وقفت منيره
نظرات ياسر عليها وأشار لها پغضب.
و انا أمتى طلبت منك ده ولا أنت عايزة تداري على خيبتك وتشوهي صورتي حتى لو بالكذب عشان يكون عندك الحجة اللي متاخديش بالك من البنت بيها بس خلي بالك بنتي لو جرالها حاجة تانية هطلقك وهرنيكي عارفه ليه عشان المرادي جت سليمة الله اعلم المرة الجاية هيكون ايه
ثم تركها وغادر المنزل وهى تنظر في أثره بسخرية ثم وضعت قدم فوق أخرى تهزها ببطئ ونادت على خادمتها بضيق.
استقرت مكة بمنزل أمين بالغرفة التي كان يسكنها والدها بعد أن ذهبت لمنزلهم فور خروجها فتفاجأت ببرج سكني عملاق يرقد مكانه فنظرت بغير تصديق لأمين الذي أنزل رأسه أرضا بحزن فهو لم يستطع اخبارها من قبل أن والدتها قد باعت منزل ابيها وانتقلت من المنطقة منذ دخولها السچن وعندما إخذها وذهب إلى منزله اخبرها الحقيقية وجلس يواسيها بحزن.
هزت رأسها وهى تزفر پقهر وألم.
بس بابا الله يرحمه كان بيحب البيت دا قوي ومهما اتعرض لأزمات كان بيرفض يبيعه عشان كان من ريحة المرحوم جدي.
أومأ لها متفهما.
عارف يا بنتي ابوك الله يرحمه كان ديما يحكيلي عنه وقد ايه بيحبه عشان كل ذكرياته فيه بس دا حال الدنيا مفيش حاجة بتدوم.
تعرف مكان ماما واخواتي فين يا بابا أمين
هز أمين رأسه بنفي.
حاولت اعرف عنهم حاجة مقدرتش زي ما يكونوا مسحوا أي أثر ليهم عشان محدش يعرف مكانهم.
تنهدت مكة بثقل.
طيب انا هقعد فين دلوقتي
أشار أمين بابتسامة حانية على باب غرفة أمامه.
ودا سؤال تسأليه وبيت عمك أمين موجود بردو أنت هتقعدي في الاوضة دي اللي ابوكي كان قاعد فيها.
ربنا يخليك ويجبر بخاطرك يا بابا.
استقرت احوال مكة مؤقتا بعد أن اقامت ببيت أمين وأمن لها كذلك وظيفة بسيطة في مكتبة شعبية تبيع الهدايا وتصور الأوراق لم يكن حلمها ذلك لكنها ستحب ما تعمل حتى تعمل ما تحب وتحقق هدفها الأول وهو أكمال ما تبقى لها من تعليم.
فاض كيله بعدما رفضت أبنته مجددا شاب أخر تقدم لخطبتها وكاد يجن ثلاثة اعوام مروا على فسخ خطبتها وهى على هذا المنوال وصار عدد من رفضتهم أكثر من أن يحصيهم فكانت تتحجج في البداية بأنهاء تعليهما وانتهت منه منذ عام فما الذي يجعلها ترفض أذن عزم أمره وذهب لها ليعلم مابها وبرغم أنه محظور من دخول بيته بأمرا من زوجته بعد أن تم طلاقهما بسبب معرفتها بزواجه من أخري عليها لكنه لن ينتظر اكثر من ذلك لمعرفة سبب امتناع ابنته عن الزواج خاصة وأن الشكوك قد بدأت تراوده حول كونها اخطأت مع خطيبها السابق واضاعت شرفها لذا تركها قبل زفافهما بشهر واحد طرق الباب ووقف ينتظر حتى فتحت له طليقته الباب ووقفت امامه بجمود.
دخل نجيب بعد أن نحها جانبا بذراعه.
دا بيتي اجي فيه في أي وقت انا عايزة وبعدين انا مش جاي ليكي انا جاي لرانيا عايز اعرف سبب رفضها للعريس الجديد أيه.
احسان بملل بعد أن اغلقت الباب.
اهي عندك جوه ادخل ليها انا غلبت معها كلام ومحايلة وهى راكبة دماغها ورافضة بردو.
رانيا.......... يا رانيا.
جاءت ابنته من الداخل مسرعة.
ايه يا بابا فيه ايه بتزعق ليه كدا
أشار نجيب بأصبعه مصرا على أجابتها.
عايز اعرف رفضتي العريس الجديد ليه عيبه ايه فهميني راجل صيدلي وغني عايزه ايه احسن من كدا
تلجلجت رانيا پخوف ظهر عليها.
وانا مش عايزه اتجوز دلوقتي انا لسه نفسيتي تعبانة من اللي حصلي.
هز نجيب رأسه بأصرار.
بقولك ايه انت بقالك تلات سنين بتقولي كدا بس انا خلاص اديت الراجل كلمة وهيجي يقرا فتحتك بكرة واياكي تعصي أمري فاهمة.
تجمعت الدموع بعينها وهى تهز رأسها برفض ووضعت يديها على فمها تكتم شهاقتها.
مش هينفع يا بابا ارجوك اتصل بيهم خليهم ميجوش انا مش عايزه اتجوز دلوقتي.
أومأ نجيب بحدة.
ليه حصلك ايه زمان خلاك رافضة الجواز بالشكل ده انطقي يا أما توافقي على عريسك ده.
ظلت رانيا تردد بلا وعي.
مش هينفع يا بابا صدقني مش هينفع.
انتابت إحسان الهواجس السيئة هى الأخرى واقتربت من ابنتها تهزها پعنف.
اتكلمي وانطقي يا بت مش هينفع ليه عملتي ايه انطقي.
صړخت رانيا پهستيريا فيهما.
هو اللي قالي انت مراتي وعمري ما هسيبك لغاية ما سلمتله نفسي بس انا مغلطش احنا كان مكتوب كتابنا بس بعدها سابني وقالي أني منفعوش عشان وافقت قبل الفرح هو اللي قالي كدا.
جلست إحسان ارضا تهز رأسها پصدمة رافضة تصديق ما سمعته بينما انتابت نجيب الحسړة وألم نغز بصدره فما توقعه واحس به صار حقيقة وابنته
