جبروتي علي امي_كامله _بقلم هويدا زغلول
انت في الصفحة 1 من 8 صفحات
جبروتي علي امي
الحلقه الاولي
بقلم هويدا زغلول
الام
بقي انهارده بدل ما تخليني اتشرف بيكي
واقول اللي انتو فرحانين بيها دي تبقي بنتي
تقولي للناس أن أنا الست اللي بمسح ليكي
السلم
نورا
امال عايزني أنا اشرفك بيا وانتي تعملي فيا
كده قدام صاحبي شغاله خادمه في البيوت
يا ماما
اللي قسيت علي امي ودائما كنت بجرحها
بالكلام وفاكره يوم ما ماما دخلت عليا قبل رمضان بيوم ومعاها صنيه اكل وحطت الصنيه علي التربيزه وقالت
الام
كل سنه وانتي طيبه يا قلبي ورمضان كريم
عليكي يارب معلش بقي بكره هتروحي
تكلي عند عمتك وانا قومت وقفت وقولت
اي مش عارفه تخدي اجازه اول يوم رمضان
يا ماما حتي وتقعدي معايا
الام
معلش يا بنتي انتي عارفه امك ممرضه
في مستشفي والإجازات دي مش بمزاجي
حقك عليا بس اوعدك تاني يوم رمضان
هكون معاكي
نورا
بطلي كلمه ممرضه دي بكرها
المهم انا عايزه
فلوس لان المفروض أنا واصاحبي رايحين
الام
واحسن منهم كمان هو انا عندي كام نورا
اوعدك يا حبيبتي بكره الفلوس تكون معاكي
بعدها ماما بصت لصنيه الاكل وقالت
تعالي بقي جايبه ليكي اكل معايا من المستشفي انما اي مكرونه بالبشاميل وفراخ مشويه
نورا
انا اتحجزت كام مره في المستشفى وعمري ما شوفت مستشفى بتعمل الاكل ده يا ماما وكمان الاكل في صواني ازاي يعني
ده يا حبيبتي مش من المستشفى دي واحده زميلتي هي اللي كانت عاملاها وجايبه لنا اقعدي كلي معايا اكل طعمه حلو اوي
نورا
لا انا هطلب دليفري مش عايزه اكل شحاتين انا
وبطلي بقي تخدي اكل من الناس تعالي
بيتك واعملي الاكل اللي علي مزاجك
الام
اخص عليكي يا نورا دي كلمه تقوليها ليا برده يا بنتي ما انتي عارفه ان انا باجي متاخره هاجي اقف المطبخ هنا كمان
بقولك يا ماما انا ورايا مذاكره كثير وبصراحه عايزه اكل من بره روحي بقى اعملي حاجه اشربها وهاتيها هنا عشان اعرف اذاكر عقبال ما اطلب الاكل يجي دليفري
الام
حاضر يا بنتي تحت امرك وبعدها خرجت ماما
ولقيت مريم بترن عليا
مريم
هو انتي فين يا نورا انا عمال ارن عليكي من بدري بقولك ايه انا عايزه اجيلك معلش لان في حاجات كثيره مش فاهماها
تيجيلي فين اقصدك البيت لا لا مش هينفع اصل عمتي وعيالها هنا وكلهم عاملين دوشه جامده اوي خليكي انتي وانا هاجيلك
مريم
والله العظيم انا كنت عايزه اقولك كده بس كنت محرجه لاني انا اللي محتاجاكي خالص هستناكي يا حبيبتي
نورا
اخص عليك يا مريم هو في بينا كده برده
خلاص انا جايلك وبعدها روحت ليها وماما
لما لقت نفسها قاعده لوحدها قامت نامت
وتاني يوم راحت شغلها في بيت مريم صاحبتي
مش المستشفي اللي بتقول عليها ودخلت
اوضه مريم
الام
اخص عليكي يا مريم انتي على طول كده مرميه هدومك في كل حته قومي يا بنتي بقى وراكي جامعه يا حبيبتي
مريم
صباح العسل على احلى طنط نجوى في الدنيا ازيك يا حبيبتي عامله ايه رمضان كريم عليكي يا حبيبتي
الام
ما باخدش منك غير بكش وبس ينفع منظر اوضتك ده مش قولتلك كام مره تعلقي هدومك
مريم
لو ما كنتش بدلع عليكي انتي هتدلع على مين يا عسل وبعدين انتي قولتي انك عندك بنت زي كده بالضبط بترمي لك هدومها في كل حته
اعتبرني بنتك بقي
الام
والله ربنا يعلم بحبك زيها ازاي ربنا يخليكي ليا يا بنتي ده انا بنتي بكره هتبقى دكتوره قد الدنيا
مريم
طيب ما انا نفسي اتعرف عليها ما تجيبيها مره هنا معاكي علشان نشوفها
الام
لا لا مش هينفع اصل هي وراها مذاكره كثير ربنا معاها بقى يلا بسرعه علشان تلحقي تيجي
قبل المغرب
مريم
حاضر يا حبيبتي انا داخله اخد شاور وهنزل على الكليه على طول وبعدها خرجت وبدأت ماما
تلم الهدوم ودخلت ام مريم وقالت
ثريا
كويس يا نجوي انت جيتي بدري المفروض النهارده هنعمل اكل كثير قوي عازمه اخواتي كلهم يا ستي
نجوي
مش انتي اختهم الكبيره ولازم تعملي كده
ربنا يخليهم ليكي يارب
ثريا
ما تخلي بنتك تيجي هنا بدل ما هي تقعد
لوحدها
نجوي
لا هي هتاكل مع عمتها احسن يلا بقي بينا
علي المطبخ علشان الحق اخلص اللي ورايا وبعدها جت مريم من الكليه ودخلت اوضتها
وشويه و خرجت ودخلت المطبخ وقالت لمامتها
مريم
بصراحه مش بحب بنات خالتي دول بحس
ان مناخيرهم في السما
ثريا
يوووو. بقولك اي اهو يوم ويعدي بقي يا مريم
واخرجي
