وقفت منيره
كدا بابا عايش عايش يا حسام امال انا عملت دا كله ليه عشان ميتعبش ويفضل عايش ليا بس هو عشان حنين وبيحبني رفض تضحيتي له وماټ عشان ميشوفنيش متبهدلة انا عملت كدا عشان بحبه والله وكنت عايزاه يفضل جنبي........
نزحت المزيد من دموعها وقد بدأت في الهزيان.
لكن ايه الفايدة اهو مشي وسابني لوحدي.
ثم تراخى جسدها متهاويا أرضا بقوة اسرع حسام يتلقها بين ذراعيه مناديا على الحارسة المرافقة لها من خلف الباب والتي اسرعت تدخل ومعها اخرى وحملاها لمشفى السچن ليتم اسعافها غادر حسام بقلب مفطور على حالها وما وصلت إليه بعد أن رفضوا بقائه للأطمئنان عليها.
نجيب وقلبه يتراقص بفرحة.
الحمدالله عدت على خير والبت لبستها وابوها راح فيها وضمنا مكانا وأنت بقيت رئيس الحسابات مكانه كمان يا شاهر.
أبتسم شاهر بسعادة.
امد نجيب يده له بحقيبة بلاستيكية سوداء وهو ينظر حوله بريبة وحذر.
خد اهو النص مليون جنية كله أهو بس خلي بالك بردو مش معنى أن القضية اتحكم فيها أننا خلاص بقينا في أمان لا خليك حريص واصرف بالعقل عشان متلفتش النظر ليك فاهم.
أه طبعا طبعا متخفش واخد بالي من كل ده كويس قوي ما تطلب لينا بقى حاجة تبل ريقنا ولا لقمة تسد جوعنا خليني أقوم أروح.
أومأ نجيب له مبتسما.
وماله مش خسارة فيك اطلب اللي نفسك فيه والحساب كله عليا.
ربت شاهر على صدره عدة مرات ممتنا له.
تشكر يا نجيب بيه يا ابو الكرم كله.
ابتسم نجيب بشرود وهو يحك ذقنه بتفكير متذكرا الصدفة التي جمعته في بقاعة المحكمة بحبيبته القديمة منيرة تلك المرأة التي لطالما تمنى قربها ولو لمرة واحدة فقط ولكن ما استرعى أنتباهه هو رؤيته لمصوغاتها الذهبية التي ترتديها فكميتها تدل على مدى ثرائها.
مامااااااا............ انت يا ست ماما.
جاءت منيرة من الداخل تتغنج وتتهادى في خطواتها.
في ايه يا بت يا نرمين مالك بتزعقي كدا ليه وبتشكلي دبان وشك على المسا ليه
زفرت نرمين بضيق.
احنا لازم نعزل من الحتة الفقر دي خلاص ما بقتش قادرة اتحمل اكتر من كدا.
ليه ايه اللي حصل تاني
أشارت نرمين على باب المنزل پغضب.
البت السودا الكودا اللي اسمها شيماء واللي متسواش بصلة في سوق البنات بتعيرني بالي حصل لزفتة مكة وبابا.
أبتسمت منيرة بلامبلاة.
خلاص يا بت ولا هى ولا غيرها هيضيقوك خلاص أحنا هنعزل قريب ان شاء الله ونروح مكان من بتوع الناس الأغنية.
قفزت نرمين بسعادة.
اتسعت ابتسامة منيرة بفرحة.
انا خلاص يا حبيبتي اتفقت في بيع الشقتين بتوعي من ورث ابويا وكمان هبيع البيت ده اللي مختار كان كاتبها باسمي على المكافأة بتاعة نهاية الخدمة بتاعت ابوكي من شغله الحكومي عادل خلاص صرفها وجابها ليا وهشتري شقتين في المهندسين واحدة ليا انا وانت وغادة وواحدة لعادل والباقي اعيش حياتي بيه.
ضمت نرمين يديها لصدرها بفرح.
ايوه بقى يا ماما يا جامدة وانا كمان عندي ليكي خبر بمليون جنيه.
نظرت لها منيرة بشغف.
خير يا بت قولي في ايه حصل.
أقتربت منها نرمين وخفضت نبرتها.
فاكرة الشاب اللي كان اعحب بيا في فرح اخت صحبتي وحكيت ليك عنه.
أومأت منيرة بتفكير.
اه فكراه ماله
ابتسمت نرمين بسعادة.
خلاص طلب إيدي وطلب مني يجي يتقدملي عشان نتجوز واسافر معاه انجلترا.
شهقت منيرة بفرح.
بجد يا بت دا يوم المنى دا أنت بتقولي أن أبوه غني قوي وأخيرا هنقب على وش الدنيا بس دراستك هتعملي فيها ايه انت يدوب لسه مخلصة ثانوية عامة.
هزت نرمين رأسها بلامبلاة.
دراسة ايه
