اتكلم وهو بيبصلي

الي كنت نسيت انه برة اصلا.!
دخلت الصالون كان قاعد هو وبابا ومرات عمي القيت السلام وسلمت علي مرات عمي وقعدت جمبها فضلوا يتكلموا لنص ساعة وبعدها خرجوا كلهم وسابونا لوحدنا جيت اخرج وقفني زياد
استني يا كيان انا عاوز اتكلم معاكي شوية.
فركت ايدي بتوتر ملحوظ جدا
بس..بس ماينفعش نقعد مع بعض لوحدنا.
ضحك بهدوء
ياستي اعتبريها رؤية شرعية وهما خمس دقايق مش هنتأخر كتير.
قعدت تاني علي حرف الكنبة وانا بفرك ايدي ف هو لاحظ 
كيان اهدي بس احنا هنتكلم عادي واعرف اسباب رفضك حتي
حاولت اتكلم بهدوء بس فشلت فشل ذريع مع خروج كلامي متقطع 

هو.. انا. يعني.. اصل بص انا..
ضحك بصوت عالي ف فرعت نظري ليه احية اي الحلاوة دي!! 
انا عارف اني حلو وجينتل في نفسي ف هعرزك علي بحلقتك فيا. 
لا انت فهمتني غلط انا بس سرحت شوية. 
سرحتي في اي 
فيك. 
ضيق عينيه ب استغراب من اجابتي الغير متوقعة 
نعم!! 
حمحمت ب إحراج 
لا قصدي يعني في رد فعلك مع مشكلتي انا متعودة علي اهلي وكلامهم وكنت هسيب البيت فترة واروح ل تيتة بس انت ليه تحط نفسك في مشكلة ملكش اي ذنب فيها! 
ومين قالك انها مشكلة 
نعم!
قصدي ليه بصالها من ناحية انها مشكلة كونية مش هتتحل ياستي انا كد كد راجل واكيد هتجوز ومش مرتبط ف اي المانع يعني مش يمكن نحب بعض ولا اي
ويمكن لا وتبقي خيبة جديدة من خيباتي عند ماما ودلع جديد من دلعي عند بابا وهزيمة جدية في هزايمي ف ليه من الاول محدش هيقول انك انت ال غلطان او محدش ليه ذنب وما اتفقوش كله هيجيب الحق عليا من غير ما يسمعوا مبرراتي اصلا ف ليه! انا اسفة يا زياد بس مش هقدر والله مش هقدر اخوض التجربة دي تاني.
ابتسم بهدوء 
ومش يمكن نرتاح سوي مش يمكن نكون مخلوقين لبعض اصلا ونكمل بعض مش عشان مرة اختارنا غلط يبقي كل اختيارتنا غلط لو فكرنا بالطريقة دي يبقي مش هنعيش اصلا.. انا احترمتك اكتر لما عرفت اسباب رفضك لمراد.. وفي مقولة جميلة اوي بحبها من ترك شئ لله عوضه الله بخير منه هل تفتكري ربنا ممكن يضرك وانت ماشية في طريقه
كمل وهو بيوقف وبيسحب مفاتيحه 
مش عاوز ردك دلوقتي صلي استخارة وهحترم قرارك وصدقيني محدش هيقدر يغصبك علي حاجه.
مشي زياد وانا دخلت اوضتي مش هنكر ان كلامه ريحني وحسيت بالأطمئنان بس لا مش هستعجل قومت اتوضيت وصليت الاستخارة ونمت. 
فات يومين محصلش فيهم اي حاجه تذكر غير الراحة ال كانت ملزماني راحة عمري ماحسيتها مع مراد.
خرجت من اوضتي كان قاعد زياد الي باين علي وشه التوتر والخۏف مع بابا ال كان قاعد وبيتفق معاه هيعمل الخطوبة فين.. من غير حتي رأيي.
سحبت نفس عميق ودخلت وانا واخدة قراري
اول ما زياد لمح طيفي وقف بسرعة وابتسامة مهزوزة ظهرت علي وشه قاطع نظراتنا كلام بابا 
احنا خلاص يا كيان قررنا هنعمل الخطوبة في قاعة اي.
ضحكت ب سخرية 
بس انا مش موافقة اصلا.!!
بقلمي_shahd_farrag
كيان_زياد
يتبع_2 احنا خلاص يا كيان قررنا هنعمل الخطوبة في قاعة اي.
ضحكت ب سخرية 
بس انا مش موافقة.
وقف بابا ب عصبية ورفع ايده عشان يضربني ف وقفه زياد بسرعة واتكلم ب حزن واضح 
لو سمحت ياعمي انا وعدت كيان ان محدش هيغصبها علي حاجه وكد كد الجواز قسمة ونصيب 
كمل وهو بيتجه ناحية الباب 
عن اذنكم
مش عارفه انا ليه قولت كد مع اني كنت مقررة اني اوافق عليه بس لما شوفته مع بابا وهما بيتفقوا خۏفت. حسيت اني مش اد علاقة تانيه ولكن لما شوفت الحزن في عيونه حاجة خلتني مش عارفه اتصرف حسيته غيرهم صراع كبير جوايا مابين اخوض التجربة وبين ارفض من غير ۏجع الفشل تاني ولكني حسمت قراري وانا متيقنه انرب الخير لا يأتي إلا ب الخير 
فوقت من سرحاني علي صوت استأذانه ف وقفته بسرعة واتكلم وانا بفرك ايديا جامد 
انا.. قصدي يعني اني.. يعني مش عاوزة الخطوبة في قاعة عاوزاها علي الضيق.
لمعة عينيه وضحت اد اي هو فرحان ابتسامة واسعة ظهرت علي وشه وضحت جمال ضحكته ڠصب عني لقيتني بتوه فيه وف ضحكته ولقتني ببتسم بهدوء 
فوقت من بحلقتي فيه علي صوته الي باين عليه الفرحة 
وحيات امك يا كيان بتتكلمي بجد انت موافقة بجد ولا بتهزري!!
ضيقت عيني ب أستغراب من رد فعله الغريب علي كونه متقدم عادي ف مكنش هيفرق كتير لو رفضت 
وحيات امي!
حك شعره ب إحراج 
قصدي مامتك يعني.
ضحكت بهدوء
نمشيها مامتك ماشي.
قاطع كلامنا بابا ال وجه كلامه ل زياد 
اعتقد ان من حقك يا زياد تشوفها دلوقتي ك رؤية شرعية
كمل وهو بيوجهه كلامه ليا وبيبرقلي
ولا اي يا كيان!
هزيت راسي پخوف ب معني موافقة ف خرج بابا وسابنا