ساره لنفسها

وبنبرة عالية
انتي لازم تهربي مافيش حل غير تهربي من الزفت الي اسمه فارس ده وما يعرفش ليكي طريق ركزت سارة حواسها كلها بعد ما سمعت كلامها وردت بنبرة مستفهمة اهرب !! اهرب ازاي !!!
ردت عليها وهي بتضحك بصوت مسموع ايوا تهربي وانا هقولك ازاي بس مش هينفع عالتلفون دي حكاية طويلة وعايزة ترتيب وتخطيط انا ساعتين وهاكون عندك ونتكلم براحتنا وافهمك عكل حاجة ماشي
ردت سارة بنبرة متاملة وهي بتتنفس بحزن ماشي ما تتاخريش عليا مستنياكي وقفلوا السكة ..
في بيت سارة 
وصلت نور البيت ودقت الجرس ركض وسيم وفتح الباب بسرعة نزلت نور عالارض لتبقى بطوله وقالتله بسعادة بعد ما حضنته
سمسوووووووم واحشني اوي يا جميل ازيكككككك ضحك وسيم وهو لاف ايديه على رقبتها كويس وانتي وحشتيني يا نونو ليه ما بقتيش تيجي عنا نلعب مع بعض ردت عليه وهي بتبوسه معلش يا روحي كنت مشغولة شوية بس بعد ما اخلص امتحانات انا وسارة وعد هاجي والعب معاك انت و كريم اتفقنا 
جت امه وهي بتمشي بخطوات بطيئة اتجاه الباب مين يا وسيم وشافت نور بتكلمه قالت بابتسامة عريضة نور اهلا يا حبيبتي اتفضلي واقفة عندك ليه
وققفت نور و دخلت وسلمت عليها وباستها ربنا يخليكي يا طنط هاجننكم النهارده وانا كل شوية عمال انطلكم عبست ملامح ام سارة وردت عليها ايه اللي بتقوليه ده يا حبيبتي دنتي بغلاوة ولادي صدر البيت ليكي والعتبة لينا ادخلي وانا هندهلك سارة حالا
دخلت نور وقعدت ولقت كريم بلعب بالعابه قربت منه وبدات تلعبه ابتعد عنها وبقي يعيط ضحكت امه وهي ماشية ناحية غرفة سارة تناديها شفتي يا نور ازاي كريم نساكي علشان مابقتيش تزورينا
ابتسمت نور وردت عليها معلش يا طنط حقكم عليا بس انتي عارفة المذاكرة والامتحانات والسنة دي التخرج جاها صوتها بعد ما دقت باب الغرفة وفتحتها عارفة يا حبيبتي ربنا يوفقكم سارة نور جت ومستنياكي بالصالة ردت سارة وهي بتحط الكتاب عالسرير جنبها وبتقوم من مكانها حاضر يا ماما انا جاية اهو وراحت سارة لنور وسلمت عليها وقعدت جنبها عالكنباية وبداوا يتكلموا
قالت ام سارة وهي بتحط ابريق الشاي عالنار وبتنده على وسيم
وسيم روح نادي يارا تقعد معانا نشرب شاي وكيك بقيت سارة تتريق وهي بتتكلم بصوت عالي ايواااا يا عمي الكيك بس لناس وناس واحنا ما بنشوفش حاجة ومش نايبنا من الحب جانب
جت امها وهي ماسكة بايدها طباق عليهم قطع من كيك الموز مش لما اشوفك يا لمضة الاول انتي اقعدي بالبيت وهبقى اعملك اللي انتي عايزاه
ردت سارة بتهكم هو انا بخرج اتفسح يا ماما ما انا غرقانة بين الشغل والكلية
قالت امها باسف والله يا نور ما بقيناش بنشوفها بتروح واحنا نايمين وبتخرج من وش الفجر ردت نور بنبرة اسفة عارفة حبيبتي بتتعب اوي ربنا يعينها
مسكت سارة الطبق وهي بتغمز نور وقالت لا وايه عاملالك الكيكة الي بتحبيها موز يا قردة وضحكت بصوت عالي
ضړبتها نور عكتفها وهي بتقولها بحدة طالعالك يا ام القرود كلهم مش عيب عليكي تخليها تتعب نفسها كده ردت سارة ببراءة وهي بتاكل من الكيك والله ما قلتلهاش حاجة غير اني هنام شوية وانتي هتيجي عنا بالليل نقعد مع بعض بس هي بتحبك يختي اعملكم ايه انا بقى
وجت امها بابريق الشاي وقعدت نور مع اهلها شوية واستاذنت منهم تدخل مع سارة اوضتها بعد ما جت يارا وسلمت عليها وتكلموا وهزروا كتير مع بعض وانبسطت جدا معهم وهي فرحانة بجو عيلتهم وازاي بحبوا بعض كده وحبت ترابطهم الاسري وكانت بتحس نفسها وسطهم كانها بين اهلها وما بتاخدش بالها ازاي بمر الوقت بسرعة معهم
وقبل ما يدخلوا لحقهم وسيم وهو بنده عليهم استنوا سارة عايز اسمع نور الاغنية اللي بحبها
ردت عليه سارة باستعجال معلش يا حبيبي انا ونور لازم نذاكر اول ما نخلص هخليك تسمعها الاغنية ولفت وشها مكملة كلامها لنور لو تشوفي وسيم قد ايه شاطر عرف يعمل كل الحركات من مرتين اللي شاف فيهم الفيديو بس
عبس وسيم بوشه وبقي عايز يعيط مسكت نور ايد سارة وقالتلها بصوت واطي معلش يا سارة خليه يعمل اللي هو عايزه وقالت بصوت عالي انا عايزة اسمع الاغنية اللي بحبها وسيم ونرقص عليها مع بعض
ابتسمت سارة وهي بتقرب منه وقالتله خلاص يا حبيبي روح جيب موبايلي عن الشاحن علشان احطهالك وزقفتله محفزة يلا بسرعة بنستناك
ركض وسيم وهو بزعق ماااااااشي وكريم بيجري وراه من غير ما يفهم حاجة وبيلعب معاهم
اداها الموبايل وبدات سارة بتشغيل الاغنية بصوت عالي
وبداوا يزقفوله والكل تجمع بالغرفة وكريم بدا يقلد وسيم ويرقص بحركات مضحكة ونور مبسوطة جدا بيهم وبتصور فيديو وهما بضحكوا وكريم بزعق بأعلى صوته بكلمات الاغنية
Baby come down
وهو برقص
بيبي كااااام داون فور لوك داون فور لوك داون OOOOOOOLO LO LO
وخلصت الاغنية ونور كلت وسيم وكريم من جمالهم وسارة قالت بهزار مش عارفة ماما حطت ايه بكيكة الموز هيبروا كدا وضحكت كتير
خرجتهم امهم من الغرفة علشان تدي مجال لسارة ونور يقعدوا مع بعض
قفلت سارة الباب بسرعة وقعدوا عالسرير قالت نور وهي بتبعد شنطتها والكراريس والورق اللي جابتهم معها والله انتوا عيلة مزز كلكم ايه الجمال ده ماشاءاله عليكم بجد ربنا يخليكم لبعض وكملت كلامها وهي بتشاور لسارة بصباعها انا وسيم حاجزاه لبنتي من دلوقتي انا قلت اهو مش هضيع الواد من ايدي
ضحكت سارة وهي بترد عليها بسخرية يا بت اتوكسي مش لما تتجوزي الاول الا قوليلي اخبار الحب بتاعك ايه
ظهرت ملامح الحزن عوش نور كويس وحشني اوي يا سارة ردت سارة وهي ماسكة ايدها وبتحاول تواسيها هم بيت خالك ايمتى هيرجعوا من السفر وابن خالك هيرجع معهم
ردت نور بنبرة شبه غاضبة معرفش يمكن بعد شهرين سمعتهم بقولوا كده وبعدين لو رجع انا معرفش اساسا هو شايفني او لا في مشاعر اتجاهي او بحب حد تاني تنفست سارة بضيق ومعرفتش ترد عليها بايه وكملت نور كلامها بعد ما لمحت الكتاب المفتوح والمحطوط على سرير سارة اه صحيح اهو تلخيص محاضرات النهارده جبته من مرام وكراستك اهيه
متشكرة اوي يا نور بجد تعباكي انتي ومرام معايا اكيد مرام اټجننت منا على قد ما طلبنا منها المحاضرات اللي فاتتنا التيرم ده يا لهوي على قد ما طنشنا محاضرات الفصل ده انا وانتي بقينا ملكات التطنيش
قالت نور بحدة مش قلتلك بكره كلمة شكرا دي يا حمارة انتي ما تقوليهاش تاني ضحكت سارة وهي بتهز براسها ماشي يا ام الحمير كلهم وكملت نور كلامها وبعدين تتجنن ليه ناسية انه لولاكي ولولا ما كنتي بتذاكري ليها وبتفهميها مواد السنة دي من بدايتها ماكانتش هتنجح وتكون معنا بتيرم التخرج ده وبعدين ما انتي اي حد يطلب منك المحاضرات الي تفوته بتديه ومابهمكيش ولا بتقولي اي حاجة
ردت سارة بنبرة هادية مش للدرجة دي يا نور عملتيني استاذة عليكم يعني و 
قاطعتها