اخرسي

في أيه بقالك فترة من يوم ما قروا فتحت بنتك وأنت مش مظبوط في ايه بينك وبينها يخليك تدافع عنها كدا
ثم اكملت بصړاخ.
أه تلاقيك مستغفلني وماشي معاها في الحړام طيب اشبع بيها طالما هى نجحت في أنها تفسدك عليا والله منا قعدالك فيها وابقى ربيهم انت بمعرفتك بقى يا بتاع سعدية.
ذهل مختار من أتهامها الباطل في حقه وحق تلك السيدة الخلوقة ولكنه بدل من ضربها وتأديبها على رميه بالباطل بتلك التهمة الشنعاء صمت وسلم أمره لله لأنه يعلم أن لو جادلها أكثر ستزداد في صړاخها وتسمع بهم جيرانهم وستصبح سيرتهم في فم القريب والبعيد لذا ذهب ناحيتها وقبل رأسها وهو يرجوها بأخفاض نبرة صوتها وبالبقاء في المنزل.
يا ستي والله ما في حاجة بيني وبينها أنت ازاي تقولي كدا وأنت عارفة اني راجل بخاف ربنا في كل أفعالي وكمان عارفة ومتأكدة أن مفيش في قلبي غيرك وعلى العموم يا ستي حقك عليا انا غلطان وقولتلك قبل كدا مېت مرة دا بيتك لما تزعلي مني تخليكي فيه وانا اللي همشي منه لغاية ما تهدي وانا يا ستي ولا ليا دعوة بسعدية ولا بغيرها وأدى راسك أبوسها أهه.
صاحت منيرة بحدة.
قولتلك قبل كدا متراجعنيش في حاجة أقولها انا ما بفتريش على حد انا فاهمة كل واحد على حقيقته فاهم.
هز مختار رأسه بيأس من تعنتها.
عندك حق يا منيرة انا محقوق ليكي وغلطان كمان خلاص كدا رضيتي يا ستي
منيرة وهى تتوجه لغرفتها.
جتوا القرف لما يقرفكم زي ما قرفتوني وتعبتولي أعصابي واعمل حسابك الطلبات اللي قولت عليها تيجبها كلها وانت جاي من شغلك وألا مش هيحصلك طيب فاهم.
مختار حاضر يا حبيبتي فاهم وخدت الورقة معايا عشان منساش حاجة كمان انت راحه فين مش هتفطري معايا
منيرة بنزق
لأ أنا راحه اكمل نومي سديتوا نفسي عن كل حاجة داهية تسد نفسكم عن الحياة عيلة فقر بصحيح.
ثم أغلقت الباب بقوة خلفها ولم تعيرهم اهتماما هزت مكة رأسها بحزن من سلبية أبيها وخنوعه لذل والدتها فيه ولكنها بقيت صامتة حتى لا تتلفظ بكلمة ټجرح مشاعره وتزيد من استيائه ولكنها ودت لو وقف في وجهها ولو لمرة واحدة في حياته حتى لا تتمدا أكثر في أهانته وأذلاله وبالرغم مما يعتمل بنفسها من ضيق وحزن لأجله الإ أنها ظلت صامتة ومدت يدها تمسد على ذراعه

برفق.
معلشي يا بابا متزعلش نفسك هى ماما عادتها كدا ولا هتشتريها روق بالك وتعالى افطر معايا يلا.
مختار بابتسامة حانية.
أنت الوحيدة اللي بتهوني عليا قسۏة الحياة اللي بتسببها أمك وأخواتك يا جنة ابوكي.
مكة بابتسامة حانية يشربها الحزن.
حبيبي ربنا يخليك ليا وتفضل ديما تاج على راسي وتفضل تقولي جنة أبوكي بحبها قوي منك يا بابا.
ربت مختار على وجهها بحنو ثم أخذها في أحضانه.
هفضل أقولها طول منا عايش عارفه ليه عشان أنت فعلا جنتي في الأرض يا مكة انت الحاجة الحلوة اللي في حياتي كلها.
ثم ابتعد قليلا عنها وأشار لها بالجلوس ومشاركه الطعام وما أن شرعا في تناوله حتى وجدا عادل يخرج عليهما عابث الوجه يشير لوالده بنزق بعد أن جلس يأكل معهما.
بابا انا عايز ٥٠٠ جنية ضروري في شوية مذكرات نزلوا جداد هجبهم النهاردة.
هزت مكة رأسها بحزن من طريقة شقيقها في معاملته السيئة لوالدهم.
طيب براحة وعلى مهلك يا عادل وصبح على بابا الأول وبعد كدا اطلب اللي أنت عايزه.
نظر لها عادل بضيق.
وأنت مالك يا باردة أنت مش كفاية أنت صبحتي عليه وبعد كدا خليكي في حالك يا فالحة.
أحتد مختار عليه لتحدثه بتلك الطريقة المشينة لشقيقته.
ولد كلم أختك باسلوب كويس ومتنساش أني قاعد وسطيكم وهى مغلطتش فيك عشان تغلط فيها وحتى لو غلطت متردش عليها قدامي لأن انا موجود وأقدر أوقف الغلطان عند حده وبعدين هى عندها حق قول صباح الخير الأول وبعد كدا اطلب اللي أنت عايزه.
احمرت عين عادل پغضب وأشار ناحية مكة بحدة
أهو شوفت عملت اللي هى عايزاه وقلبتك عليا الغلاوية الحقودة دي عشان متدنيش فلوس.
هز مختار رأسه بيأس.
تصدق بالله أنت بني أدم معندك ډم ازاي تقول على اختك كدا هى كانت عملت ليك أيه..
نظر لها عادل بأشمئزاز وتعالي.
عشان هى بتحقد عليا لأن انا أحسن منها لأني هبقى دكتور وهى لأ.
أتسعت عين مكة بزهول وحزن من أتهام أخيها الباطل لها ثم هزت رأسها وهى تنفي أتهامه لها انا عمري ما حقدت عليك بالعكس انا بتمنالك النجاح والتوفيق لأنك لما تبقى دكتور ناجح هتشرفني يا عادل ولو انا عايزه ابقى دكتورة كنت دخلت طب والحمدلله مجموعي في الثانوية كان يأهلني أني أدخلها بس انا مش عايزة والحمدلله انا عمري في حياتي ما کرهت الخير لحد من إخواتي بالعكس انا بتمنى اشوفكم احسن ناس في الدنيا حقيقي ربنا يسامحك على اتهامك ليا.
هز عادل رأسه بنزق انت لو تقدري كنت ډخلتي طب إنما أنت متقدريش تدخليها أصلا عارفة ليه عشان جايبة مجموعك ده بالغش إنما لو من مجهودك كنتي حاربتي لغاية ما دخلتيها زيي وزي غادة إنما أنت عارفة أنك مش هتمشي فيها عشان كدا خلعتي منها بدري.
قڈف مختار المال في وجهه حتى يخرصه من التمادي في تجريح شقيقته اخرس يا قليل الادب وكفاية بقى وخد الفلوس وغور من هنا يلا وأياك توجه كلمة تانية لأختك لأن جزمتها برقبتك.
أخذ عادل المال ثم غادر وهو ينظر لشقيقته بأذدراء جعلها تشفق على حالها وټندم لعدم دخولها لكلية الطب حتى تثبت له هو ووالدتها أنها ندا للدراسة بها فأنزلت رأسها أرضا في محاولة منها لكبح عبراتها فحزن مختار لأجلها.
متزعليش يا حبيبتي اصله عيل متخلف والله أنت ضفرك عندي بيهم كلهم وأن شاءالله بكرة لما تخلصي كليتك تبدأي في الدراسات العليا وتبقي دكتورة في الجامعة قد الدنيا وتثبتي ليه ولغيره أنك مش ضعيفة واقوى منهم كلهم.
أمأت مكة له بحزن انا مش زعلانه يا بابا ومتشلش همي كفاية عليك اللي أنت فيه انا بخير صدقني.
أمأ لها مختار بحنو وهو يربت على وجهها يا حبيبتي يا بنتي يا أطيب خلق الله ربنا يخليك ليا ويجبر بخاطرك يا قلبي منين ما تروحي.
ثم اشار لها كي تكمل تناول طعامها.
طيب عشان خاطري انا اقعدي كملي أكلك لأنك لو مكلتيش مش هاكل انا كمان.
جلست مكة حتى لا تزيد أستيائه أكثر من ذلك وأكملت طعامها ثم تناولت حقيبة الدواء من جوارها وأخرجت جرعته وامدت يدها له بها مع كوب ماء.
أتفضل يا بابا الدوا بتاعك اللي بعد الأكل.
أخذه مختار منها ووضعه في فمه يبتلعه وبعده تجرع من كوب الماء ثم نهض من جلسته.
طيب انا نازل لشغلي دلوقتي يا حبيبتي عايزه حاجة قبل ما انزل
هزت مكة رأسها بنفي.
لا يا حبيبي سلامتك انا هلم السفرة وانزل وراك على طول اروح كليتي.
اتجه مختار ناحية الباب مغادرا.
ماشي يا جنتي همشي انا عشان متأخر لا اله إلا الله.
أتسعت ابتسامة مكة بحب لتوديعه لها بأحب الكلمات لقلبها ثم ردت عليه بسعادة.
محمد