خرجت ساره

للسما وبكت من كل قلبها مخرجة كل تعبها النفسي اللي شايلاه وهي بتشكر ربنا بدموع على عوضه ليها
جمعت شتات نفسها وقررت مترجعش عالشغل خلاص مبقاش يفرق معاها لقت شغل احلامها
اللي كنت تفكر وتقول مستحيل يجي يوم وتقعد قعود بالشركة دي مش تشتغل وهي مش عارفة انها قاعدة بقلب صاحب الشركة دي كلها قاعدة ومربعة كمان
كلمت امها وهي بټعيط من كتر الفرح وطلبت منها ما تعملش حاجة النهارده وقالتلها انها هتجيب معاها اكل جاهز حلاوة الشغل الجديد
علي و رعد متابعين مراقبة سارة واخبارها وببلغوا سيدهم باي معلومة صغيرة او كبيرة يعرفوها
رجع فارس ظهره باسترخاء وتنفس براحة لما عرف انه قدر يفرحها لو شوية بعد كل اللي داقته منه
وهمس لنفسه بقلق
يا ترى هتعملي ايه لما تعرفي اني انا ورا الموضوع دا واني صاحب الشركة دي وداخل حاجات كتير بحياتك ورشف اخر رشفة من فنجان القهوة بتاعه وتجنب التفكير بلحظات المواجهة واستباق الاحداث وجهز نفسه وخرج لميعاد الشغل اللي عنده
بدات سارة شغلها الجديد وهي بقمة سعادتها مش علشان الشركة بس وعلشان واخيرا اشتغلت بتخصصها وكل يوم بتتعلم حاجات جديدة
بقي وضعها المادي احسن بكتير مع المرتب الكبير اللي بتقبضه ومع مرتب المطعم
رجعت تشوف اهلها وتقعد معاهم زي زمان وتمارس نشاطاتها الاجتماعية وتاخد اجازات رسمية ومدفوعة زي كل الناس وكانت بكتير من الاوقات تزبط اجازة المطعم على اجازات شغلها
كان مجال شغل سارة بالترجمة وتطوير الذكاء الاصطناعي للغة العربية ولهجتها العامية وكل حاجة ليها علاقة بالتدقيق والتصحيح اللغوي
كانت البنت اللي بتدربها قمة في اللطافة
كان اسمها سالي سنها قريب ممن سن سارة وبينهم حاجات مشتركة كتير
حتى ان سارة عرفتها على نور وعلى اهلها وبقي في زيارات بيتية بينهم وقربوا من بعض جدا
واستمر حال الكل كدا رايق ومستقر لعدة شهور
كان فيها بيجي فارس كل فترة وفترة على المطعم اللي شغالة فيه سارة وبيطلبها بالاسم وهي مش قادرة تتكلم او ترفض وكل المرات اللي شافته فيهم ما كانش بيشيل عيونه من عليها وهي لدلوقتي متكلمتش معاه لوحدهم باي كلمة بس في نطاق شغلها بالمطعم ومع الكل وقدام الكل
لحد ما جه اليوم المشؤوم
خرجت سارة من الشغل وسلمت على سالي ومشيوا لاول الطريق وكل واحدة روحت بعربية
وبعد ما رجعت سارة لبيتها بعدة ساعات وهي بتجهز حالها لتنام
رن موبايلها وردت بسرعة لما لقتها واحدة من زمايلها بالشغل واسمها لينا
سارة الو ايوا يا لينا
ليهوي قلب سارة بالارض بعد ما سمعت عياط لينا وهي بتبلغها انه سالي عملت حاډثة جامدة وهي بالمستشفى دلوقتي
زعقت سارة وصوتها تغير وانبح من عياطها
اييييييه بتقولي ايييييه ايمتى دا حصل
لسا من شوية كنت معاها وبكت وهي بتسمع لرد لينا ونادت بۏجع يا الله سااااالي وسالت من بين شهقاتها
يعني هي عايشة ولا وبترت جملتها الاخيرة وكملت بنحيب امانة عليكي يا لينا متضحكيش عليا هي عايشة لسا يعني
خرجت انفاسها المقطوعة وسالتها باستعجال
طيب هي ب اي مستشفى انا هاجي حالا وخدت اسم المستشفى من لينا وكانت عارفة المستشفى كويس لانها كانت بتيجي تعمل مراجعات يارا الطبية في المستشفى دا
غيرت هدومها بسرعة والتموا اهلها على صوت بكاها العالي وهي بتقولهم عن سالي وراحت جري على المستشفى
وصلت غرفة العمليات اللي فيها سالي ولقت كتير من زمايلها قاعدين مستنين قعدت معاهم وهما بستنوا اي خبر من الدكتور
وبعد ٣ ساعات خرج الدكتور وطمنهم انه العملية نجحت ويومين وممكن يخرجوها على اوضة عادية وفرحوا كلهم وشكروا ربنا
ولما مشي الدكتور لحقته سارة بسرعة لتساله عن اللي هيحصل بعد العملية وايه هيكون وضعها بالتفصيل
كان سابقها بمسافة كبيرة وهي بتجري وراه وبتنده عليه وهو مش سامعها
ارتدت بسرعة لورا بحركة لا ارادية منها بعد ما شافت الدكتور مشي ناحية فارس وهو بسلم عليه باحترام شديد وبدا فارس يكلمه ووقفوا فترة مع بعض
تراجعت سارة للخلف وتعقدت ملامح وشها وهي بتفكر بعمق وملامح الدهشة باينة عليها
وهمست لنفسها مستفهمة
هو ايه اللي بيحصل عمال يطلعلي بكل حتة كدا ليه! دا حتى باحلامي مبيسبنيش وكملت كلامها مع نفسها متعجبة قلنا المطعم ويمكن صدفة او حتى قاصدها والمستشفى كمان! بس هو لو كان عايزني كان ما سابنيش لغاية دلوقتي وبكلمني رسمي وما بقولش حاجة زيادة
وكملت كلامها بتذمر مستاءة يا ربي انا كل ما ارتاح شوية تطلعلي حاجة تنغص حياتي و رددت بتعب يا ربي انا تعبت اوي ومش حمل پهدلة ومرمطة تاني انا لسا مقدرتش انسى اللي عمله فيا دا حتى من اول ما شفته بالمطعم رجعت اشوف كوابيس من تاني
تذكرت نظراته الغريبة عليها واللي مقدرتش تفهم معناها
اوووف هو رجع ليه وامتى انا لازم اعرف عايز مني ايه انا لازم اكلمه ما هو مش معقولة اللي بيحصل دا بكل مكان ينطلي زي عفريت العلبة
ماكانش فارس شايف سارة لسا ولا متقصد المرة دي يجتمع فيها
بس لما خلص كلامه مع الدكتور بص لقدام وجت عينه عليها وهي واقفة بعيد مستخبية وسرحانة بعد ما مشي متحرك من مكانه
انتفضت بقوة لما لقته واقف قدامها وهو ببصلها بتمعن وقالها بنبرة جاهد جدا لتكون هادية و رايقة علشان ما تخافش منه ويمكن تحس انه تغير عن زمان
ازيك يا سارة.
ازيك يا سارة
بلعت ريقها بتوتر وردت عليه بعد شوية وقت
كويسة
ومشيت بسرعة من قدامه
تنهد بضيق وهو شايفها بتتخض منه قد ايه وبتتجنب تبصله او ترد عليه
لسا مشواري معاكي طويل يا سارة وهتتعبيني بس استاهل وانتي تستاهلي اتعب عشانك
ومشي وخرج لعربيته
بعد عدة ايام من الحاډثة
كانت سارة قاعدة مع سالي لوحدهم بيتكلموا بكل حاجة وايه اللي حصل وازاي وعن اخبار الشغل
لحد ما قاطع كلامهم دخول الممرضة لتعمل الفحوصات اليومية لسالي وقالت بعملية
لا الحمد لله انتي بقيتي احسن بكتير وشوية وهيجي الدكتور محمود يفكلك القطب ويغيرلك عليهم
ابتسمت سارة وسالي باتساع وهما بحمدوا ربنا وشكروا الممرضة وقعدوا يكملوا كلامهم ويستنوا الدكتور
قالت سارة باعجاب المستشفى دا الخدمة فيه كويسة جدا والدكاترة والممرضين جميلين اوي ولطيفين
هزت سالي براسها موافقة وقالت بتاكيد
فعلا الخدمة هنا 5 نجوم من كام سنة وجاي بقي المستشفى دا من احسن واكبر المستشفيات بالبلد
ردت سارة ممازحة وهي بتضحك ولا شكله انتي متوصي عليكي جامد وتعرفي ناس كبيرة لاني انا عارفة المستشفى دا كنت دايما باخد يارا وبراجع فيها هنا عند الدكتور بس بعدين هو سافر وبقيت اراجع عند دكتور تاني بمستشفى تاني لسا الشهر اللي فات كان لينا اول موعد معاد وكملت كلامها بسخرية مصطنعة
صح كان المستشفى دا احسن بكتير من الجديد بس انا شايفة العناية بسيادتك زيادة شوية وغمزتها وهي بتضحك باتساع
ضحكت سالي على كلام سارة وكملت سارة كلامها بضحك شديد كويس انه الشركة مديانا تامين بالمستشفى دا ولا كان انا وانتي بنغسل اطباق دلوقتي بالمطبخ ههههههههههه
اڼفجرت سالي بالضحك وهي بتتاوه من الۏجع  وقالت بانفاس متقطعة
ااااااخ ضحكتيني منك لله بقي جسمي كله يوجعني اسكتي خلاص كفاية حرام عليكي
وزادت ضحكاتهم بعد جملة سالي الاخيرة اكتر
مسكت سالي ايدها وقالت برجاء
والنبي كفاية