خد البت

هت......
ضحك بصوت عالي لدرجة ان الناس حوالينا بصوا ابتسمت للناس بلطف عشان ميقلوش علينا مجانين ونفقد هيبتنا
_ ايه الكوميديا في كدا 
_ هي مش نكتة 
سكت ومردتش
_ دي مش نكتة بجد !!! .. هتجوز .. مين دي 
ابتسمت وانا بقعد وبفتكرها
_ رحمة
_ رحمة مين ومالك بتقولها بسهتنة كدا ليه 
_ رحمة يا أخي .. البنت الي دخلتها الحجز من كام يوم دي
_ نهارك أبوك اسود .. هتجوز واحدة سوابق يا عمر !
_ مش سوابق يا إياد وحاسب على كلامك دي هتبقي مراتي
_ انا مش فاهم .. امتا 
_ ولا انا كمان فاهم .. بس المهم انه حصل
قعد جمبي عالكرسي
_ انت حبيتها 
بصتله وسكت
_ حبيتها يا مورا 
_ اه .. ممكن .. جايز
_ وهي 
_ مبطقنيش
_ لا حول ولا قوة الا بالله
_ كل ما بتشوفني بيركبها مېت عفريت تقريبا بتفتكر الي عملته فيها يوميها
_ انت عملت ايه يخربيتك !
_ شوف دماغك الي بټضرب شمال على طول ! .. نزلتها الحجز
_ ونزلت وراها !
_ متلم نفسك يلا !
_ يا عم بطمن
_ المهم انا عايزها تحبني .. اعمل ايه
_ قولها حبيني
_ قوم يلا من جمبي .. قوم يلا انا غلطان اني بكلمك أصلا
_ خلاص يا عم بهههه معاك في ايه ... اقولك .. اعمل حركات الافلام دي .. اقف تحت بلكونتها وغني انت صوتك حلو هيعجبها
_ والله فكرة
_ بس خلي بالك احسن تحدفك بالمشابك ههه
_ ههه! انت يلا واخد كمية الظرافة دي لوحدك و مستحملها ازاي مش فاهم انا
_ جرب انت بس وادعيلي يابا
_ طب قوم شوف شغلك
_ شوف الواد بتاع مصلحته ازاي
_ اخلع
مشي ومسكت انا الفون ودورت على رقمها
_ ألو
_ يخواتي أجمل ألو سمعتها عالكوكب
_ انت جبت رقمي منين 
_ انا ظابط يا رحمة اقسم بالله ظابط انتي مش واخدة بالك ليه
_ عايز ايه
_ عايزك
_ لا يا حضرة الظابط .. قولت لا
_ انتي مخلتنيش اكمل جملتي على فكرة .. انا كنت هقول عايزك تسددي باقي الفلوس الي عليكي عشان دا مال يتامى
_ والله !
_ ايوه وانا اليتامى
_ قولتلك هسددهم على دفعات
_ خلاص بقا هضطر للاسف أجوزك
_ للأسف !!!!
_ ايوه تحت الظروف العصيبة الي بتمر بيها البلاد
_ والله 
سندت على التربيزة الي قدامي
_ يا بت هتسددي على راحتك و بعديها هطلقك ايه رأيك 
_ لأ
_ ايه خاېفة تحبيني 
_ لا انا مبحبش الا بمزاجي وانت مش نوعي
_ والله !!! .. ويا ترى ايه التايب بتاعك 
_ اي حاجة غيرك
قفلت السكة في وشي وابتسمت مفيش ست تعبتني زيها ولا بنت مقدرتش اوصلها قبلها هي الوحيدة الي عرفت تلفت نظري هي الوحيدة الي حاسس اني منجذب ليها
_ انت بتعمل ايه عندك
كنت ساند بكتفي على الشجرة الي قدام بيتها ومبتسم
_ هغنيلك زي الأفلام
_ انت عارف الجيران لو صحيوا هيعملوا فيك ايه 
_ ايه 
_ هيطلبوا البوليس
قربت خطوة منها وانا لسه رافع راسي لبلكونتها
_ يبنتي أنا البوليس
_ طب روح عشان الدنيا هتبرد
_ واو ! .. خاېفة عليا وكدا
_ لا طبعا مش كدا
وقفت على درجة سلم
_ رمشك خطڤني من صحابي وانا واد صياد
ابتسمت وهي بتداري وشها
_ لفيت بلاد و بلاد
حطت اديها على خدها وانا اندمجت أنا
_ اتاريكي ساكنة الناحية دي يسلام يا ولااااااد
_ وطي صوتك يا حيوان !!
كان صوت حد من الجيران الي ظهر من نو وير كدا
_ حيوان مين يا ابن ال دا انا هبيتك عالبرش الليلادي !
_ بقولك ايه .. متروح
_ وربنا ما امشي قبل ما اغنيلك البوم عمرو الجديد كله
_ عمر !
_ عارفة انتي الحظ بعينه !
_ عمر !!!!!
_ مش عارفة .. طب س سل سلام سلام
عدت أيام وانا بحاول بكل الطرق معاها بروحلها الكلية لدرجة ان صاحبتها بقوا بينادوها اما بيشوفوني مستنيها بروح اقعد مع باباها واتكلم معاه لحد ما حبيته اوي وهي بتقوم اول ما تلاقيني قعدت وطولت كنت بدأت افقد الأمل
تماما فيها لحد ما حصل موقف
كنت قاعد الشغل
_ حضرة الظابط
_ أنسة نيرة أهلا أهلا .. اتفضلي
_ ازيك .. عامل ايه
_ تمام .. انا ...
_ انت عارف انك وحشتني 
بصتلها بزهول فاتنحنت
_ قصدي يعني وحشتينا كلنا بقالك أسبوعين مبتجيش عندنا يعني و ....
_ احم
رفعنا عنينا ناحيتها وهي واقفة عالباب