بعجل ويغلق ازرار قميصه وهو خارج من الغرفة ليرى زوجته تقف مع شخص ما ترجوه أن يتركها بحالها ويرحل
لينتبه ذلك الشخص على وقوف امير يستمع لهم
الشخص بعصبيه مين ده ياهانم هو انتى خلاص مالكيش حاكم ولا كبير وصلت بيكى الجراءة تجيبى رجاله غريبة البيت
ليرفع امير حاجبيه ينظر لها منتظر سماع جوابها
سلوى اخرص قطع لسانك انت اكتر واحد عارف انى مش كده ده يبقى جوزى
ليصفق لها بحرارة حلو اوى الكدبه دى وياترى مطلوب منى أنى اصدق
امير وقد فاض به الكيل لا صدق ياروحها بس انا بقا ال عايز اعرف مين الامور
الشخص تؤتؤتؤتؤ جوزها وماتعرفش اخوها
لينظر امير لها لتؤمى رأسها ودموعها لا تتوقف
سلوى للاسف ايوا
وليد انت عرفت أن انا اخوها اعرف منين انك جوزها
امير لسه متجوزين والقسيمه لسه ماطلعتش
ووليد اممم تيب زى الشاطر تاخد بعضك وتمشى وانا هعمل نفسى مشفتكش
امير يلكمه بوجهه انت اهبل بقولك جوزها
ليرد له وليد اللكمه جوزها ومافيش قسيمه وأخوها مايعرفش
سلوى وانت يهمك فى ايه انا حره نفسى مش محتاجه واصى عليا كفايه اوى ال عملته فيا زمان
وليد من غير تمثيل ودموع تماسيح ال عملته خلاكى هانم بتركبى عربيه بدل جريك وراء الاتوبيس وساكنه فى شقة فى منطقه مكنتيش تحلمى تعدى فيها حتى
لتصرخ سلوى پقهر وكان ايه التمن شبابى وسنين من عمرى مع رجل قد ابويا مريض نفسى واحد مختل بيطلع عليا عقده لارحمنى فى حياته ولا أولاده رحمونى ف مماته انت بعتنى زمان وقبضت التمن ومفكرتش فى يوم تسال عليا وتقول ياترى عاملة ايه حتى لما ماټ مادورتش لانك عارف انى مش هعرف اخد مع أولاده حق ولا باطل وجاى بعد تلات سنين تقول اختى وبدور عليا
فلوسك خلصت ولا شوفتلى بيعه جديده
وليد بتلجلجل لم يتخيل أن تقف أمامه وتحدثه بهذا الشكل
ليمسكه امير من تلابيب ملابسه وقد اشټعل ڠضبا مما سمع ومااكد حديثها صمت الآخر وانعدام نخوته التى استشعرها امير مراتى خط احمر فاهم والإ الله فى سماه لاعرفك يعنى مرآة امير الخديوى ليهز وليد رأسه بړعب ليخرج من الشقه وهو يلعن ليتحدث فى هاتفه عايز معلومات عن امير الخديوى تكون قدامى خلال ساعتين وحقك هيوصلك والأهم أهله مين وفين ليغلق ناظرا أمامه يتوعد يافيها يااخفيها يابنت امى ماهو مش هسيبك تدلعى فى العز لوحدك وانا اتفرج عليكى من بعيد
بعد خروجه تجلس سلوى باڼهيار تحدث نفسها حتى فرحتى عمرها قصير لتنظر لذلك الواقف يوليها ظهره لا ينطق بكلمه واحده
سلوى اامير انا مش هلومك لو حبيت تخرج من حياتى
امير بجمود وهو لا يزال يوليها ظهره افتكر أن ده قرار يرجعلى واظن من حقى أن اعرف كل حاجه عن حياة مراتى وايه حكايتك مع اخوكى لتغمض أعينها تتحدث پألم عميق
ااحنا اخ واخت
