مبروك ي عروسه
هعاتبك ولا حتى هضربك لأني عارف ان الحب مش بأيد اي حد خالص سلمي حبيتك ودا مش ذنبك ولا ذنبها لأن احنا مش بنعرف امتى الحب بيجي لينا وانت محبتهاش لأن انت بتعتبرها أختك دا غير إنك بتحب انجي أنا بتمنى أن اللي حصل دا ميأثرش على علاقتنا وعلى صداقتنا يا صاحبي
فؤاد حضن ماجد والشباب كانوا مبسوطين من اللي ماجد عمله ومن تفكيره دا
ماجد ابتسم لفؤاد و سابه و طلع اوضته وكل واحد طلع اوضته إلا فؤاد فضل باصص للبحر وبيفكر بمصير حور بعد طلاقه من انجي وهي هتفضل مع مين
_جرا ايه يا عم أنت
فؤاد باستغراب.. افندم مين حضرتك
هو.. أنا اللي كلي چروح تصدق دي
فؤاد كان بيبصله بنظرات استغراب
هو بضحك خلاص اهدي أنا اسمي حازم الشرقاوي اخو ماجد الشرقاوي
فؤاد حازم اخو ماجد
حازم.. ايوه المهم أنا شايفك مهموم كدا ليه تقدر تحكي ليا
فؤاد رجع بص للبحر مش عارف في حاجات حصلت غيرت حياتي ١٨٠ درجه في يوم وليله اكتشف ان عندي عيله كبيره وبعدها اكتشف ان الشخص اللي قتل ابويا عايش حياته ولا اكنه حرم عيله من السند بتاعها وتيظهر ليا مشكله ان بنت عمي اللي بعتبرها اختي طلعت بتحبني بس انا مش ببادلها نفس الشعور وفي خلال لحظات اكون متجوز من واحده لسه عارفها قريب من شهرين بس في حاجة بتشدني ليها مش عارف هي ايه ودلوقتي بقى عندي بنت زي القمر ومش عارف لما نطلق أنا والواحده دي ايه مصير الطفله اللي اتعودة علينا وخاېف إن بسبب اني رفضت بنت عمي اخويا يعذب اختي او معاملته تتغير معاها هو متجوزها مشاكل كتيره وحلول قليله حياتي بقت فوضى كبيره بحاول ارتبها كل ما اجي ارتب حاجة تظهر حاجة تانيه تعقدها اكتر ساعات بحسد البحر على الرغم من كل الأمواج اللي فيه واللي بيحصل ليه إلا انه مش بيحصل ليه حاجة
فؤاد بهدوء لا بالعكس أنا حبيت العيله دي جدا
حازم ادي أول مشكله وانحلت نجي للمشكله التانيه انت قولت ان الشخص اللي قتل أبوك عايش حياته عادي حتى إذا كان عايش حياته عادي بس يا ترا لو وقته خلص وراح قابل ربنا هل اللي عمله دا هيعدي لا ربنا اسمه العادل كل إنسان هيجي وقته ويتحاسب علي اللي عمله سواء كان خير أو شړ فاتاكد ان حق أبوك ربنا هيجيبه نيجي للمشكله التالته حكايه بنت عمك بص هو الحب مش بالاجبار خالص هي حبيتك بس انت لا صارحها وقولها إنك بتعتبرها زي أختك هي صح هتتالم من الحقيقة دي بس دا افضل ليها بدل ما تبني أحلام على ال لا شي وبالنسبه لاخوها هل ياترى هو بيحب أختك
حازم. يبقى مش هيظلهما معاه واعرف اللي بيحب حد مش بيقدر يظلمه أو ياذيه نيجي بقى للمشكله الأخيره البنت اللي انت اتجوزتها من نظرتي ليك أنا أقدر أقول إنك مش من النوع اللي بينجبر على حاجة خالص
فؤاد بص ليه بترقب
حازمانت قولت إنك حاسس باحساس غريب لما تكون معاك هل يا ترا احساس بالسعاده
حازم شاف ابتسامته كمل. بتحس بالغيره والڼار جواك لو شوفت حد بيقرب ليها
فؤاد افتكر لما روبن حاول يكلم انجي والزاي كان بيبصلها وافتكر لما عرف ان ابن عمها ولا خالها دا كان متقدم ليها عروقه ظهرت وبدأ يغضب
حازم ابتسم. لو حسيت بدأ كله احب اقلك إنك حبيت يا باشا و انت اتعديت المرحله دي ودخلت مرحلة العشق
حازم بهدوء لو انت انجرحت من الحب فاللي هيداوي الۏجع دا حب تاني حب يكون بصدق شخص تحس معاه أن الدينا احلى شخص تحس إنك لو اتكلمت معاه وفضفت على اللي جواك هتكون متأكد انه بئر أسرار ليك شخص كل ما تشوفه هتحس ان يومك اكتمل خلاص اللي يداوي ۏجع الحب هو حب
فؤاد.. وانت تعرف الزاي اذا دا كان حب او إعجاب
حازم. بص هي الطريقه دي ممكن تكون وجدت في المسلسلات والأفلام بس ديما بتنفع غمض عيونك غمض يلا
فؤاد غمض عيونه
حازم.. شايف ايه اسأل قلبك وهو اللي هيجاوب على سؤالك اذا كان دا حب ولا إعجاب وتركه وطلع على غرفته اللي اتحجزت باسمه علشان ينام ويرتاح
فؤاد.. بدأ يشوف وش انجي قدامه وابتسم وفتح عيونه
فؤاد بابتسامة.. فعلا أنا حبيتك يا انجي فعلا وقال بأعلى صوت بحببببببببببببببببببببببببببك
حازم دخل اوضته وجه ينام افتكر حاجة وابتسم
حازم بابتسامة. خلاص بكره هتقدم ليكي قدام الكل يا انجي وهعترف بحبي ليكي وغمض عيونه ونام وكل واحده نام في اللي نام وهو سعيد وفي اللي بيحاول يهرب من واقع ومن ألم حاسس بيه وفي اللي مخطط لحاجة لبكره
الصبح جه جه ومعاه مفاجأت كتيره
الكل كان متجمع على الإفطار
الشرقاوي بفرحة. والله وحشتني يا حازم فينك يا بني
حازم بابتسامه حضرتك عارف شغل الدخلية بيبقى عامل الزاي فين وفين على ما اقدر اخاد اجازه
الشرقاوي.. ربنا معاك يا بني يا رب
مراد بضحك.. طبعا هنرجع زي زمان ولايام حازم الروش
حازم بضحك.. عيب عليك يا مراد طبعا هنرجع
_مراد
مراد بتوتر أيام لما كنا بنلعب كوره ونقعد نضحك على الذكريات مش كدا
الكل ضحك
حازم بص لاقي نسمه وفرح وسلمى وانجي وفي بنت صغيره ماسكة في ايدها واقفين
حازم أول ما شاف انجي ابتسم بس مفهمش حكاية البنت دي ايه
مراد بتوتر. فرح حبيبتي تعالي
نسمه بضحك الله على السيطره يا فرح
فرح بضحك. طبعا يا بنتي دا انا فرح وراحت قعدت جنب مراد
سلمي راحت قعدت جنب ماجد ونسمه جنب أسد
فؤاد نزل لاقي انجي واقفه هي و حور ابتسم لأنه وأخيرا عرف أنه بيحب انجي
حور أول ما شافت فؤاد جرت عليه
حور بفرحه بابا فؤاد ابتسم وشالها
فؤاد صباح الجمال يا حوري انتي بتحلوي كدا ليه
حور بفرحة بجد أنا حلوه يا بابا
فؤاد بابتسامة بجد دا انتي قمر دا انتي احلى من فرح ذات نفسها مش كدا
حور طبعا طبعا
فرح بغيظ طب يا جماعة فضوا الترابيزة دي علشان النهارده هنصور قاتيل وانت يا مراد هات السکينة دي
فؤاد بتوتر. مش انتي يا فرح هو انتي لوحدك اسمها فرح أنا مكنش قصدي عليكي
فرح امممممم ماشي هعديها المراد
فؤاد. الحمد لله نجيت
الكل ضحك وبشده من اللي حصل
حازم باستغراب.. هو انت تعرف العيله دي
الشرقاوي بضحك.. ايوه فؤاد جزء منها هو ابن الغالي ابني أحمد الله يرحمه ودي نسمه اخته مرات أسد
حازم بابتسامة أهلا أنا حازم اخو
