انت العريس بقلم ميرنا عبود

وسيبه وطلعت من الكافية وبعد وقت طويل رجعت بيتنا نومت على سريري وأنا بفكر فيه قربت ومسكت الفون وأنا متردده ارن عليه او لا اتنفست بعمق وقررت مرنش واروح اعملى حاجة لطيفة اشربها قربت
خطوتين علشان اطلع لقيت التليفون بيرن ابتسمت وبصيت للفون بتردد وقلبي بينبض بشكل غريب قربت من الفون وفتحت وأنا بتصنع اللامبالاة

ايوه يا دكتور مالك.
هو أنا مش قولتلك ترني عليا أول ما توصلي يرضيك افضل قلقان عليك كل الوقت ده
وحضرتك تقلق عليا ليه
امم بدأنا شغل الهبل المعتاد.
قولت إيه عيد تاني كده.
سمعت صوت ضحكته فتلقائى ابتسمت.
سيبك من إللى أنا قولته وقوليلي رجعت البيت ولا لا
اه يا سيدي رجعت.
طيب وفكرتي فى موضوع جوازنا ولا لا
قولتلك قرارى هيوصلك من بابا.
ماشي يا ستي وأنا مستنيك.
طيب ممكن اقفل بقاا.
اوك اتفضلي.
تصبح على خير يا دكتور.
ضحك
وأنت من اهلي.
مقدرتش اكتم ضحكت حطيت الفون قدامي علشان اقفل فسمعت صوته
روفانيا استنى.
اتنهدت ورفعت سماعة التليفون تاني
فى إيه تاني
بحبك.
قفلت التليفون فى وشه وأنا بضحك قعدت على سريري وعلى وشي ابتسامة لطيفة أنا بطبعي شخص بيتكسف ومش بيعرف يعبر دائما بحاول ادارى كسوفى وراء جناني قلبي كان بينبض بشكل غريب اووي سندت بضهرى على المخدة وأنا بفكر فيه معقولة أكون حبيته فضلت الليل كله بفكر فيه لحد ما اخيرا وصلت لقرار.
تاني يوم صحيت وطلعت لبابا علشان اقوله قرارى
بابا
رفع وشه ليا وابتسم بحب
ايوه يا حبيبتي.
اتوترت وفضلت افرك فى ايديا
احم لو سمحت بلغ مالك أنى موافقة على طلبه.
ابتسم وهز رأسه بتاكيد
كنت متاكد أنك هتوافقي.
ابتسمت وحضنته وهو بادلني الحضن.
يا مالك ماله بس الفستان ما هو جميل.
ربع ايديه قدامه وبصلي بضيق
يعني أنت مش شايفة أنه مفتوح شوية.
نفخت بزعل
طيب اعمل إيه كل الفساتين الموجودة هناا موديلها كده.
اتنهد وقرب مسك إيدي واخدني لفرع تاني اجمل دخلنا علشان نختار فستان الفرح بعد ما لفينا فى كل المولات الموجودة.
اتفضلي يا ستى اختارى.
قعدت على الاريكة الموجودة بتعب
لا أنا تعبت اختار أنت بقاا.
ابتسم وفضل يبص لكل الفساتين علشان يختارى واحد منهم فضلت قاعدة ببصله وأنا مبتسمة الفترة الأخيرة بقيت متعلقة بمالك بشكل كبير خصوصا بعد الخطوبة والفترة إللى اتعرفنا فيها أكتر على بعض طلع شخص جميل اووي لطيف حنين فيه كل الصفات إللى ياما اتمنيتها تكون فى شريك
حياتي.
فوقت من شرودى على صوته
قومى يلاه جربي الفستان ده.
بصيت للفستان من فوق لتحت كان شكله شيك اووي ولطيف ابتسمت وقومت أخدت منه الفستان وأنا ببتسم
شكله لطيف.
زيك
ضحكت بخفة وأنا بداري وشي بخجل وسحبت الفستان من إيده
احم احم أنا هدخل اجربه.
اتقدمت كام خطوة بس
وقفني صوته
روفانيا.
بصيت له فابتسم بحب وعيون بتلمع
بحبك
فى منتصف أعماق قلبي أنت هناك