حاسه اني هيجرالي حاجه وانا بحكي
الي انا فيه دا قولتلك مېت مرة بلاش نأجل الخلفة واجيب عيل يونسني في البيت او انزل اشتغل..
_ وانا قولتلك مېت مرة اني رافض موضوع الشغل دا وبالنسبة لموضوع الولاد دا فا انا مأجله لحد ما حياتنا تستقر شوية تحبي تشربي ايه بقي
لا شكرا مش عاوزة اشرب انا هروح عند سارة صاحبتي اقعد معاها شوية لأنها مستنياني..
نزلت تحت وانا نازلة سمعت حد بينادي علي عم محمد ويطلب منه كوباية شاي دخلت سلمت عليه وعرفته بنفسي ولقيت نفسي بقوله هو انت اتصلت ب استاذ حسام امبارح يا عم محمد..
لا يا استاذة انا اصلا عمري ما كلمته ولا معايا رقمه.
_ ايوة صحيح الظاهر ان قريت الاسم غلط معلش انا اسفة ..
وانا نازلة من باب الشركة لقيت هند واقفة مع واحد وبتبصلي مشيت من جنبها ولقيتها بتنادي عليا وبتقولي ..
هند ندهت عليا ورجعتلها تاني اشوفها عاوزة ايه لقيتها بتكلمني كويس وبتعرفني علي الي واقف معاها..
_ دي بقي اية مرات حسام زميلنا و دا احمد خطيبي وبيشتغل معانا هنا في الشركة
حسيت من كلامها انها بتحاول تثبتلي ان مفيش حاجه بينهم وان كمان خطيبها معاهم في الشغل بس انا قلبي كان بيقولي ان فيه حاجه تانية بينهم ..
ركبت تاكسي ورحت علي بيت سارة صاحبتي اول ما دخلت عندها كان باين عليا جدا اني متضايقة ..
_ مالك يا أية شكل في حاجه مزعلاكي
_ هتضحكي عليا انا احنا نعرف بعض من ١٢ سنة وانا بعرف انتي حاسة ب ايه من غير ما تتكلمي بقي برضو مش هتقوليلي مالك..
بصراحة كده انا شاكه ان حسام بيخونني انا متأكدة كمان..
_ بيخونك!! ازاي يعني دانتي حب حياته هيخونك ازاي ومع مين ..
مع واحده معاه في الشغل انا اتاكدت بنفسي ورحت له الشغل النهاردة وفيه واحدة كدة انا شاكة فيها وهتأكد بنفسي..
تابعي بس وشوفي تصرفاته الفترة الجاية وان شاء الله ربنا ينور بصيرتك
انا لازم امشي دلوقتي عشان مش عوزاه يروح ميلاقنيش..
حسيت اني ارتحت شوية لما اتكلمت مع سارة ..
_ مالك يا حسام هو انا ضايقتك عشان جيت عندك الشغل
لا طبعا بس انا مش عارف ايه اسلوبك دا الي اتكلمتي بيه
مع هند مع انه بنت محترمة وعمري ما شوفت منها حاجه وحشة
_ كنت عاوزني اعمل ايه مكنش
