حاسه اني هيجرالي حاجه وانا بحكي

حاسة اني هيجرالي حاجة وانا بحكي انا اكتشفت ان جوزي علي علاقة بواحدة معاه في الشغل وكمان بيجهز انه هيروح يتقدملها..
الحكاية بدأت بمكالمة تليفون جاتله وهو قاعد جنبي حد متسجل بأسم عم محمد..
اديته التليفون وانا بقوله علي الاسم لقيته ارتبك جدا وقفل الصوت..
_ ايه يا حسام مش هترد
لا يا اية اصل دا عم محمد عامل البوفيه الي شغال في الشركة اكيد بيتصل عشان عاوز خدمة او مساعدة وانا بصراحة مش ناقص ۏجع دماغ..

الكلام مدخلش دماغي خالص لأني عارفه حسام جوزي من زمان دا بيحب يخدم الناس كلها ازاي مش عاوز يخدم واحد غلبان..
الارتباك كان باين عليه جدا بس انا عملت نفسي مش واخدة بالي لحد ما اتأكد بنفسي ايه الموضوع..
انا و حسام متجوزين عن حب عمري ما شكيت فيه لحظة انه ممكن يخونني لكن دوام الحال من المحال مفيش حد بيفضل علي حاله خصوصا لما تدخل في حياته واحدة غير مراته..
لقيته أخد التليفون ودخل الحمام وده الي خلاني اشك فيه أكتر حطيت وداني عالباب عشان احاول اسمع اي حاجه لكن مسمعتش..
مكنتش عاوزه ابينله اي حاجه عشان ميحسش اني شاكه فيه واليوم عدا عادي جدا وتاني يوم الصبح صحي من النوم و راح الشغل وانا كنت هتجنن واعرف هو بيعمل ايه..
لبست هدومي ونزلت عشان اروحله الشغل و اشوف ايه بيحصل من ورا ضهري انا عارفه مكان الشغل بتاعه لكن عمري ما اتجرأت وطلعت فوق..
اول ما وصلت سألت واحد عليه شاورلي عالمكتب بتاعه رحت هناك ومن غير ما اخبط فتحت باب المكتب عشان اشوف..
فتحت باب المكتب لقيت الاستاذ قاعد هو وواحدة زميلته لوحدهم وكان في ايده ورق وكانت قاعدة تضحك وتبصله..
لما شافتني حسيت انها ارتبكت وهو كمان اتفاجيء جدا من وجودي..
دخلت قعدت عالمكتب بكل برود..
_ ازيك يا حبيبي مفجأه مش كده اصلي كنت قاعدة زهقانه في البيت قولت اجيلك اقعد معاك شوية ايه مش هتعرفني ولا ايه
اية مراتي و هند زميلتي هنا في الشغل
اهلا بيكي يا اية مبسوطة اوي اني اتعرفت عليكي حسام حكالي عنك كتير..
والله حكالك عني !! وانتو بقي بتيجو هنا عشان تشتغلو ولا تحكو مع بعض..
بعد اذنك يا حسام هروح مكتبي اكمل شغل
مكنتش متأكده لو كانت هي الي حسام بيكلمها ولا لا واتعاملت معاها بكل استهزاء بس كان قلبي حاسس ان هي دي لأن مش طبيعي قاعده معاه في المكتب لوحدها ..
حسام كان متغاظ مني جدا وبصلي وقالي
_ ايه الي انتي بتعمليه دا يا هند دي طريقه تتكلمي بيها مع واحدة غريبه عنك وبعدين انتي ايه الي جايبك هنا انتي عمرك ما جيتيلي الشغل بتاعي..
اتضايقت اني جيت انا كنت قاعدة مخڼوقة قولت اجي
اقعد معاك شويه انت السبب في الزهق