رواية صدقة زينب جميع الفصول كاملة
انت في الصفحة 1 من صفحتين
يــوم سبعة وعشرين رمضان اللي فات وقبل الفطار بعشر دقايق تقريبا لقيت مراتي عمالة تبصلي بنظرات غريـــبة وغير مفهومة بالمرة، تجاهلت شعوري مرة واتنين بس في التالتة بصتلها بابتسامة تعجب وقولتلها:
“مالك يا هبلة”
ابتسمت كعادتها ابتسامتها الجميلة وقالت
“هتوحشني أوي”
ضحكت ضحكة عالية ورديت عليها وانا بغمز وقولت:
“هتروحي محكمـة الأسرة ولا ايه يا مكارة”
لقيت ملامحهم اتحولت مرة واحدة وقالتلي بهزار
“اعوذ بالله، احنا ناس تعرف ربنا يا عم”
وفضلت على حالها تتأمل في ملامحي بطريقة غريبة طـول وقت الفطار، تقريبا مشربتش غير كوباية العصير وبس، وبعد صلاة التراويح طلبت مــني بطريقتها الودودة اننا ننام انا وهي وبناتنا الاتنين في ســرير واحد لحد العيد بس، رغم اني اســتغربت الطلب لأن البنات كبروا وقربوا يدخلوا المدرسة بس مكنتش بعرف ارفــض لها طلب..
وعدى اليوم والتاني لحد ما جت ليـ، ،ـلة تسعة وعشرين، تقريبا لقتها عملالي عـلي الفطار أكتر من 20 صنف أكل، كل صنف منه طبق صغير، لدرجة انها فضلت ست ساعات تعمل في الأكل، وقتها بدأ |لشك يـــدخل في نفسي بس مكنتش حابب ندخل في نقاش عن تصرفاتها الغريبة دي واحنا خلاص داخلين على العيد، نزلنا بالليل صلينا التراويح وكعادتها استأذنت بابتسامة عذبة اننا نفضل في الجامع لحد صلاة التهجد ونتسحر وبعدها نصلي الفجر، ورغم اني كنت بصلي التراويح وبرجع بس محبتش ارفـض كلامها، خاصة انها زوجة تقية وتعرف ربنا فعلا..
بس وانا بصلي الفجر حــسيت بقبضة غريــــبة بدأت تمـــســك في صدري، استعذت بالله من الشعور المقبض ده ورجعنا البيت، كانت الرقية ظهرت وعرفنا ان بكرة العيد وده أخر يــوم
