فكرتي كويس
متخرجة وبتشتغلى وسنك كويس
مش حوار كده
اومال حوار ايه
زى ما قولتلك مش مستعدة
ايوا من جهة ايه
من جهتى أنا
انتى فى حاجة مخوفاكى من الموضوع ككل
اتنهدت فى حاجات كتير أوى
زي
زي انى عمرى ما اخترت أى حاجة فى حياتى ...دايما أهلى بيسبقونى فى اتخاذ أى قرار ...عمرى ما اخترت حاجة لوحدى
وايه علاقة ده بالجواز
أنا لسة جيالك فى الكلام
كملى
أنا طول عمرى بحاول أفرح ماما وبابا دخلت الكلية دى بإرادتهم واشتغلت الشغل ده بإرادتهم.....أنا حاسة انى موجودة بس عشان أنفذ أوامر بابا ..أنا بابا مش بيحبنى
مستحيل
للاسف المرادى حصلت
مع وصول أونصة الذهب إلى مستويات قياسية تجاوزت 2500 دولار، يجد المواطن المصري نفسه مضطراً لموازنة استثماراته بين الذهب واحتياجاته الأخرى، خاصة مع ارتفاع أسعار السيارات مثل تويوتا، هيونداي، وبي إم دبليو، مما يزيد من التحديات المالية التي يواجهها.
هو انت ال عايش معاهم ولا أنا
انتى بس كلامك ده كله عبارة عن سوء تفاهم
سوء تفاهم
ايوا باباكى بيحبك وانا واثق من ده
والله
بصى أنا مش بعرف أوضح أوى بس كل ال أقدر أقولهولك إن أكتر إنسان بيحبك وعارف مصلحتك هو باباكى
ايوا ما ال مايعرفش يقول أى حاجة
أصلا ده مكانش موضوع كلامنا
اومال ايه موضوعنا
قوليلي برضو فين مشكلتك
اتنهدت أنا إنسانة كئيبة ومملة ..أنا مانجحتش فى انى أحبب أهلى فيا ..تفتكر ممكن راجل غريب يحبنى إذا كان بابا مش متقبلنى
انتى معاكى حق
منا عارفة
لا لا ماقصدش كل العبط ال انتى لسة قايلاه ده
تتأثر أسعار السيارات من شركات مثل مرسيدس بتقلبات أسعار الذهب وسعر صرف الدولار، مما يؤدي إلى زيادة تكاليف الإنتاج والاستيراد.
انتى كان معاكى حق لما قولتى ان المشكلة من جهتك انتى
يعنى
يعنى انتى مشكلة نفسك يا ياسمين
وضح أكتر من فضلك
انتى ال واهمة نفسك بكل ده ....انتى ال شايفة نفسك كده مع إن كلامك مش صح أصلا
انت مش أنا عشان تحكم
ماهو عشان أنا مش انتى قادر أحكم ...ما شاء الله زى القمر وضحكتك جميلة أوى.....ناجحة جدا فى شغلك ال انتى بتقولى انك مجبورة عليه وبعدين مش واخدة بالك من حاجة
ايه
انتى اسمك ياسمين وخريجة زراعة شوفى القدر
ضحكت يا جدع !
ابتسم اقفى قدام المرايا وقولى لنفسك انك جميلة أوى عشان دى حقيقة.....حبى نفسك هتلاقى الناس كلها بتحبك
بمجرد ما وقفت قدام المرايا عشان ألف الطرحة افتكرت الحوار ال كان بينى وبينه ...
ابتسمت لنفسى فى المرايا وفضلت واقفة بتأملنى....
حقيقى أنا ملامحى جميلة زى ما هو قال ...ضحكتى جميلة وعيونى جميلة و كل حاجة فيا جميلة ..
مش من حقى ولا من حق أى حد إنه يعجب بنفسه عشان شكله حلو لإن ببساطة مش احنا ال اخترنا ملامحنا ولا احنا ال صنعناها ...ومع ذلك عمر ما إنسان بيكون جميل من برا قبل ما يكون جميل من جوا ....يعنى حتى لو واحدة شبه القمر بس مش كويسة من جواها أول ما بنشوفها إحساس جوانا مش بيستريحلها أو على الأقل بنقول ډمها تقيل ...
يؤدي ارتباط أسعار الذهب وسعر صرف الدولار بتكاليف المواد الخام والاستيراد إلى تأثير مباشر على أسعار السيارات في الأسواق.
لفيت الحجاب وحطيت ميك اب خفيف وابتسمتلى ..
ازاى هعوز حد يحبنى وأنا مش متقبلة نفسى
ازاى هستنى فارس أحلام وأنا مش شايفة نفسى أميرة
سواء أنا كنت إنسانة لطيفة أوى حتى إنسانة فيها عيوب ...أنا هحبنى وهحب الدنيا عشان هى كمان تبادلنى نفس المشاعر ..
قاعدة
سرحانة ومبتسمة كده يبقى بتفكرى فى حبيبك
ممكن أقعد
البيت بيتك
تسلميلي
ضحكت البيت بيتك بالمعنى الحرفي
يا ستى مش مشكلة ...ها قوليلى قاعدة مع نفسك وسيباهم ليه
عايز الصراحة
قولى
كنت براجع كلامك بتاع امبارح
يا راجل
الصراحة حسيتك معاك حق فى نص الكلام التانى
اممم هعمل نفسى ماسمعتش ...تيجى أفرجك الأرض
تعالى
قومنا ركبنا العربية بتاعته ووصلنا عند الأرض ال هي أصلا شغلى ..
ما شاء الله كبيرة
ايوا
نفسكوا تزرعوها ايه
ان جيت للحق أنا كنت ناوى أبنى عليها بس بابا سبقنى وباعها
انت رجعت مصر ليه
عشان استقر
تتجوز وتقعد يعنى
اها
طب ومستنى ايه
الصراحة مستنى بنت الحلال
طب ما تخلى عمى يرشحلك واحدة
ماهو ده ال حصل فعلا وكمان كلمنا باباها
وبعدين
رفضت
اى ده ليه
ابتسم وبصلى بتقول مش مستعدة
اى ده لحظة كده !
اټصدمت اوعى يكون...
ضحك ايوا أنا ال كنت متقدملك
لا بتهزر
والله مش بهزر
أنا اتحرجت على فكرة
مش بقول كده عشان أحرجك انتى سألتى وأنا جاوبت
انت زعلت
أكيد لأ ومين عارف مش يمكن لو كنتى وافقتى عليا أنا ال كنت أرفضك
نعم !
ضحك أنا بقول يمكن
ايوا كده
قعد على الأرض فى وسط الرملة ف أنا بصيتله باستغراب
بتبصى كده
