وقعت في مچنونة بقلم ايه طارق
رواية وقعت فى مچنونة 8
نأسف لتأخير البارت ولكن كان فى مشكلة عندى بالنت
أتمنى لكم قراءة ممتعة أعزائى القراء أصحاب الآراء اللطيفة
نزلت هاجر وبصتله لف وشه الناحية التانية سابته وطلعت تجرى على فوق وهى بتبكى خطبت على الباب فتحتلها لمياء
لمياء انتى فين كل ده بابا قاعد بيزعق من ساعتها
قفلت لمياء باب البيت وراحت وراها وفضلت تخبط الباب هاجر افتحى الباب يا هاجر ردى عليا
جرت لمياء عالمطبخ ماما
فتحية ايوة يا لمياء
لمياء هاجر جات من بره بټعيط ودخلت أوضتها و مبتردش عليا
حطت فتحية المعلقة اللى فايديها عالرخامة وخرجت بسرعة خير يا رب ايه اللى حصل!
لا رد فتحية هاجر يا حبيبتى افتحى الباب ونتكلم
لمياء نسيبها و شوية كده نرجعلها
فتحية أسيبها ايه بس دى أول مرة تحصل تليفونى فين
كانت الأطفال واقفين مش عارفين ايه اللى بيحصل جرى مؤمن جاب التليفون و ناوله لجدته
فتحية تسلم يا حبيبى
حسين سلام عليكم
فتحية وعليكم السلام عليكم و رحمة الله وبركاته
حسين خير يا فتحية
فتحية هاجر جات من شوية
حسين ببعض الڠضب متتنقلش من مكانها لحد ما أجى
فتحية هاجر جاية معيطة من بره ودخلت الأوضة ومش راضية تفتح لحد
حسين حصلها حاجة ولا ايه
فتحية محدش عارف حاجة لا راضية ترد عليا ولا على لمياء
فتحية أمرى لله حاضر
قفلت فتحية مع حسين وهيا زعلانة عليها ودخلت المطبخ تانى
كانت فى الأوضة قاعدة على الأرض بټعيط زعلانة من زعل اخوها منها كانت سامعه صوت لمياء و والدتها بس مش قادرة تقوم ترد على حد كل اللى شاغل بالها ازاى هتصالح أخوها وتحكيله اللى حصل قامت بدلت هدومها وخرجت تغسل وشها وراحت المطبخ لقت مامتها و لمياء بيعملوا الاكل
فتحية أخيرا خرجتى
كملت كلامها لعاب كده تقلقينى عليكى يا هاجر وكمان مترديش عليا
قربت هاجر منها وهيا بتحضنها حقك عليا يا ست الكل
لمياء ايه اللى حصل وخلاكى تبكى كده
بصت هاجر لفتحية أحمد عرف بموضوع الخطڤ
فتحية واللى عرفه ايه
لمياء پصدمة خطڤ انتى اتخطفتى امتى ده حصل ! وازاى ! وليه محدش قالنا!!!
قعدت هاجر عالكرسى وشدت طبق الخضار قدامها والله ما نقصاكى يا لمياء
لمياء سيبى اللى فى ايدك ده و احكيلى حصل امتى الكلام ده
هاجر لا منا معنديش خلق احكى مرتين استنى أما جوزك يجى واحكيلكم مرة واحدة مش ناقصة فرهدة
و وسعى كده خلينى أكل
بصت لمياء لفتحية شايفة بنتك
فتحية بضحك معلش استحملى زى ما أنا بستحمل
هاجر شوفتى أهى نبع الحنان جابتلك الخلاصة كنى فى جنب بقه لحد ما جوزك يجى
دخلت هاجر الصغننة عمتو عمتو
هاجر ايه يا جميل
هاجر الصغننة عالى العبى معايا
هاجر بس كده يلا بينا
أخدت وخرجت على اول الباب ورجعت تانى أخدت طبق الخضار
فتحية الله يهديكى يا بنتى
دخل حسين البيت لقاها بتلعب مع حفيدته الصغيرة و مازن ومؤمن حواليها
لفت هاجر لما سمعت صوت الباب حمد الله عالسلامة يا بابا
حسين الله يسلمك
جرى عليه أحفاده فتح ايده وحضنهم
حسين خد يا مازن الشنطة دى ليك انت وأخواتك
هاجر الصغننة جبتلى الثوكبون يا ددو
شاله حسين وباسها من خدها أيوة يا حبيبتى هتلاقى مع مازن
هاجر الصغننة طيب نزلنى بقه
نزلها حسين بتبصيلى كده ليه
هاجر وانا !
حسين انتى ايه
هاجر فين حاجتى اللى بتجبهالى كل مرة
حسين بلا مبالاة مكنش معايا فلوس تكفى
هاجر يعنى مش عشان مضايق منى
حسين وانا هضايق منك بتاع ايه انا بس عاوز اضربك
هاجر الاه وانا عملت ايه يعنى
حسين عملتى ايه !!! و بالنسبة للقسم اللى انتى جاية منه ده ايه
برقت هاجر مين اللى قالك
حسين هوا ده اللى همك مين اللى قايلى اللى قال. يا اختى ابو اللى انتى فاتحه راسه
هاجر يعينى يا نوغه هوا كمان باعتلك ابوه
حسين انتى يا بنتى عاوزه تعملى فيا ايه
هاجر علفكره بقه هما اللى بيجروا شكلى
حسين اه واللى يجر شكلك تبطحيه مش كده
هاجر وهى بتقعد عالأرض قدامه وهو قاعد عالكنبه بص هفهمك هوا واد مشافش بربع جنيه رباية اصلا
وساق قلة الأدب و خبطنى عايزنى أسكتله
حسين وهو بيضرب بايده على رجله لا ازاى موتيه وجيبى لنفسك ولينا مصېبة ونفضل نلف عالمحاكم بقه
هاجر واللا كبرت الموضوع يا حاج حسين
حسين تصدقى فعلا فيها ايه يعنى لما تفتحى دماغ الراجل ويخيطها 15 غرزة
هاجر 15 غرزة بس ده انا مفكراهم اكتر من كده
حسين قومى من قدامى بدل ما أتشل بسببك قومى يا وش المصاېب قومى
هاجر براحة بس العصبية مش حلوة عشانك
حط حسين ايده على دماغه بيأس منها
فى نفس اللحظة دخل أحمد اللى اتخض لما لقى أبوه قاعد كده
أحمد بابا انت كويس فى حاجة حصلت
حسين هوا انا هبقى كويس طول ما دى مصايبها مبتخلصش
أحمد خير بطحتى
