قاعده ف مكانها المفضل
ترصه عالطبالي وترجع تجهز فطور لجوزها.. وشام نفذت.
وطلعت وراهم بالعيش وإبتدت ترص العيش عالطبالي وفي اللحظه داي توفيق شاف الحړق اللي فيد شام وبرق عنيه وهو عيوجه كلامه لحوريه اللي كانت واقفه جاره
الله ېحرق روحك ياحوريه كد الحړق اللي فيد المسكينه داي.. بقي ياوليه من أول يوم تقعديها قدام الكانون وتخليها تتحرق! .. البيت مليان حريم كيف الخيل خلاص يعني جات عليها
حوريه لا حړقت ولا شنقت هي اللي جايه محروقه من بيت أبوها تلاقيه كان عيأدبها پالنار.
ردت عليها عديله قوام
ولدك اللي حرقها عشيه پالنار ياأم ابو لهب.. حرقها وخلى حسها يلعلع بالصړاخ فقلب الليل ولولا إننا لحالنا فحته مقطوعه ولولا إن الليل ستار كان زمان الناس ملمومه علينا تشوف خبر ايه.. وكل ديه وانتوا مخمودين كيف أهل الكهف.
رد عليه كرار بنديه وببرود مستفز
أيوه يعني مشكلتك دلوك إني عذبتها پالنار ولا مشكلتك إني عذبتها من الاساس أصل لو هتوصفني بالكفر وعدم الرحمه عشان عذبتها فهقولك إني جايبهوشي من بره.. دا فيه غيري عيجلد ضناه جلد من غير مايرفله جفن.. ومش جلده ولا تنين ولا عشره ولا حتي عشرين.. دول ١٠٠ جلددده.. ١٠٠ جلده عدتهم روحي جلده جلده.
كرار عحاسبها وهحاسبها علي كل الذنوب.. وأولهم ذنبك وذنب كل اللي أذنب فحقي.. حتي على ذنب الزمان وعمايله فيا هحاسبها.. هحرقها واحړق روحها كل يوم وكل ليله وهخليها تتمني المۏت ومتطولهوش..إشمعنا اني اللي أتحاسب علي ذنوب غيري واشيل شيلتهم.. ولو كانت تهمك وخاېف عليها اطلقهالك وبعدها عني عشان اني ماعنديش الا داي معامله للفاجر سراحة الليل.
وتوفيق رفع العكاز عشان ينزل بيه تاني علي كرار الباجس.. لكن حوريه وقفت قدام كرار وفردت اديها تحميه ونعيم كان وصل حداهم ومسك العكاز من توفيق ومنعه يتني الضربه على كرار تاني وهو عيقوله بحس واطي
نعيم خلص كلامه وشاف توفيق عيتلفت حواليه لغاية ماعينه وقعت علي شام اللي كانت واقفه بره الباب مع الكل وعتتفرج عاللي عيوحصول ونادم عليها توفيق بعلوا حسه وقالها
شام.. تعالي إهنه قوام.
دخلت شام تتنفض ووقفت قريبه منيه وهو بص لسلام و بأمر قاله
خش عالموطبخ ياسلام وهات بصاية ڼار وتعالا قوام.
وقف سلام ثواني متحركش ولا سمع الكلام لكنه خضع للأمر أخيرا مع زعيقة عمه فيه بكل حسه للمره التانيه.
وقوام راح للموطبخ وجاب حطبه مولعه
وتوفيق مسكها منه ومدها لشام وقالها
إمسكي داي.. ولما ملقاش شام ماده يدها زعق فيها بعلوا حسه.. امسسكي.
ومدت شام يدها قوام ومسكت منيه الحطبه وهي مش فاهمه حاجه.. وتوفيق بص لكرار وبأمر قاله
مد يدك يدك خلي اللي كويتها من غير ذنب تاخد حقها ويتحقق القصاص.
وإهنه حوريه فتحت خاشمها عشان تعترض لكن توفيق وقفها بحركه من يده وبجمله لجمتها تلجيم
قبل مالسانك يونوطوق حطي قبال عنيكي إنك النوبادي مليكيش رجعه.
وبص لكرار وبأمر قاله
مددد يدك وجرب الڼار ياكرار.
ومن غير ولا كلمه كرار مد يده وفتح كفتها لكنه بص لشام بصه معناها.. إعمليها وشوفي إيه اللي هيجرالك.
وشام شافت بصت عيونه الجاحظين ويدها الماسكه الحطبه اترجفت ولكنها إتشجعت وقررت تعميلها أول ماعينها وقعت على الخاتم اللي فيده واللي فكرها بالألم اللي شافته واللي إتمنت إنها تحط الجمره لكرار فقلب روحه ټحرقها عقاپا ليه.. وفعلا مدت يدها ناحية يده مع تشجيع توفيق ليها ومكانتش سامعه ولا حاسه بكل الاصوات اللي عتحذرها من حواليها..وخلاص الحطبه كانت علي بعد حبة شعير من يد كرار.. لكنها وقفتها وهي سامعه من وسط الاصوات الحس اللي متقدرش تتجاهله.. وكان حس الجده عديله اللي قالتلها
اوعاكي ياشامه تعمليها.. هتوجعيه نوبه بس هيوجعك قبالها العمر كله.. رجعي يدك يابتي توفيق محاسبش حساب عند ولده وناسي إنه مهيقعدش بينك وبينه يحرسك منيه ليل نهار.
وإهنه شام رجعت يدها ورمت الحطبه
من يدها وبصت لتوفيق وقالتله
خلاص يابوي إني سلمته بيد ربنا وحقي هو اللي يخلصهولي.
توفيق بصلها واتنهد ورد عليها
وداي أخلاق بنات الاصول يابتي.. روحي يابوي ربنا يرضى عليكي ويسلم اللي رباكي.
وهمل الأوضه وطلع مع إنه كان يقدر يغصب شام تكوي كرار وتخلص تارها منيه.. لكنه فكر فحديت أمه وخاف عليها من بطش كرار لما يختلي بيها لحالهم وميردعهوش عنها رادع.
أما كرار فبمجرد ماابوه طلع من الأوضه زعق في الكل خلاهم طلعوا وبقي يزيح فامه وشام زيح وقفل الباب وراهم وابتدا يلف في الأوضه كيف المجذوب وهو عيسأل حاله.. كيف أبوه كان هيخلي مرته تكويه پالنار ويكسره قدامها.. لكنه جاوب علي سؤاله بنفسه
مهياش أول نوبه يكسرني ومش جديده عليه.. والظاهر إنه هيفضل يكسرني إكده طول العمر.. بس له.. قسما برب العزه لأكون حارق قلبك ياتوفيق كيف ماكنت عايز الفاجر داي تحرقني.
خلص حديته وعينه جات علي فستان فرح شام المرمي عالأرض وبدون وعي مسكه وإبتدا يمزع فيه بحرقه كأنه عينتقم منه عن كل حاجه حصلتله وعتحصله وهتحصله بسبب صاحبته.
وبعد ماخلص وقعد علي السرير وابتدت انفاسه تهدا قام وطلع علي ابو دراع يقعد جاره ويهملهم البيت خالص.
وبمجرد ماطلع للحوش وشاف الكل قاعدين وساكتين كأن علي روسهم الطير.. اتخطاهم وطلع وموقفش حتي وهو سامع حس توفيق اللي قاله
إعمل حسابك من بكره هتندلى الشغل..اصل حيلك اللي عتتعافى بيه علي مخاليق ربنا الضعاف ديه لازمن يتهد.
أما حدا عبد الصمد فبيته قبل ساعات..
عبد الصمد
ايه يادهب مهتناميش هبابه اديلك طول الليل صاحيه والفجر خلاص!
ردت عليه دهب
وهو وين النوم بس ياعبصمد وياجي كيف وحته من قلبي اتنقلت لموطرح بعيد ومعرفهاش قضت ليلتها الاولانيه كيف ولا ايه اللي جرا معاها.. إنت مشوفتش بصات جوزها ليها كانت عامله كيف ياعبصمد.. ديه كيف مايكون عايز يقطعها بسنانه.
رد عليها عبد الصمد
مټخافيش عليها يادهب الغول معياكلش مرته..وياستي يطلع الضو وياجي المقاول ونستأذنوه وهاخدك ونروحولها ونطمنوا عليها واخلي قلبك يبرد هبابه بشوفتها وترتاحي من تلاها.
دهب ياريت ارتاح من تلاها.. اني معارفاشي ليه قلبي واكلني عليها قوي وحساها مش مرتاحه.
عبد الصمد داي وساوس
