وقفت منيره
بس يا ست ماما بلا نيلة بقولك هروح معاه انجلترا وهلف معاه اروبا كلها تقوليلي دراسة يعني اللي اتعلموا كانوا خدوا ايه
هزت منيرة رأسها بإيجاب.
عندك حق يا بت وعلى قولتلك هما اللي اتعلم ا كانوا خدوا أيه غير وۏجع قلب وطول النهار ملحقين على القهوة من غير شغلة ولا مشغلة.
رن هاتف منيرة فظهر التوتر والقلق عليها واسرعت تخفض صوته فاقتربت منها ابنتها تغمز لها باحدى عينيها.
لأ وشكلك كدا ارتبك مالك ومين دا اللي بيرن عليك
شكله كدا جو جديد.
لكزتها منيرة في ذراعها بنزق.
يا بت اسكتي ووطي صوتك لحسن عادل يسمعك ويخلي أيامنا زفت على دماغك جو ايه وبتاع ايه انت كمان مفيش الكلام ده.
هزت نرمين بنفي.
لأ لعلمك فيه وانا خدت بالي منكم يوم المحكمة لما خد رقمك ورن عليك كمان انا كنت بحسبه يومها حد قريبك بس لما سمعت ضحكك معاه امبارح بالليل ودلعك عليه عرفت أنه مش مجرد قريب دا طلع حد مهم قوي ليك دا انا مشفتكيش بتتكلمي وتضحكي مع بابا وتدلعي عليه كدا قوليلي بقى واعترفي مين ده
اه ياني منك هتوديني في داهية اسكتي للبت رضا تسمعك وتروح تقول لعادل دي بتسمع دبة النملة.
وضعت نرمين يدها على كتف والدتها وخفضت نبرتها.
يا ماما قولي وانت بيهمك من حد قوليلي بس ومټخافيش سرك في بير.
نظرت منيرة على جانبها بحذر.
يا بت هقول ايه بس دا كان جارنا من زمان في بيت ابويا ومنه لله فهمي اخويا هو وأمي هما اللي فرقونا عن بعض.
أيه ده كنتوا بتحبوا بعض يا ماما
أومأت منيرة بهيام.
قوي قوي عمري ما حسيت نفسي ست غير معاه.
رفعت نرمين حاجبيها بتعجب.
لا دا الموضوع طلع كبير قوي بقى ولازم تحكي ليا.
تنهدت منيرة بسعادة
اه جدا اصله لمحلي بالجواز بعد ما العدة بتاعتي تخلص مش مصدقة نفسي أن انا ونجيب هنتجوز دا كان زمان حلم بالنسبة ليا.
ألف مبروك يا حبيبتي وأن شاء الله ربنا يتملك على خير يا ماما ويعوضك عن الذل والقرف اللي شوفتيه مع بابا.
أومأت منيرة بتمنى.
يارب يا نرمين ايوه كدا ادعيلي اللا انا ھموت والموضوع دا يتم على خير وساعتها هجوزك من اللي اختارتيه يا حبيبتي واعملك فرح الناس كلها تحكي عنه.
جلست في فراشها بالسجن بعد أن أنتهت من مهام عملها المفروضة عليها يوميا أحتضنت قدميها بيديها وسكنت تذرف عبرات الفراق الذي اضنى قلبها على عزيزها وغاليها من كان لها سندا وأمان بعد الله ابيها قطعة روحها الثمينة الذي اختاره الله جوار لجواره وأسرع أبيها ملبيا دعوة ربه مستغنيا به عن دنيا زائلة لم تجلب لهما سوى التعب والهموم تذكرت وحدتها وشعرت بمرارة اليتم تغلف ايامها بعد أن ماټ والدها فلم يتذكرها أحد من أمها وأخواتها ولم يأتوا لزيارتها ولو لمرة واحدة فقط اربعة أشهر مرت وهى لا تعلم عنهم شئ وظلت تسأل نفسها بلوعة وحزن ألم يشتاقوا لها كما اشتاقت لهم ألم يألمهم فراقها كما ألمها فراقهم ألم يشعروا بالحنين الذي أنهك قلبها لهم هناك قاعدة ثابتة تقول أن حب الأم لصغارها لا يعادله أي حب أخر في الكون مهما بلغت درجته لكن والدتها كسرت تلك القاعدة واصبحت من شواذها فكيف لأم حملت جنينها تسعة أشهر بجوار قلبها ثم عانت من الآم المخاض الممېتة حتى أتى للدنيا لتحمله بين يديها وترى به جمال العالم كله أن تقسو عليه بعد ذلك وهى ترى فيه ثمرة تعبها وحصاد عمرها وأنجازا عظيما قد منا الله عليها به فكيف قسى قلب والدتها لتلك الدرجة التي هان عليها بعد ابنتها ولم تحاول حتى السؤال عنها للأطمئنان عليها في ذلك المكان الموحش الذي تحيا به مسحت دموعها وابتسمت بمرارة متذكرة ذلك الرجل المسن صديق والدها عم أمين الذي يداوم على زيارتها ويأتي لها كل اسبوعان وبرغم فقره وضيق يده الأ أنه يأتي لها دائما محمل بالخيرات التي يمن الله عليه بها تذكرت اخر زيارة له وهى تطالبه بعدم المجئ ثانيا لضعف صحته فقد ابتسمت له وهى تربت على يده وترجوه حتى أن يريح جسده الذي أنهكته الأيام.
جلس أمين يلتقط انفاسه براحة على الأريكة الخشبية الموضوعة بقسم الزيارة وأشار لها لتأتي وتجلس بجواره.
صمت قليلا ثم تابع متأثرا وهو يرتكز بذقنه على يديه الممسكة بعصاه الابنوسية العتيقة متذكرا بأسى ما دار بينه وبين مختار قبل ۏفاته بقليل.
الله يرحمه زي ما يكون كان قلبه حاسس قالي بالحرف أمين لو جرالي حاجة خالي بالك من مكة اصلها غبانة ومش هيكون ليها حد بعد ربنا غيرك امها واخواتها الدنيا لهياهم ومبقوش عندهم قلب يحسوا بيه كل اللي همهم الفلوس والدنيا وبس حتى حسام ممكن الشيطان ينزغله أنها بقت مش مناسبة له بعد ما يتحكم عليها ويخليه يتخلى عنها ويسبها لوحدها عشان خاطري يا أمين ابقى اسأل عليها.
ثم رفع رأسه ينظر لبراءة عينيها وابتسم لها.
لو قولتيلي تاني متجيش هزعل منك ولعلمك ماهما تولي ليا متجيش هاجي تاني وعاشر ومية لغاية ما تخرجي من هنا أو ربنا يسترد امانته ويقبض روحي وساعتها هقابل مختار وأقوله أني نفذت وصيته لغاية ما ربنا أداني من عمر.
ارتمت مكة في حضنه تتلمس عوض الله لها من دفئ الأب والعائلة التي حرمت منهما ودموعها تفيض مجددا متأثرة بطيبة قلبه.
بعد الشړ عنك يا بابا أمين ربنا يخليك ليا يا أغلى وأطيب أنسان و ميحرمنيش منك ابدا.
قبل أمين جبهتها بحنو وربت على كتفها برفق يطيب خاطرها الذي كسره أقرب الناس لها.
حبيبتي يا بنتي ربنا يفك كربك ويجبر بخاطرك ويهون عليك ايام السچن وتطلعي منه على خير أن شاءالله .
ثم مسد على ظهرها برفق يحثها للقيام حتى تتفقد ما جلبه لها من طعام لتخرجه من الحقيبة الخاصة به كي يتنولاه سويا.
يلا يا حبيبتي عشان تاكلي انا صحيح مش بقدر أقف اعمل أكل بس بشتري من مطعم صاحبه حبيبى ووصيته النهاردة يعملنا محشي اصل نفسي هفتني عليه قوي وقولت لازم اروح اكله مع مكة دوقي وقوليلي عشان لو مش حلو هروح املص له ودان الواد دقدوق.
ابتسمت مكة وهى تزيل عبراتها العالقة بأه أبها.
تعرف أني فعلا كان نفسي في المحشي قوي زي ما تكون حاسس بيا يا بابا.
ثم افضت غلاف الطبق وامسكت بإحدى حبات الملفوف تضعها في فمه اولا ثم وضعت أخرى بفمها تتلذذ بطعمه.
ممممم لا دا كدا حضرتك لازم تشكر دقدوق قوي وتقوله تسلم إيدك لأن المحشي تحفة بجد.
أومأ أمين
