خرجت ساره

هزت براسها موافقة ومشيت ناحية الطربيزة اللي قاعد عليها فارس واحمد بمشي بجانبها وبقدمها لفارس والضيوف محفزهم على طلب كل اللي هم عايزينه
بدات سارة كلامها معاهم بالانجليزي وهي بتسمعهم بتركيز شديد وبتسال وبتستفسر عن طلباتهم بالتفصيل وهي ما بتبصش على فارس ابدا
وبعد ما خلصت معاهم وكتبت الطلبات تكلم احمد موجه كلامه ليها على مسمع من فارس

وشوفي الباشا يحب يطلب ايه
بلعت ريقها ورفعت عيونها عليه وهو طول الوقت براقبها بمتعة خالصة وتكلمت بتوتر شديد وبلغة انجليزية
سكت لثواني ليستمتع بصوتها اللي كان ليه ساعات وايام طويلة متمني يسمعه وبص بالمنيو مصطنع التفكير
قاطع احمد الموقف وقال تحب نرجعلك كمان شوية يا فارس باشا تكون اخترت براحتك
رد بايماؤات نافية
تؤتؤتؤ مفيش مشكلة وكلم سارة بالعربي وقالها عايز ايه
التقطت طلبه وجريت من قدامهم بسرعة ولحقها احمد بعد ما اكد على عدم تاخيرهم
ادت سارة اللي شغالين بالمطبخ تفاصيل الطلبات تحت متابعة احمد ورجعت لمكانها
وبعد عدة ساعات
انتهى الاجتماع المزعوم وبدا المطعم يفضىكليا بعد ما كان محجوز ليهم بالكامل
وانسحب الضيوف بالتوالي بعد ما ودعوهم عند الباب
ووقف فارس مع صاحب المطعم يتكلموا ومحدش سامع حاجة لحد ما لفت نظرهم ونظر سارة قول صاحب المطعم لاسمها بكلامه مع فارس
قفز قلبها من مكانه وهي بتشوف احمد ببص عليها وبرجع يبص على فارس وبهز راسه متفهم للي بيقوله
وخرج على عربيته
ورجع الكل لمكانه
تقدم احمد منهم وطلب منهم يتجمعوا وشكرهم على تعبهم معاه النهارده وشغلهم الاكثر من رائع وصرفهم بدري يروحوا يرتاحوا وطلب من سارة تلحقه على مكتبه قبل ما يقفل المطعم!!!
دخلت سارة مكتب احمد وتفاجأت فيه بانه ابتدا كلامه يشكر فيها جدا وقال بامتنان
انا متشكر اوي يا سارة على تعبك معايا النهارده وكمل كلامه بفخر تحت دهشتها الشديدة وفارس باشا انبسط منك جدا وقعد يشكر فيكي وبالمطعم وقالي انه هيعتمد مطعمنا لأغلب اجتماعاته المهمة وهنرتب مع بعض شغل كتير لقدام وتنفس بسعادة الحمدلله اللي كنت بتمناه حصل وكله بفضلك انتي يا جدعة وبفضل زمايلك وان شاءالله اخر الشهر هتاخدوا حلاوتكم وهزبطكم وقال جملته الاخيرة وهو ببتسم ليها ممازحها
غابت ابتسامته عن وشه بعد ما شافش اي ردة فعل منها ايجابية ولا اي ابتسامة ولا ضحكة
قالها بتعجب مالك يا سارة ايه اللي حصل وافتكر بداية لقاءها مع فارس وعدم ردها للتحية وكمل باستفهام انتي مش على طبيعتك ليه النهارده فيكي حاجة مش شايف انك اتبسطي يعني!
ردت بنبرة مصطنعة للسعادة محاولة تبان على قد ما تقدر انها طبيعية
لا ابدا حضرتك انا مبسوطة جدا طبعا بس انا تعبانة شوية تعبت فجأة معرفش ليه وبصراحة كنت خاېفة اوي انه تكون حضرتك زعلان مني على اللي حصل من غير ما اقصد وقالت بابتسامة محاولة مجاراته في المزاح ولتقفل علة الموضوع كنت مجهزة نفسي للپهدلة والمرمطة
قهقه بصوت عالي على كلامها وقرب منها وحط ايده على كتفها باشارة منه لتقديره واحترامه ليها
لا يا سارة انا عمري ما اقدر ازعل منك لو مهما حصل وعارف انك تعبتي ڠصب عنك بس انا كنت متوتر جدا اليوم ووترتكم معايا معلش وكمل بضحكة قصيرة ثم انه الباشا شكرك انتي دونا عن الكل يعني ولا خد باله اصلا
عبست ملامحها لما رجع جاب سيرته وقالت بضيق مكبوت الحمدلله انه كل حاجة مشيت زي ما حضرتك كنت عايز واكتر واستاذنت منه ترجع لبيتها بعد ما عرفته انه اهلها مستنينها ومش هينفع تتاخر اكتر من كدا
وخرجت من المطعم وركبت عربية الاجرة ورجعت لبيتها
رجع فارس من مشواره وهو هيطير من الفرح
فضل يفتكر نظرته الاولى ليها ونظرتها ليه ابتسم وهو بيفتكر كل السيناريوهات اللي رسمها بباله لليوم دا واللي مفيش حاجة منها حصلت
لقاها زي ما هي مفيش حاجة فيها تغيرت جمالها صوتها بريق عينيها ولونهم الساحر تغير ملامح وشها على حسب الموقف بس حسها كبرت اكتر وزادت انوثة وجمال مع احتفاظها بطفولتها وبرائتها
شغل الراديو ليسلي نفسه بالسكة وتعالت دقات قلبه وهو بسمع الاغنية اللي لقاها شغالة واللي حسها تغنت ليه وليها
واللي كان يسمعها طول ما هو مسافر وبعيد عنها واللي كانت بتحفزه على الرجوع عن طريقه والرجوع ليها
لما سارة دخلت قلبه بقي يحب الدنيا باللي فيها بقي يسمع ويحب اي اغنية بتفكره فيها بعد ما كان يستهزء بكلام الاغاني والحب بين اي تنين
بدا بتخفيض صوت الراديو مخرج نفسه من حالة النشوة اللي شاعر فيها بعد ما سمع صوت رنة موبايله بتتعالى ورد بهدوء بعد ما شاف اسم المتصل
ايوا يا علي
علي 
فارس ممتاز جدا وحطيتها جنب الباب زي ما وصيتك
علي..
فارس حلو جدا خلاص اي حاجة جديدة تحصل هناك تبلغني ولو ااااا قاطع كلامه مع علي دوسة جامدة عالفرامل منه ومن العربية اللي ركنت قصاده
وقع الموبايل من ايده وبص فارس على الاشخاص اللي بالعربية بدهشة شديدة واللي كانت نظراتهم ليه لا تقل دهشة عنه سرعان ما تحولت لڠضب وحقد دفين
تفاجئ الكل باللقاء دا وكانوا الاشخاص اللي بالعربية هما اخوات فارس من ابوه أدم و عمر
تعجب فارس من وجودهم خارج السجن بعد توقفه عن تتبع أخبارهم وتفاجئوا هما برجوعه للبلد وهم فاكرين انه لسا برا البلد
زفر فارس بضيق شديد وانفاس حاړقة وتدارك الموقف ومشي من قدامهم بسرعة عڼيفة بعد ما رمقهم باحتقار
تجهمت ملامح وشه بشدة بعد ما شافهم
اخر حاجة حسب حسابها يشوفهم وخصوصا باليوم دا تحديدا وتنغيصهم لفرحته الصغيرة اللي مستنيها من سنين
بس باين انه اليوم كان غريب وصعب على الكل
في بيت سارة
دخلت سارة البيت ولقت البيت هادي جدا والانوار مقفولة والدنيا حواليها ظلمة جدا ولما جت تقفل الباب اتخبط بحاجة وهو مش راضي يقفل
ولعت النور وهي مستغربة من عدم وجود اهلها وحملت الهدية اللي لقتها عند الباب بفرح وضحكة كبيرة وهي فاكراها من اهلها
فتحت الصندوق لقت فيه عروسة كبيرة جميلة جدا بفستان فيروزي وجزمة فضية شيك جدا تعجبت من اللي شافته وهمست لنفسها بدهشة
عروسة! انا وبالعمر دا! دنا وانا عيلة مجتنيش واحدة زيها وضحكت بصوت مسموع وهي بتحطها على وحدة من الكنبيات بالصالة وكملت تشوف محتويات الصندوق فوجئت بنفس الفستان اللي لابساه العروسة وبنفس الجزمة ومعاهم تاج دهب وواضح جدا انه سعرهم غالي جدا
التقطت الكرت المحطوط بشك وهي بتفكر باستحالة انه تكون الهدية دي من اهلها! وايه معنى العروسة! معقولة نور بترخم عليها كعادتها بس المحتوى غريب ومش من عوايد نور تهزر بالطريقة دي
بدات تقرا المكتوب على الكرت بترقب وتدقيق وهي بتدور على اسم صاحب الهدية بس مالقتوش موجود
المكتوب
ولملمت كل ما في لك وأرسلته بحب إلى عالم غير عالمنا لربما نلتقي هناك
فاقت من شرودها على اصوات صړاخ وتذمر من اهلها وهما بندهوا اسمها
طوت الكرت بسرعة وخبته وكلمتهم مستغربة انتوا هنا أمال اااا
قاطع كلامها صړاخ وسيم وهو بهدر فيها پغضب
احنا لينا ساعتين مستنينك بغرفتك وعاملين ليكي مفاجاة ونط كريم وقال بعبوس وانا عملت ليكي خريطة علشان تمشي عليها وشاور ليها على الارض وبصت ولقت