ساره لنفسها

جاي ليها فتحته وكان فارس باعت صورة ليها وهي معاه وبوضع مهين وكاتب عليها
حبينا نصبح عالقطة معلش هتاخر عليكي بس كلها كام يوم واخلص اللي ورايا وافضالك يا قطتي
تغير وش سارة كليا وعبست ملامحها ومسكت نفسها ما تعيطش
بصتلها نور باستغراب ايه مالك يا بنتي وقطع جواب سارة دخول الدكتور وبداية المحاضرة .
بعد يوم طويل بالكلية رجعت نور على بيتها وكملت سارة على شغلها مر الوقت على سارة من غير ما تحسش بيه وهي بتشتغل وبتعوض ايام اجازتها
وقف حسام صاحب المطعم قدامها ازيك يا سارة رفعت سارة عيونها من على الورق قدامها وبابتسامة عريضة ردت عليه
انا كويسة الحمد لله وازاي حضرتك رد عليها بابتسامة عذبة انا كويس جدا طالما رجعتيلنا الشغل دا حتى المطعم كله كان بايظ من غيرك
ضحكت سارة وقالت لا العفو يا فندم البركة بحضرتك لولا وجودك كل حاجة هتبوظ وانا مش هعرف اعمل حاجة ولا اشتغل خالص
بصلها حسام بنظرات اعجاب يا ريت بنتي عندها شوية من جدعنتك وشطارتك وتفكر تتحمل شوية مسؤولية دي شقية ومغلباني معاها
ابتسمت سارة ابتسامة صغيرة وقالت ربنا يخليهالك وتفضل تتشاقى عليك عطول تنفس حسام بتعب امين يا رب ويعقلها زيك شوية وكمل كلامه
انتي مش هتروحي الساعة بقت 11 وشوية وليكي شغالة نص ساعة زيادة ولا انتي عايزة بقى اوفر تايم والكلام دا وهو بغمزها وكمل كلامه والله يا ريت بس عمك حسام كبر وبقي يتعبه الشغل لساعات طويلة
بصت سارة بالساعة على تلفونها يااااه انا محستش بالوقت خالص اصل كان في حاجات كتير لازم احسبها رد عليها حسام بنبرة ممتنة
معلش يا بنتي دايما تاعبينك معانا ردت عليه بسرعة لا بالعكس دا شغلي وانا قصرت فيه الفترة اللي فاتت بس حصلت شوية ظروف كدا قاطعها بصوته الهادي وبنبرة ابوية معلش حصل خير ويلا علشان تروحي بلاش تتاخري ولو احتجتي اي حاجة ما تتكسفيش انا زي باباكي وبعدين ابو نور صاحبتك يزعل مني دنتي متوصي عليكي جامد
ابتسمت ابتسامة كبيرة وردت ربنا يخليك انا متشكرة جدا حضرتك
خرجت سارة من شغلها وهي بتفكر بحاجات كتير وبتحاول تبعد فارس عن تفكيرها واتخضت لما افتكرت كلامه وانها لازم تسيب شغلها ومش عارفة تتصرف ازاي فتحت شنطتها بتبص بالفلوس معاها لقتهم مش هيكفوها غير ليومين على اقصى حد وفتحت جيبة جوانية من شنطتها لقت فلوس فارس اللي كان مديهم ليها وهي حاطاهم لوحدهم ومش عايزة تصرف منهم حاجة ومش عارفة لو اجبرها تسيب الشغل هتقدر تصرف على نفسها وعلى اهلها ازاي وبنفس الوقت مش عايزة تصرف من فلوسه وهي بقت تعرف شغله كويس وعرفت تماما هو بيبقى مين
وقفت لدقايق وهي محتارة ومتلغبطة وافتكرت انها وعدت اخوها الصغير تجيبله معاها شوكلاتة النهارده تنفست بحزن وقالت لنفسها خلاص كلها يومين تلاتة وهاخد مرتبي واشوف هعمل ايه بس انا محتاجة حاجات علشان نهاية التيرم دا ورسوم التخرج والله بقيت اتكسف اطلب من نور كل حاجة كدا
دا حتى هي بقت بتعزمني على اكل وشرب بالجامعة كمان والبيت محتاج مصاريف زفرت نفس طويل ربنا يسهل انا همشي للبيت مشي واشتري لوسيم وكريم الشوكلاتة اللي وعدتهم بيها
وسيم اكيد مش هينام وهو بستناني انا عارفاه ضحكت وهي بتتخيل وش اخوها الصغير وفرحته لما يشوفها ومعها اي حاجة حلوة ليه هو بحبها
دخلت سوبر ماركت بطريقها واشترت اللي هي عايزاه وكملت طريقها للبيت وصلت البيت بعد مدة طويلة وفتحت الباب بالمفتاح بهدوء وفاكرة انهم اكيد ناموا لقت امها بالصالة بتستناها اتاخرتي ليه يا حبيبتي قلقتيني عليكي
شالت شنطتها عن كتفها وحطتها هي وكتبها عالطاولة اللي جنب الباب وراحت باست امها عوشها معلش يا ماما ما انتي عارفة الشغل بتاعي ردت عليها بنبرة حانية عارفة يا ضنايا ربنا يرضى عليكي احضرلك العشا قاطعتها سارة انا شوية وهحضره بنفسي ما تتعبيش نفسك انتي يا حبيبتي وبعدين يا امي مش قلتلك لو اتاخرت ما تستنينيش انتي بتصحي بدري مع اخواني وانا كل شوية عمال ابعتلك بمسجات اطمنك عليا او بكلمك كل ما اقدر
ردت امها وهي بتمشي للمطبخ مقدرش انام وانتي مش موجودة واطمن عليكي انك رجعتي وكلتي وشربتي ونايمة بسريرك دا اقلها تلاقي لقمة سخنة تاكليها بعد تعبك طول النهار مشيت سارة ناحيتها وباست ايدها ربنا يخليكي ليا يا ست الكل وميحرمنيش منك معرفش لولا وجودك انا كنت هبقى عاملة ازاي اتملت عيون امها بالدموع وحضنت وش سارة بايديها التنين وباستها وهي بتدعي ليها بالتوفيق والرضى رفعت ايد امها لوشها وباستها بحنان اكتر من مرة ولفت وشها وهي بتمشي لاوضتها ووقفت فجاة بعد ما افتكرت حاجة
هما اخواني ناموا يا ماما ردت امها ايوا يا حبيبتي ردت سارة وهي بتبتسم اصلي جبت ليهم شوكلاتة وعارفة وسيم اكيد بستناني ومش هيعرف ينام ضحكت امها وهي بتحط االطبق عالطاولة وانا بقول ماله الواد ده مش عايز ينام وغير قبل نص ساعة راح لسريره روحي شوفيه يمكن يكون ما غفاش لغاية دلوقتي او بيفضل يقوم وينام لحد ما تيجي وتنامي جنبه انتي عارفة هو متعلق بيكي قد ايه
انا هغير هدومي واشوفهم واجي مش هتاخر وعلشان انا عايزة اذاكر شوية تقدري تنامي انتي يا حبيبتي ما تشيليش همي فتحت باب الغرفة بالراحة ومشيت ناحية اخوها الصغير تشوفه لقته نام فضلت تبصله وهي بتبتسم وهي بتتامله وماخدها جمال وبراءة اي طفل وهو نايم قررت انها تصحيه وبدات تداعب خده بصوابعها بدا وسيم يتململ بنومه مزعوج قربت منه اكتر وهي بتوزع بوسات صغيرة عخده
وسسسيم سوما يا حبيبي انت نمت مش هتشوف جبتلك معايا ايه وفضلت تحركه وهي بتلاعبه وبتكركره صحي وسيم وهو بقي يضحك بصوت عالي وبتحرك بكل اتجاه بالسرير ونط عحضن سارة وحضنها جامد انتي اتاخرتي يا سوسو نعست وانا بستناكي بصت لعيونه الناعسة وهي بتحاول تمسك ضحكتها
معلش يا حبيبي حقك عليا وادته كيس صغير فيه كام حاجة حلوة هو بحبها بدا يفتح الكيس ويخرج اللي فيه وابتسامة كبيرة عوشه انا متشكر اوي يا سو انا بحبك اووووووي ردت عليه وهي حاضناه وفرحانة لفرحته وانا بحبك اكتر يا روحي انت بس دول ناكلهم بكرا ودلوقتي لازم ننام ولا ايه يا سوما الشاطر
رمى نفسه عالسرير وحط الكيس جنبه ورد بحماس حاضر انا هنام اهو ولف وشه وبصلها بنظراته الطفولية وانتي مش هتنامي جنبي عسريرك داعبت شعره بايدها وردت انا هاغير هدومي واتعشا واشوف يارا وكريم وهاجي انام بس لما ارجع عايزة الاقيك نمت ولا هزعل منك
رد عليها بسرعة لا لا انا هنام اهو باسته عجبينه وتركته يكمل نومه وخدت حاجات اخوانها ولقتهم نايمين باستهم وحضنتهم وما رضيتش تفوقهم علشان مدرسة يارا وعياط كريم اللي هيملا البيت لو فاق وهو اصغر من وسيم بالسن وحطت لكل واحد منهم كيس حاجاته الحلوة جنبه وخرجت للمطبخ وبصت بنظرة سريعة للصالة لقت امها بتغفي عالكنباية راحت