قاعده ف مكانها المفضل
يدها اللي كانت عتتطلع عليها بيهم وبصت لكرار وشافته ماسك الفرع ومتاهب والڠضب والغل اللي كان باين فعيونه عيقول إنه مهيترددش لحظه وحده من إنه يكرر اللي عيمله أول نوبه من غير مايرفله جفن.. فسلمت أمرها لله وإتحركت ناحية صينية الوكل وشالتها مع إنها مكانتش قادره من ۏجع يدها بس إتحاملت علي روحها وراحت على الباب اللي كان مقفول رفعت صينية الوكل حطتها علي راسها وفتحت الباب وطلعت بيها.. وبمجرد ماطلعت وشافت عديله وعزت واقفين قدام باب الأوضه إتكسفت ووقفت موطرحها متسمره.
مالك يامليحه صړختي ليه الصرخه اللي فززتني من عز نومي داي
سكتت شام منطقتش وعديله عشان خابره إن السبب اللي كان يخلي صړختها شي طبيعي في اليوم ديه زال.. فديه اللي شجعها عالسؤال.
أما عزت فمكانش محتاج أكتر من البصه علي وشها عشان يعرف إنها مضړوبه وشفتها مشقوقه وبمجرد ماتاق كرار من باب الأوضه وهو ماسك الحطبه المدخنه فيده إتعرف سبب صړخة شام.
الله لا يديك العافيه ولا الحيل لو كنت عميلت فالبنيه اللي جه فبالي ياكرار ياواد حوريه!
بصلها كرار وراح ناحية الموطبخ يرجع الحطبه من غير مايرد عليها.
أما شام فبمجرد ماعديله قالت إكده كأنها إتكت علي زرار الۏجع فقلبها واللي
وعديله شافت يدها وشهقت پصدمه ومسكت يدها وبصت فيها وهي عتقول لعزت
خد الصينيه من على راسها ياعزت وغورها جوا اخوك معذب البنيه بالحړق كيف عذاب الكفار!
إتقدم عزت وخد الصينيه من فوق راس شام ودخل بيها الموطبخ ورا كرار اللي كان واقف قبال الكانون وعاقد اديه ورا ضهره وباصص للجمر اللي قلبه بالحطبه وخلاه يوهوج كيف الجمر اللي فقلبه..
ليه إكده ياخي حرام عليك!
وإهنه إنفجر فيه كرار پغضب وهو عيقوله
عزت اللي بيني وبين مرتي مش مسموح لأي مخلوق علي وش الدنيا إنه يتحدت فيه.. ولا حتي يحاسبني عليه.. ولا يقولي ليه ولا كيف.. أني متحمل كل حاجه من كل الناس وعسكت وعفوت عشان خابر زين إن كل اللي عيوحصول معاي من كل الناس مرحله وهتنتهي وهتاجي مرحله غيرها.. والناس داي مهيوبقاش ليهم وجود فحياتي إما بالمۏت أو بالبعد
واول اللي هحاربهم أبوك.. أبوك اللي كل ماهيعترض على حاجه أعملها في الفاجر داي هيخليني اتقل عليها العيار عشان بس اكيده
عزت كان عيسمعه وهو ساكت وآخر ماخلص كلامه رد عليه بحسره
بس البنيه خساره فاللي هتعمله فيها ياكرار.. مش هقولك خلي ضعفها يشفعلها ولا خلي مسألة إنها غريبه فبيت غريب عليها مااعتادتش عليه يشفعلها.. خلي جمالها يشفعلها ياخي!
رد عليه كرار وهو مش واخد باله لنبرة صوته اللي إتحولت لنبرة تمني والحسره باينه فيها
مفيش حاجه في الدنيا ياعزت هتشفع للمخلوقه داي عندي واصل.. ولو فيه حاجه هتشفعلها وتخليني احل عنها الحاجه داي توبقي المۏت ليا او ليها.. ودلوك لم جناحات الملاك اللي طلعولك توهم دول أحسن ڼار الكانون تمسك فريشهم وتاكلهم وإنت لساك ماتهنيتش بيهم.
خلص حديته وهمل الموطبخ وهمل عزت وهمل البيت كله وطلع وراح علي المصطبه اللي قدام بيت ابو دراع وقعد عليها وحده وبعز مالدنيا راميه تلج وبعزما الهوا اللي يخلي أعفي بدن يرجف من السقعه.. كرار الڼار اللي جواه مكانتش مخلياه حاسس بأي برد ولا سقعه.
وبعد مافضل قاعد مع روحه يحاول يتقبل بأي طريقه الوضع اللي هو فيه.. صورة همام والسيد وهما عيتابوا عاللي بقت مرته وحامله إسمه مرايحاش عن باله واصل.. ولغاية ماعينه غفيت وهو موطرحه آخر حاجه كانت واعياها قبالها هو المنظر ديه.
أما شام فأخدتها عديله لأوضتها وراحت علي الطاقه الخشب اللي فالحيطه بتاعة أوضتها وفتحتها وطلعت منيها قزازه وجات على شام ومسكت يدها وكبتلها من القزازه خلت روحها فرفطت من الۏجع.
شام آااي ياخاله واعره قوي.
عديله عشان الچرح يتكوي يابتي ويدك متنزنزش.. ديه سبيرتو زين للچروح عايناه حداي دايما عشان اول ماعيل يقع ولا يتعور اكبله منيها علي جرحه.
فضلت شام تنفخ فيدها پألم وهى عتبص على الچرح وعديله قربت منها وقعدت جارها وكانت ربطة راسها البيضه إتزاحت لورا وبان شعرها ونزل علي جوانب وشها وعديله مدت يدها مسكت خصله منه وقالتلها وهى عتفرك الخصله بين اديها
بسم الله تبارك الله.. شعرك عامل كيف توب حرير هندي يابنيتي!
شام بعدم إهتمام شعري كيف شعر امي ياخاله وشعور خواتي كلهم إكده.
عديله ياحلاتكم كيف ماتكونوا قمتوا بدري يوم توزيع الحلا وسرقتوا كل طوابع الحسن لروحكم.. وحريم دارنا راحوا اخر النهار بعد ما الحلا كله خلص وعاودوا بوشوشهم المبومه تاني هههههه.
إتبسمت شام ڠصب عنها وعديله إتنهدت بۏجع عليها وكملت وهي عتتطلعلها وشايفاها قدامها كيف حوريه من حور الجنه
عقولك ايه يابنيتي.. هوصيكي واعلمك قبل مالزمان يوصيكي ويعلمك وعلام الزمان مش بالساهل..داري حسنك عن عيون أهل البيت وخصوصي الحريم.
يعني لا تخلي وحده تشوف شعرك ولا تمدي رجلك قدامهم ولا تكشفي أي حته فيكي..إن مكانش عشان الحسد وقرصة القلب اللي ساعات عتضيع بني آدم.. عشان الغيره يابنيتي.. والغيره نارها شطيطه ولما عتشعلل في القلب عتوبقي كيف شراره عتولع فكومة قش تاكله كله وتبيته رماد.. واللي قلبه هيوبقي رماد معيتشافش منيه غير السواد.
ودلوك عايزه افطنك على طبع الراجل اللي إتجوزتيه واللي متعرفيش عنيه أيوتها حاجه.. جوزك يابنيتي واد أمه.. وواد أمه المجلع عمره ماعيرجل ولا يزرع معرفه مع الرجوله.. وكل حاجه عياخدها عند بعند.. واللي زي ديه يابتي محدش عيقدر يوقف قدامه.. تمام كيف القطر اللي يقف قدامه عياخده فوشه ويدهسه تحت عجلاته.
شام سمعت سيرة القطر واتنهدت وهي عترد على عديله فسرها
والله القطر حنين علي الناس ومعيرضاش بالاذي لصحابه واصل.
وقطعت حديت عديله اللي شردت عنيه بعد سيرة القطر وماعرفتهاش قالت ايه تاني
وهي عتسألها
صوح ياخاله هو القطر يتشاف من إهنه يعني لو ركبت عالسطوح بتاع البيت أشوفه
ردت عليها عديله وهي مستغربه سؤالها
له يابتي مهتشوفيهش.. كان زمان يبان قبل مايكبر الشجر ويعلى وفروعه تحجب الرؤيه.. وخصوصي شجر السيسبان اللي عيفط للسما فط.. بس يعني عتسألي عالقطر ليه
ردت عليها شام وهي عتتنهد بحسره
له ابدا بس كنت عحب اشوفه وهو معدي.. أصله عيعدي من قدام بيتنا طوالي.
عديله بصي ياااا.. اسمك ايه قولتيلي
شام ياخاله.
عديلهعاشت الاسامي ياشامه.. بصي يامي أول هام اني جدتك عديله مش خالتك.. أني جده للاكبر منك يوبقي تقوليلي ياجدتي او ياستي كيف ماعيقولولي الباقيين.. ديه أول هام.
وتاني هام كل اللي كنتي عتعمليه فبيت
