قصة قصتي مع سورة البقرة القصة كامله
انت في الصفحة 1 من صفحتين
تجربتي مع القرآن
تجربتي مع سورة البقرة
منقولة لصاحبها قصة حقيقية
القصة بلشت من هون .. متلي متلكن كنت اسمع كتيير عن سورة البقرة أسرارها بركتها كيف إنها بتقلب حياة الإنسان وبتغيرها وكلام كتير
حاولت بكتير مرات
إني التزم فيها وانوي إني رح بلش وما اقطع أبدا بس الصراحة ما كنت حاطة ببالي 100 ٪ أنو بدي التزم عنجد .. كنت انوهم أنو طويلة وكيف بدي التزم فيها كل يوم وما اقطعها ولا يوم أبدا ومن هالحكي ..
بأسبوع كنت مارقة بظروف جدا صعبة وكنت حاسة هموم الدنيا بقلبي طبعا كلنا منمر بأزمات وظروف قاسېة .. فقررت أنو التزم فيها من أول يوم برمضان
أول يوم قرأتها
بعد صلاة الفجر وعيرت الموبايل اديه رح تاخد معي بقراءة لا سريعة ولا بطيئة يعني وسط أخدت معي 50 دقيقة بالضبط أنا كتير انبسطت لأنو حسيت 50 دقيقة وقت مو طويل وممكن اقدر التزم فيهن كل يوم
جبت ورقة وقلم وكتبت كلللللل الشغلات اللي بدي ياها تتحقق كلللللشي من أصغر شي لأكبر شي وأكتر شي كنت فكرو مستحيل يتحقق بس خلصت طلعو معي ورقتين مليانين دعيت وقلت يارب سورة البقرة على نية كللللل هدول
بلشت يوم ورا يوم
بفضل الله من رمضان ولهلأ
لباقي القصة اضغط على متابعة القراءة
ما قطعتها ولا يوم أبدا ما كنت اقرأها دائما سحبة وحدة أيام قطعها بس لما كون بقدر اقرأها بفرد قعدة اقرأها لأنو إلها لذة خاصة جدا جدا
منجي للتغيير اللي عملتو بحياتي !!
1 البركة البركة البركة بكلللللللللللشي حرفيا كلشي بالوقت بالجهد بالصحة بالرزق بكل الأمور
ما فيني اوصفها لأنو مافي وصف بعبر عنها شي عجيب مرات اجي لابكي عنجد لما شوف التوفيق بعيوني سواء بدراستي الحمدلله أو بحياتي بشكل عام بكل جوانبها
