خرجت ساره

انا مش قادرة جسمي كله بيوجعني ارجوكي
مسكت سارة حالها بالعافية مشفقة على حال صاحبتها وهي بتنهي الكلام مستجيبة لطلبها
خلاص خلاص هسكت اقعدي كويس علشان متتعبيش وساعدتها سارة بتعديل قعدتها
قالت سالي باستهزاء يا مچنونة ازاي مش عايزاهم يهتموا بينا واحنا موظفين بشركة صاحب المستشفى اصلا انتي عبيطة ولا حاجة دا اقل واجب مندفعش اي مبلغ وانا بالاول ودوني على مستشفى معفن كدا قريب من مكان الحاډثة وبعدين اهلي نقلوني هنا كان زمانك دلوقتي لقيتيني مع الامۏات
ردت سارة بعدم فهم وقالت بلهفة بعد الشړ عليكي يا حبيبتي متقوليش كدا تاني بس انا مفهمتش تقصدي ايه انه صاحب الشركة هو صاحب المستشفى دي وكملت كلامها مستغبية نفسها
تصدقي انا لدلوقتي معرفش اسم صاحب شركتنا مين وضحكت على هبلها
ردت سالي بذهول انتي بتتكلمي بجد ولا بتهزري يا عبيطة انتي بتهرجي صح! ازاي متعرفيش ان صاحب الشركة هو نفسه فارس باشا وهو شريك بالحصة الاكبر بالمستشفى دي وكملت كلامها وهي بتحرك ايديها يووووووه شركات كتير كمان وقالت وهي بتبص على سارة باندهاش انتي صح ما قابلتيه بس معقولة محدش قالك اول ما جيتي اسم المدير الكبير او حتى جه اسمه بالصدفة قدامك! غريبة انتي هيبقالك 8 شهور متوظفة معانا ومتعرفيش امال يا هبلة الكل بيحسدنا ليه هههههه
فضلت سارة تسمع لكلام سالي پصدمة وهي مش قادرة تفكر ووقف عقلها عن العمل وردت بملامح شاحبة وپخوف من اللي هتسمعه
ثارس مين انتي بتقولي ايه انا مش فاهمة منك حاجة!
ردت سالي مستغربة وهي بتبص لانقلاب حال سارة وقالت
اييييييه يا بنتي مالك ما انتي بالشغل ذكية وبتلقطيها على الطاير مخك مقفل النهارده كدا ليه وقالت وهي بتضحك انتي واكلة طبق فول قبل ما تيجيني هنا شكلك مش كدا
معقولة مسمعتيش اسمه بين الموظفين او قريتي اسمه على اي ورقة رسمية تخص الشركة
وكملت كلامها وهي بتسالها متعجبة وانتي مستغربة للدرجة دي ليه يعني طبيعي حد زيه من اكبر رجال الاعمال يكون عنده اكتر من مشروع وشركة وووو اااا 
ما سمعتش سارة بقية كلام سالي وهي بتفكر وبتحاول تربط الامور مع بعض عمال تتذكر يمكن هي سمعتهم بقولوا عن مدير اسمه فارس بس متعرفش انه صاحب الشركة او هو نفسه فارس اللي تعرفه
سبحت ببحر افكارها وهي بتهمس لنفسها بفزع لالالالا اكيد مش هو اكيد تشابه اسماء لا مش معقولة ليقاطع شرودها دخول الدكتور وهو مبتسم وبسلم عليهم
وقال بمهنية مطمنهم لا ما شاء الله احنا بقينا كويسين اوي وكمل فحصه ليها وهو بشيل الشاش الطبي عنها اووووه ممتاز ممتاز احنا كنا فين وبقينا فين
ردت سالي بامتنان وسارة ما بتنطقش ولا بحرف وعمال تبصلهم
ربنا يخليك يا دكتور كله بفضلك وبفضل الناس اللي شغالة هنا انا بقيت كويسة
رد عليها بالنفي لا استغفر الله الفضل لربنا واحنا معملناش غير واجبنا وقالها ممازح
ثم انتي ناسية انك من طرف فارس باشا وموظفة بشركته دا اي تقصير معاكي كنتي تيجي وهتلاقي المستشفى دي فاضية
ضحكت على كلامه وتيقظت كل حواس سارة لما جت سيرة فارس وبقت تبصلهم وهي مركزة
بس ما لقتش من كلامهم حاجة ممكن تأكد ظنونها وخرج الدكتور محمود بعد ما ادة توصياته لسالي بالاعتناء بنفسها والراحة لتخف بسرعة وتخرج من المستشفى باسرع وقت
تحسست سالي مكان الچرح وهي بتكتم المها وقالت لسارة ايه يا بنتي رحتي فين واطلقت تاويهة صغيرة
ردت سارة بجمود هو اسمه فارس ايه يا سالي
ردت عليها بهدوء وهي بتبصلها بحيرة
فارس ياسين
وقفت سارة باستعجال وهي بتقرب من سالي وقالتلها باعتذار
معلش يا سالي انا مضطرة اسيبك دلوقتي واهو ترتاحي وحاولي تنامي شوية وانا هقول لاخوكي وانا خارجة اني مشيت علشان يجيلك
ردت سالي بعبوس وباين عليها التعب متخليكي عندي شوية يا غلسة لسا ملكيش زمان جاية
ردت سارة وهي بتحضنها مودعة معلش يا سوسو بكرا او بعده هنجيلك انا ونور ونقعد براحتنا وتكوني انتي خرجتي ورجعتي لبيتك نجيكي هناك احسن
وخرجت من عندها بعد ما وافقت ورجعت على البيت
في بيت نادين
رجع ابنها الصغير فارس من الروضة بعد اول يوم ليه فيها
حضنته امه بشدة وهي بتبوس فيه
حبيبيييي وحشتني اوي
ضحك فارس الصغير وهو ماسك بشدة بأمه وقالها بطفولية وانتي كمان يا مامي
قربت منه وسالته بحنان ها قولي يا بطل اخبار الروضة معاك ايه حلوة اتبسطت هناك ولا لا
رد عليها بمرح حلوة اوي لعبنا وادونا العاب وحاجات حلوة وانا خدت نجمة لاني كتبت الرقم واحد صح اسرع من كل ولاد صفي
قرصت امه خدوده وهي بتغنج فيه ياااااا روحي انا برافو عليه الشاطر وقالت بابتسامة مفتخرة طالع لمامتك العسل انا كنت شاطرة اوي وانا بسنك
رد عليها بدهشة
بجد يا مامي كنتي شاطرة وبتاخدي نجوم زيي
ردت عليه وهي بتشيله وبتوزع قبلاتها على وشه
ايوا يا روح الماما ويلا تعال معايا علشان تتغدا انا عاملالك الاكلة اللي بتحبها
قفز باتساع بحضنها وبقي يزعق وكان هيوقع منها
هيييييييه بحبك يا مامتي الجميلة
ضحكت امه على كلامه وقالتله بفرح
وعندي ليك خبر حلو تاني تعرف مين هيجي عندنا النهارده ويجيبلك العاب كتير وقعدته على الطربيزة بعد ما كانت مجهزة اكله على حسب معاد رجوعه
رد عليها بتفكير وهو بمضغ اول لقمة ببوقه
بابا
ردت بالنفي لا يا حبيبي بابا مسافر وبعد بكرا هيرجع وردت بنبرة عالية وحماسية
خالوووووووو فااااااارس
زعق فارس الصغير باعلى صوته من الفرحة هو عارف انه النهارده كل حاجة هيطلبها هياخدها من خاله وهيجيبله العاب كتير وهيطلب منه يفسحه
خرجت سارة بسرعة من المستشفى وهي هتتجنن وتتاكد من شكوكها
اول ما ركبت العربية فتحت موبايلها على جوجل وكتبت الاسم اللي قالت عليه سالي
اتسعت عيونها پصدمة ومفاجاة كبيرة لما شافت صوره وتاكدت انه هو
تابعت قراءة الاخبار والمقالات المكتوبة عنه طول الطريق وهي محستش بالوقت ليفوقها من شرودها صوت شوفير التاكسي اللي تعودت تطلع معاه باستمرار وقالها بعد ما شافها منزلتش وباين انها مش واخدة بالها من الطريق
في حاجة يا انسة سارة
ردت بتلعثم بعد ما انتبهت لنفسها
اااا انا اسفة يا عمو مخدتش بالي اننا وصلنا ونزلت وحالتها عاملة زي التايهة ونسيت تحاسبه على مشوارها
بعدت عنه شوية وافتكرت انها ما حاسبتوش ورجعت تركض عليه بسرعة وهي بتشاورله ما يمشيش ولفت ناحيته بعد ما ابتسمت بخجل
معلش يا عمو حقك عليا انا النهارده عقلي مش معايا من كتر الحاجات اللي حصلت وخرجت من شنطتها مبلغ المشوار وادتهوله وقالتله بعتاب
طيب كنت قولي يا عمو بدل ما انت شايفني رايحة ومش مجمعة
ابتسم ليها بهدوء وقالها بشكر متشكر يا بنتي محصلش حاجة انتي هتهربي يعني
ردت عليه بجدية لا حصل انت بتشقى وبتتعب من الصبح علشان تطلع فلوس يوم بيوم لو الكل عمل زيي كدا ولا نسي يا عيني لا هتشتغل ان شاءالله
ضحك بصخب على كلامها وسلمت عليه ودخلت بيتها
استأذنت من امها ودخلت غرفتها علشان تقعد مع نفسها وتفكر هتعمل ايه وكلمت نفسها معاتبة بقسۏة
ايه الغباء اللي انتي فيه دا في حد بالعالم يشتغل بشركة ولمدة 8 شهور وميعرفش مين