قاعده فالبلكونه كالعاده
تاني يوم
صحيت غسلت وشي وعملت الفطار وروحت اصحي ماما
دخلت اوضتها نطيت على السرير وبصحيها
– ست الحبااااااايب يا حبيبة
– ماما اصحي عملتلك حتة فطار تحفة فطار ملوكي عشان من ايديا
– عارفاكي هتصحي تاكلي السفرة كلها خصوصا اني عملت ليكي سندوتشات الجبنة اللي بتحبيها
– ماما بطلي دلع مش عشان سيبت الطباق ونمت هتتقمصي كده ومش راضية تردي عليا
– يا ماااااا مااااااااااا اصحااااااي
ماما مش بترد عليا ولا حتى اخدت اشارة منها تدل على انها سمعاني بدات اقلق واحركها
– ماما بطلي هزار عارفة لما تهزري معايا كده بس بطلي عشان انا على اعصابي ومش بحب هزارك التقيل ده
بدات اعيط
– ماما بطلي دلع وقومي
– ماما انتي مش بتردي عليا ليه ها ؟ انا بكلمك على فكرة ردي عليا
– يا ماما ارجوكي اتكلمي
– ماما !
بعدت عنها وحطيت ايدي على بوقي
– لا لا مستحيل.. مستحيل
صرخت باعلى صوت عندي وجريت على جارتي اسراء قعدت اخبط عليها لغاية ما فتحت
* في ايه يا سيلين مالك بتعيطي ليه ؟
– ماما … ماما
* مالها مامتك ؟
– ماما … بصحيها مش بترد عليا
* ازاي ؟
* تعالي نشوفها
جات معايا اسراء دخلنا اوضة ماما وبتحاول تصحيها لكن مفيش اي صوت خارج من امي
* هتصل على الاسعاف
– بسرعة والنبي
روحت معاهم
دخلت ماما اوضة في المستشفى وجه الدكتور يكشف عليها
و انا قاعدة على اعصابي بره بلف في المستشفلا مستنية الدكتور يخرج
* يا سيلين اهدي هتكون بخير باذن الله
* ان شاء الله خير
– يارب
خرج الدكتور فجريت عليه والدموع في عيوني
– ها يا دكتور ماما هتصحى امتى ؟
” …..
– خير يا دكتور مالك ساكت ليه ؟ ماما كويسة صح ؟ قولي انها بخير ما تتكلم
مسكته من قميصه وقولت بعصبية
– قولي ان ماما كويسة قول يلااا
قالت اسراء وهي بتشدني
* سيلين اهدي مامتك كويسة
