جوزى اتجوز سلايفي الاتنين
صوت
وبعدها دخل وقربت صفاء من دلال وقالت
صفاء _ ما تفرحيش كثير شويه وهيرميكي زي ما الأواني رماكي واتجوزني عليكي
دلال _ لما نشوف مين اللي هيضحك في الاخر يا صفاء بعد اذنك هخش اخد شاور البيت بيتك
وبعدها دخلت وفي اوضه ابراهيم كان بيكلمني
شيماء _ اخص عليك يا ابراهيم كنت فين كل ده عمال اتصل بيك من بدري مش بترد عليا خالص
شيماء _ حقك علي يا حبيبي بس انا كنت قلقانه عليك قوي قولت اتصل اطمن عليك انت اخبارك ايه
ابراهيم _ مخڼوق من غيرك يا شيماء هكون اعمل ايه يعني عايش في الشقه لوحدي ما فيش ونيس ولا في اي حاجه انا محتاجك جنبي قوي
ابراهيم _ لا يا شيماء والنبي حاولي تكملي شويه كمان انا عندي حاجات كثيره قوي نفسي اعملها نفسي اعمل مشروع واجيب عربيه
شيماء _ طيب ما اخليك تيجي انت تزورني ثلاث شهور وترجع تاني
ابراهيم _ياريت ينفع يا حبيبتي انتي عارفه ان انا مش هينفع اسيب شغلي
ابراهيم _ وانتي كمان يا حبيبتي خدي
بالك من نفسك وبعدها قفلت معاه وروحت
البيت عند هيام وكانت قاعده واقعد معاها
هيام _ بنت حلال والله كنت لسه هتصل بيكي علشان تيجي اصل المحامي جاي في الطريق وعايزاكي
شيماء _ معلش انا اسفه بس هو انتي عايزاني وعايزه المحامي ليه
فتحت والمحامي اقعد وقال
المحامي _ مساء الخير يا مدام هيام برده عايزه تعملي اللي قولتي عليه
هيام _ خد نفسك الاول بس يا استاذ قومي يلا يا شيماء اعملي حاجه لاستاذ يشربها معلش
هو بيحب القهوه اعملي ليه قهوه
وبعدها دخلت المطبخ
المحامي _ نفسي اعرف انتي تعرفي البنت دي منين علشان تكتبيلها فلوسك كلها
هيام _هعمل ايه بالفلوس يا استاذ وانت عارف ان انا كده كده ما ليش اي حد بصراحه ربنا هي بنت حنيه الدنيا فيها وانا عايزه اعوضها
المحامي _والله دي فلوسك واللي يريحك اعملي
شيماء _ اتفضل يا استاذ بعد اذنك انا عايزه ادخل اريح شويه لاني بجد تعبت النهارده في الشغل
هيام _ اعملي حسابك يا شيماء ان من النهارده ما فيش شغل تاني انتي هتكوني معايا وبس
شيماء _ مش فاهمه كلامك ازاي يعني
هيام _ انا نويت اكتبلك املاكي كلها وهديكي كل فلوسي بس الكلام ده طبعا بعد ما اروح انما دلوقتي هديكي نفس المرتب اللي كنتي بتاخديه كل شهر
شيماء _ لا طبعا انا لا يمكن اوافق على الكلام ده
هيام _ يا بنتي انا ما ليش اي حد خالص في الدنيا وبصراحه انا مبسوطه جدا من اقعدتك معايا وحاسه ان انتي بنتي بالضبط
شيماء _ وباخد مرتب على الكلام ده وكمان قاعده معاكي ومش بتاخدي مني فلوس مقابل اكل ولا شرب باكله معاكي لا طبعا انا مش موافقه بعد اذنكم وبعدها دخلت
المحامي _ واضح جدا ان عينيها مليانه وانها كويسه
هيام _ اعمل الكلام اللي انا قولت عليه برده انا هكتب ليها كل حاجه وفعلا عملت كده من ورايا
وتاني يوم كنت بكلم ابراهيم وانا لي المستشفي وقولت ليه علي اللي حصل
والصدمه لما لقيته بيقولي
ابراهيم _ هو انتي غبيه يا شيماء ازاي ترفضي موضوع زي ده
شيماء _ معقول يا ابراهيم انت كنت عايز ناخذ الفلوس منها طيب ازاي هي قريبتي او انا اصلا اعرفها
ابراهيم _ بس انتي بتقولي ملهاش حد والفلوس دي كلها هتروح فين ما انتي اولى بيها
شيماء _ توديها جمعيات الخيريه توديها في اي مكان انما انا مش هاخد الفلوس دي
ابراهيم _ طول عمرك غبيه يا شيماء عجبك
يعني شغلنا عند الناس عجبك قاعدك بعيد
عن جوزك
شيماء _ بس فلوس تعبنا فيها وانا لايمكن
اوافق اخد حاجه مش حاجتي
ابراهيم _ اقفلي السكه انا مش ناقص غباء
سلام وبعدها قفل معايا ولما روحت
لقيت مدام هيام قاعده
شيماء _ مساء الخير اخذتي دواء سكر ولا لسه
هيام _ الحمد لله يا شيماء اخذته اقعدي انا عايزه اتكلم معاكي وبعدها اقعد
شيماء _ لو هتتكلمي في نفس الموضوع اللي قولتي عليه قبل كده مش عايزه اسمع لو سمحت
هيام _ انا خلاص كتبت وصيه ان انتي اللي هتاخدي كل حاجه بعد مانا ما اروح
خلاص انا عايزاك تعيشي دايما مرتاحه ومبسوطه ويا بنتي الفلوس دي هتروح فين اقولك ابقي
طلعي جزء علي روحي لما ربنا يفتكرني
شيماء _ ربنا يديكي
