وقفت منيره
طباعها الأنانية وحب النفس ربنا يهديها هى وأخواتك يا بنتي بس حقيقي انا فرحان بيك قوي لأن ربنا جعل منك عوض لمختار الغلبان عن غلبه ما هو مش هيبقى كله طالح لازم يكون في ولو واحد بس صالح.
امأت مكة بحزن وشرود.
دي حتى غادة اختي من بعد ما اتجوزت وسافرت مع جوزها السعودية مبتفكرش تتصل بينا خالص لازم بابا اللي يشحن كارت كبير كل فترة عشان يتصل يطمن عليها هى وجوزها وبنتها.
لا حول ولاقوة الا بالله طب ليه كدا دي حتى غادة شغاله هناك وبتقبض كويس يعني مش هيأثر معها بحاجة لو اتصلت هى تطمن عليكم.
زفرت مكة بقوة مخرجه ضيق أنفاسها.
عارف يا خالو المشكلة عندها مش مشكلة فلوس لأنها لو شحنت ب ١٠ ريال بس هتكلمنا بيها مدة طويلة لأن المكالمات الدولية هناك مش غالية أو لو حتى هتكلمنا ماسنجر أو واتساب من باقة النت اللي بتشحنها لكن المشكلة في قسۏة القلوب لدرجة أنها ممكن تشوف رسايلنا ومتردش عليها ولما نيجي نعاتبها تقول مش فاضية شغلي واخد كل وقتي لغاية ما قطعت أي ود بينها وبين أي حد فينا.
بس تعرفي يا مكة انا هقولها ليك بصراحة يا بنتي سلبية ابوكي مع منيرة هى اللى خلاها عملت فيكم كدا وطلعت عيالها قلوبهم قاسېة ميهمهمش غير مصلحتهم وبس منيرة اختي وانا عارفها كويس كان لازم يشكمها مش يسكت ليها ويركبها فوقه بالشكل ده.
أمأت له مكة وسحابة حزن تطوف بعينيها.
هز فهمي رأسه بنفي.
بصي انا مش معترض يا حبيبتي بس كان فوت ليها مرة والتانية وبعد كدا يعمل ليها حدود متتخطهاش عشان ما تزدش في فرعنتها عليه للأسف مختار حبها بأخلاص ويارتها قدرت الحب ده يلا ربنا يجازيه عنها وعنكم خير الجزاء لأنه صبر كتير ومن حقه يرتاح.
اللهم آمين يارب يا خالو يجزاه خير لأنه تعب كتير فعلا طيب انا هسيبك بقى تكمل قرايه في المصحف واروح اساعد سوسو في تجهيز الفطار عايز مني حاجة قبل ما اروح لها.
هز فهمي رأسه برفق.
لأ يا حبيبتي روحي لمرات خالك وانا لما أخلص قراية الورد بتاعي تكوني أنت كمان خلصت وهطلع أقعد معاك.
تمام يا حبيبي هستناك برة.
وقفت مكة في شرفة منزل خالها بعد ان انتهت من مساعدة زوجته في تجهيز الطعام تنتظر عودة حبيبها من عمله بقيت بعض الوقت تنظر للشارع تارة وتنظر بساعة يدها تارة أخرى حتى لمحت طيفه يأتي من بعيد فاسرعت تفتح له باب المنزل فقابلها حسام بإبتسامة عريضة عند بابا المنزل.
يا مرحبا يا مرحبا مكة خطيبتي وحبيبتي وبنت عمتي عندنا دا احنا النهاردة لازم يكون يوم عيد عندنا ويتحسب في توقيتنا كمان.
بادلته مكة بإبتسامة عذبة وخجلة.
مش قوي كدا يا حسومي احسن اتغر عليكم بعدين.
أشار حسام لها بثقة.
دا انت تتغري زي ما انت عايزة يا قمر هو في حد يطول أن الحلاوة والجمال ده يكون خطيبته وحبيبته وبنت عمته التلاتة مع بعض لأ وكمان عندهم في البيت دا انا لو أعرف مكنتش روحت الجامعة النهاردة عشان أكون في استقبال القمر.
ابتسمت مكة بخجل ورفعت كتفيها بدلال زادها خجل.
بطل بقى متكسفنيش وبعدين ممتك وباباك جوه ممكن يسمعوك وتكسفني أكتر.
زفر حسام بقوة ثم تحدث بنبرة جدية.
ماشي يا قلبي بس دا ميمنعش أنك وحشتيني قوي قوي قوي.
زاد أحمرار وجه مكة بخجل واجابته بصوت يكاد يكون مسموعا.
وانت كمان وحشتني قوي.
تنهد حسام بحرارة.
هانت يا قلبي انا عارف اني طولت عليك بس كلها سنة ونتمم جوازنا على خير ونكون لبعض طول العمر أن شاءالله.
أمأت له مكة بضيق.
انا عارفة يا حبيبي أنك مستعجل أكتر مني كمان انا بس مش تاعبني غير ماما كل ما اختي نرمين يجي ليها عريس تفضل تذل فيا ومش مقتنعه بقراية الفاتحة اللي خالي قراها مع بابا.
تجهم وجه حسام بضيق.
انا مش عارف اعمل ايه لعمتي دي عشان ترضى عليا بس خلاص انا مش هسبها تبهدلك اكتر من كدا هكلم بابا دلوقتي أخليه يكلم عمي مختار ونحدد فرحنا بعد العيد الكبير والرسالة اكملها بعد الجواز مفيش مشكلة والحمدلله شقتي خلصت مش ناقص غير الفرش بس.
أنزلت مكة رأسها أرضا بحزن.
بس بابا مش عامل حسابه ولسه مجهزش حاجة من جهازي فا مش عارفة هيوافق على الميعاد ده
