فيروز بقلم إسراء ابراهيم
بصت فيروز لعفاف وقالتلها .....يتبع
اتمني البارت يكون عجبكم تفاعل حلو بقي عشان البارت اللي جاي ينزل بسرعة
بقلمي اسراء ابراهيمالتاسع
سړقت زوجي ولكن
كانت فيروز بتسمع عفاف وكانت بتفكر في كل كلمة قالتها وللاسف هي من جواها عارفة انها صح وعندها حق في كلمة قالتلها وان فعلا احمد ياما اتكلم معاها وهي كانت بترفض كانت بترفض لان ليلي بالنسبالها كانت اختها مش بس صاحبة عمرها كانت فرد من اهلها وفيروز بالنسبالها كتاب مفتوح اتنهدت فيروز بحزن ومسحت دموعها اللي هربت من عيونها حسرة علي اللي هي وصلتله وقالت بتعب
صعبت فيروز علي عفاف اوي فخدتها في حضنها وطبطبت عليها وقالتلها بثقة
مهما كان قرارك انا معاكي يا فيروز انا مكنتش بقولك الكلام ده عشان احسرك ولا اشيلك الغلط لوحدك انا بغلطكم انتو الاتنين العين حق يا بنتي وانتي دخلتيها حياتكم واعتبرتيها اختك بس هي طلعت قليلة الاصل ومصانتش المعروف فكري كويس يا فيروز ومتسيبهاش تنفذ اللي هي عايزاه دي غيرانة منك اكمنك متجوزة وجوزك بيحبك فانتي متخليهاش تفرح فيكي وادي احمد فرصة وانا اضمنلك انه عرف غلطه صدقيني يا بنتي انا عارفة ابني كويس واحمد قلبه وجعه وكل يوم بيأنب نفسه مېت مرة عاللي حصل
اوعدك هفكر تاني في الكلام اللي قولتيهولي ولو قدرت اكمل هكمل ولو مقدرتش سامحيني
ابتسمت عفاف وطبطت بايديها علي كتف فيروز وردت عليها وهي بتقوم
انا متأكدة انك هتفكري كويس وتعملي الصح يلا همشي انا بقي احسن احمد من يوم اللي حصل وهو يا عيني الاقيه سايب المكتب وجاي بيقولي انه مش عارف يشتغل ربنا يصلح الحال يا بنتي
.........................
بعد يومين كان احمد كان قاعد في مكتبه وبيراجع قضية مهمة لحد ما دخلت السكرتيرة وبلغته ان في واحدة برة عايزاه وهو اذنلها تدخل وشوية ودخلت ليلي واول ما شافها احمد ملامحه اتغيرت وكشر وقام وهو بيقولها بحدة
ابتسمت ليلي ببرود وهي بتقرب من احمد واتكلمت وهي بتعدل لياقة قميصه وقالتله بابتسامة باردة
طيب وليه المقابلة الۏحشة دي يا احمد ده انت وحشتني وجيت عشان اشوفك
كشړ احمد پغضب ونفض ايديها عنه وقالها بثقة
وانا مش طايقك ولا عايز اشوف وشك كل ما ببصلك بفتكر اللي عملته في بنتي ومراتي كل ما بشوفك بحس قد ايه انا كنت ندل عشان ابص لصاحبة مراتي بس كله منك انتي كنتي عاملة زي التعبان اللي بيحوم حوالين فريسته عشان يعرف يصطاده ازاي
وانت فاكر انك بالكلمتين دول شلت الذنب عن نفسك انت غلطت يا احمد وفيروز عمرها ما هتغفرلك ده عارف ليه عشان الراجل اللي مراته مالية عنيه بجد وبيحبها عمره ما هيبص لغيرها ولا يدور علي اللي ناقصه معاها في حتة تانية عموما انا جيت عشان افكرك ان في مؤخر وانت محامي بقي وسيد العارفين ياريت بس متأخرش عليا واااه نسيت اقولك ان فيروز صحبتي وانا عارفاها كويس فهي عمرها ما هترجعلك بعد اللي انت عملته فوفر مجهودك وحاول اتأقلم مع الوضع الجديد باي يا روحي
.........................
خرجت فيروز عشان تغير جو وتعرف تفكر كويس فراحت الكافيه اللي كانت متعودة تروحه دايما وبترتاح فيه وخصوصا ان فيها مكان بعيد عن الناس وهي بتحب دايما تقعد فيه كانت قاعدة فيروز وطلبت قهوة ليها وعصير لمليكة اللي كانت بتلعب في تليفونها وابتسمت فيروز علي شكلها وسرحت في المواقف اللي كانت بتجمعهم دايما مع احمد والامان اللي كانو فيه فاقت من سرحانها علي ليلي اللي قعدت قدامها وهي بتبتسم ليها پشماتة وفيروز رغم انها كانت متفاجئة بس مبينتش وردت ببرود
مش مترحب بيكي هنا يا ليلي ياريت تقومي وتمشي بهدوء
ليلي ابتسمت وردت بثقة وهي بتبص لفيروز
