سكرين شوت
ليا واحده صاحبتي وزميلتي في الشغل من زمن يعني عشرة عمر ودايما بنروح الشغل مع بعض بحكم ان منازلنا قربية من بعضنا وشغلنا في مكان واحد وفي مرات كتير زوجها بيوصلنا عادي هو عارفني وانا عارفاه كويس انا وحده مطلقة وعندي ولد معايا فلما
كانت بتحصلي اي مشكلة كانت صاحبتي بتحكليه واوقات يتدخل كمساعدة منه ليا وانا كنت ببقى مبسوطه لانه زوج يعتبر مثالي من كل حاجه طيبه وحنيه وكرم وكل
واحده تتمنى زوج مثله خاصة لما بقارن اللي بيعمله مع صاحبتي مع اللي كان بيعمله معايا طليقي شتان بينهم المهم كان بيكلمني من فترة في موضوع مدرسة ابني لأن كان عندي مشكلة فيها ونقل منها فهو كلمني وقالي اعملي كذا وانا أثار جانبية وااحد يساعدك وهديله رقمك يكلمك فانا بعفوية بقوله يابخت فلانه بيك اللي هي صاحبتي وبقوله الواحده تتمني رجل في حياتها زيك حتى لو زوجة رقم ٢ مش مهم المهم يكون معاها زوجها وراجلها
لقيته خد سكرين من كلامي وبعته لزوجته وعملي مشكلة كبيرة مع صاحبتي وخليته اداني بلوك وهي كمان بلكتني وبقت مشكلة كبيرة بيني ويينها و دلوقتي مش بنكلم بعض هي لم تعاتبني في اي شيء لكن
قاطعتني ومبقتش تكلمني ولا هي ولا زوجها ولو شافتني في الشغل تبعد من المكان اللي انا فيه حاسه ان كرامتي اتهانت وبالأخص زميالنا في الشغل لاحظو وهما عارفين ازاي كنا اصحاب وعلاقتنا قوية وانا اللي يسالني بقول سوء تفاهم وبكره نبقى كويسن ومعرفش هي بتقولهم ايه وانا زعلانه أوي من الموقف ده ولا احسد عليه خاېفه ابادر
