امي بتفتح كاميرا الحلقه الاولي بقلم هويدا زغلول

وبعدها لبست ونزلت
وفي شقه ايه دخل صبري ومعاه ورد وهديه
صبري _ مساء الخير اي ريحه الاكل اللي تجنن 
دي
ايه _ عملتلك يا حبيبي كل الاكل اللي انت بتحبه يا رب يعجبك ويبعد عننا الشيطان يا رب
صبري_ انا بحبك قوي والله يا ايه ومش عايز يكون في مشاكل ما بيني وما بينك بس انت على طول منكده عليا وفي الوقت ده مرات عمي 
بصت من شباك الصاله وشافت ماما وقالت
ايه _ثواني بس يا حبيبي كده لاحسن ريحه الاكل ماليه الشقه وافتح الشباك شويه. فتحت 
وقالت كنت بتقولي ايه بقى يا حبيبي معلش ما كنتش سامعاك
صبري _ بقولك انتي احسن زوجه في الدنيا وحقك عليا ما تزعليش مني انا اسف لو كنت قلت اي كلمه زعلتك يا بت هو انا ليا غيرك ده انتي ام عيالي

ايه _ وانا اوعدك ان انا هتغير من هنا ورايح وجت هتشوف واحده ثانيه يلا بقي علشان ناكل 
وبعدها راحوا وماما اقعدت لقت نفسها لوحدها 
كلمت شيماء
شيماء _ خير يا هانم متصله بيا ليه متصله تديني محاضره تانيه في الاخلاق ولا ايه
هانم _ هو انتي يا بنت واثقه اني مش هيحصل لي مشاكل بسبب الموضوع اللي انتي قولتي ليا عليه ده لو كلمت حد يعني
شيماء _ يا بنت والله ما تخافي ده انا بقى لي ثلاث سنين عن الموضوع ده وبعدين انا ابعتلك ناس محترمه يعني مش بتاعه مشاكل والكلام الفارغ ده
هانم _ ماشي يابت اهو أسلي نفسي بدل 
ما انا عايشه لوحدي كده
وماما كانت عالطول في اوضتها قاعده لوحدها 
وفي يوم فتحت الباب لقيتها لابسه هدومي 
وقولت
هدي _ ماما انا كنت هعمل شاي قولت اسالك تشربي معايا ولا ايه ايه ده هو انت لابسه هدومي يا ماما
هانم _ ايه ده مش في باب تخبطي عليه في حد يدخل على حد كده برده وفيها ايه يعني لما لبست هدومك
هدي _ ماما كنت عايزه اقولك ان جمال خلاص نازل من السفر وعايز يجي 
علشان خاطر يتقدم ليا
الام _ خلاص بقى يا هدى يجيلك وقت ما يجي حاضر ماشي اخرجي بقى واقفلي الباب وراكي عايزه انام . انا مكنتش فاهمه فيه اي 
وخرجت وماما مسكت التلفون
هانم _ معلش اختي دخلت يا ابراهيم 
فعلشان كده قفلت يا حبيبي كنا بنقول ايه بقى
وبعدها ب اسبوع جه جمال عندنا البيت 
كان قاعد معاه عمي وعمي قال
صبري _هدى دي اه بنت اخويا بس انا اللي مربيها ببنت ادب واخلاق وجمال يعني عايزه اقولك يا ابني ربنا بيحبك انك اتقدمت ليها
جمال _ عارف والله يا عمي ربنا يبارك فيها يا رب ويبارك في حضرتك طيب ممكن بقى نتفق على كل حاجه ولا ايه
صبري _ معلش يا ابني امها موجوده ولازم برده تحضر الاتفاق بيننا دقيقه واحده
وهي جايه على طول وبعدها ماما دخلت وقالت
هانم _ مساء الخير ازيك اي ده معقول جمال
جمال _ ساره انتي ازاي هنا
مراهقه متأخره
الحلقه الثانيه 
بقلم هويدا زغلول
وفي الوقت ده عمي قام وقال
صبري _ ساره مين دي هانم ام هدى هو انت تعرفها ولا اي
جمال _ لا لا يخلق من الشبه اربعين انا اسف 
نقدر نكمل كلامنا وبعدها الكل اقعد 
وعمي قال
صبري _ والله يا هانم انا شايف ان جمال انسان محترم وفعلا يستاهل ان يتجوز هدي نتفق بقى يا ابني على الحاجات المهمه انت هتجيب ايه واحنا هنجيب ايه وكده ولقيت ماما وقفت وقالت
الام _انا ما عنديش بنات للجواز انا مش موافقه على الموضوع ده
هدي _ ماما هو انتي بتقولي ايه ما انتي عارفه ان انا بحب جمال من زمان وعايزه اتجوزه
هانم _ اتكتمي خالص مش عايزه اسمع صوتك
خلاص شرفت ونورت يا استاذ جمال بعد اذنكم علشان طالعه شقتي 
وبعدها طلعت
صبري _ والله انا مش فاهم اي حاجه طيب سيبني يا ابني نتكلم مع امها بعدها ابقى اتصل بيك ولقيت جمال وقف وقالي
جمال _مش انا يا هدى اللي اترفض واتعامل بالاسلوب ده كنتي لازم تاخذي راي مامتك قبل ما اجي واتقدم ليكي انا مش عايزك خلاص
وبعدها مشي وانا وفقت جمب عمي وقولت
هدي _ عمي هو انت فاهم حاجه هي ليه ماما عملت كده بجد انا بحب جمال جدا ومش هقدر ابعد عنه
صبري _ اهدي بس يا هدى مش عايزك تزعلي انا هتكلم معاها والله واشوف الحوار ايه بالضبط 
وبعدها طلعت وايه وقفت جمب عمي وقالت
ايه _انا حاسه ان في حاجه في الحوار ده مش عارفه ليه مش مرتاحه لهانم شكلها اتغير جدا اول لما شافت العريس وهو كان بيشبه عليها
صبري _ على العموم كل حاجه هتبان ادخلي انتي 
يلا حضري الاكل وشقه ماما طلعت لقيتها 
بتشرب سجائر وقولت
هدي _ ايه يا ماما اللي انتي بتعملي ده انتي من امتى وانتي بتشربي سجاير ممكن اعرف بالظبط انتي ليه غيرتي النظر من جوازي من ابراهيم ما انت كنت موافقه في الاول
الام _ مش عارفه ليه مش مرتاحه له وبعدين اشرب سجاير زي ما انا عايزه يا حبيبتي بيتي وشقتي وانا حره فيهم
هدي _ معقول انا مش قادره اصدق والله اللي بيحصل ده بس احب اقولك ان انا كده كده 
هتجوز جمال ولقيت ماما وقفت وقالت
الام _ اخرسي قطع لسانك اي ناويه تتجوزي 
من ورايا ولا اي امشي ادخلي جوا يلا مش 
عايزه اشوف وشك وماما دخلت اوضتها 
وبعدها جمال رن عليها
هانم _ خير عايز ايه تاني مش خلاص كل واحد كده راح لحاله
جمال _ ومين اللي قال الكلام ده انا عايزه افهم منك بس هو انتي ليه عملتي كده
هانم _ زهقت من العيشه لوحدي بجد كنت مخنوقه وكنت محتاجه حد يدخل في حياتي بس اللي عايزه اقوله ليك يا جمال انا فعلا انا حبيتك