ساره لنفسها
وانتي وحشتيني جدا ردت يارا كويسة الحمد لله الامتحانات بعد اسبوعين
بصتلها سارة بابتسامة ها والجميل محضر كويس وعايز ينجح بتفوق زي كل سنة ويفرحنا ردت يارا بثقة وحماس ايوا طبعا ما انا شبه اختي الكبيرة لازم ابقى الاولى شدت سارة خدودها وقالتلها يخراشي عليا انا وقاطع حديثهم صوت امهم واقفة عند الباب وهي بتقولهم بصوت دافي يلا يا حبايبي العشا جاهز خلصتي مذاكرة يا يارا ولا ايه
قامت سارة وهي بتتحرك اتجاه امها يلا يا ماما نحط العشا على الطربيزة لحد ما يارا تكون خلصت زمان اخواني هيموتوا من الجوع وبصت لامها بضحكة اكيد ما خليتيش حد ياكل الا لما انا افوق مش كدا
ضحكت امها وخرجوا من الغرفة وبعد شوية اجتمعوا كلهم على العشا وسارة بتاكل اخوها الصغير وبتاكل معاه وامها بتنتبه على وسيم ويارا وبتكمل عشاها
وبالليل .. بعد ما الكل نام حاولت سارة ما تفكرش فيه لتقدر تنام وترتاح كانت بحاجة لساعات النوم دي اوي لترجع الصحة والحيوية لجسمها فضلت تتقلب كل شوية وهي قلقانة وبتفكر وبتدعي ربنا يساعدها ويخرجها من المصېبة دي بسرعة لحد ما غلبها النوم بعد تفكير طويل بحالها
نفضت كل الافكار دي عن دماغها بعد ما افتكرت غيابها عن الجامعة ومحاضراتها وانه عليها حاجات كتير لازم تعملها وحاجات تانية لازم تفكر فيها وتاخد فيها قرار باسرع وقت
قالت سارة بصوت عالي نسبيا صباح الخير ماما ايه اللي صحاكي دلوقتي ما كنتي تنامي شوية يا حبيبتي لفت امها وشها عليها وهي بترد بصوتها الدافي ونبرتها الحنينة صباح الفل يا قلب امك وقربت منها وهي بتقول انا لقيت نفسي صحيت بدري شوية قولت احضر الفطار ليكي عارفاكي بتصحي بكير ولاخواتك و يارا هتفوق كمان شوية وتروح مدرستها وقفت كلامها وهي بتبص بوش سارة باستغراب وبتسالها هو ايه اللي بوشك ده يا ضنايا مال وشك
زاغت سارة بنظراتها وهي بتفكر هترد بايه اصلي اتخبطت بحاجة كدا بالمطعم مكنتش واخدة بالي وكملت كلامها بسرعة والله ما تقلقيش انا كويسة وزي الفل واهو زي القردة واقفة قدامك ومسكت ايدها وباستها بصت امها لوشها بنظرات حزينة عوجع بنتها وهي بتقولها خدي بالك نمن نفسك يا بنتي الله يرضى عليكي هزت سارة راسها وهي بتبتسم ليها حاضر يا حبيبتي حاضر انا بس علشان كنت تعبانة واشتغلت كتير وما نمتش كويس ما تقلقيش
سحبت امها الكرسي ليها وقالت بتاكيد على كلامها انا قولت لازم تفطري يعني لازم ولا انتي عايزة تكسري كلامي قعدت بسرعة عالكرسي وريحة الاكل بانفها ما عاش ولا كان اللي يكسر كلام ست الكل بس على شرط تفطري معايا وسحبت امها كرسي قبالها وفطروا مع بعض وراحت سارة لجامعتها وامها كملت شغلها بالبيت ومع اولادها
وصلت سارة الجامعة وقعدت تستنى نور صاحبتها بالمكان اللي دايما بيلتقوا فيه بالكلية سلموا عبعض وضړبت نور سارة بكتفها وقالت بعتاب انتي فين ليكي يومين لا حس ولا خبر يا جزمة انتي ماكانتش صحوبية دي يختي تنفست سارة بحزن وردت عليها معلش يا نور انتي عارفة كنت مريضة وشغلي ساعاته طويلة وكنت مشغولة شوية
بصت نور لملامح صاحبتها المهمومة فيكي ايه يا سارة واوعي تخبي عليا انا حافظاكي كويس ليكي فترة كدا مش عبعضك وانا حاسة مالك حاجة بس سايباكي براحتك ومش عايزة اضغط عليكي حطت سارة كتبها جنبها وهي بتلف بوشها عن نور مفيش يا نور قولتلك شوية تعب وانتي عارفة قد ايه انا مضغوطة الفترة دي بشغلي والجامعة وامتحانات هتبدا قريب ولازم اكون محضرة كويس اوي ليها والبيت و وسكتت وما كملتش جملتها
ردت نور عليها بفضول وايه يا سو ردت سارة باختصار وتعبانة وكدا بس ما تقلقيش يا نور لو حصل معايا حاجة هقولك مش هخبي عليكي
كانت سارة نفسها تحكي لنور كل حاجة جايز ترتاح زي كل مرة بس هي عارفة المرة دي انه نور مش هتقدر تساعدها وانه مشكلتها كبيرة جدا وهي اصلا ما عندهاش الجراة تقولها كل اللي حصل معاها قطع شرود سارة صوت نور وهي ماسكة ايدها
طيب يا حبيبتي عموما لو عوزتي تفضفضي وتقولي ايه مضايقك او احتجتي اي حاجة انا مش هفضل افكرك انا جاهزة لاي حاجة يامر بيها الجميل وخشنت صوتها وهي بتقولها انتي وراكي رجالة يا بت انتي
ضحكت سارة عكلامها وشدت عايدها وقالتلها اكيد يا نونو انا ليا مين غيرك يا صديقة العمر انتي وقاموا علشان يحضروا المحاضرات ونور بتدي سارة ورق مكتوب فيه المحاضرات اللي فاتتها وبتحكيلها حصل ايه تفاصيل بالدراسة ومواعيد امتحانات اخر التيرم وهما ماشيين وقريبين من قاعة المحاضرات لمحوا يوسف واقف ببص لسارة وببتسم ونور لما شافته لكزت سارة بكتفها وهي بتقول بسخرية
اهو سي روميو وصل اهو ومستنيكي بصت سارة لنور بحدة وهي بتقولها بتحذير اتلمي يا بت انتي ضحكت نور ولما وصلوا عند الباب سلموا على يوسف وبقت سارة تستعجل نور ليدخلوا القاعة و قلبها بدق بسرعة وما بتقدرش تتحكم باعصابها كل ما تشوف يوسف وبيبقى صوت دقات قلبها مسموع من كتر ما بزيد نبضها بصوت عالي
دخلوا القاعة وقعدوا جنب بعض وقربت نور من سارة وقالتلها بهمس لو تشوفيه باليومين اللي غبتي فيهم كان كل يوم يسالني عليكي ويطمن عنك انتي مش بتحبيه وهو بحبك وهيجي يخطبك بعد التخرج امال ما بتكلمهوش نص كلمة ليه والله حرام عليكي
احمر وش سارة وابتسمت وتصنعت الڠضب من كلام نور وقالتلها انتي مش هتسكتي ابدا اتلهي بنفسك وبالتيرم دا اللي يا رب يعدي على خير ونتخرج بقى
ردت نور برجاء امين يا رب ورجعت تبص لسارة وابتسامة عوشها بس بجد صعب عليا الجدع دا ضړبتها عايدها عشان تسكتها وسمعت سارة صوت مسج من الواتس اب
