لا مش هطلقها للكاتبة سلمى سمير

امتثال متخافش عليها هتكون في 
عيني من جوه وعين ولدي كبير العيله بعد عمر طوبل لبوي
الحج محمود _يلا يا ولد منك ليه العشا هتروح عليناوينادمو علي الشباب يجيو يصلو معاهم العشا والترويح
وتدخل امتثال وغاليه وحنان ومعاه مريم ومها وحلا 
يصلو العشا مع بعض جماعه بالدار
وبعد ساعه يرجعو الرجاله للبيت ويطلبو العصائر والحلوبات
الكنافة والقطايف واطباق قمر الدين المحلاه بالمكسرات
وتدخل حلا شايله الصنيه هي وعمتها حنان ويخرج مازن ياخدها من ايدها ويضحك في وشها بفرحه تستغربها حلا 
وبعد شويا يخرج مازن ويطلع فوق السطح وينادم علي اخته

مريم اللي تطلع وتنزل بسرعه وتروح لحلا توشوشها في 
ودنها وتضحك وتاخدها وتخرج من وسط النسوان
غالية علي فين يا حلا
حلا هقعد مع مريم في اوضتها يا ماما شويا
غالية ما انتو جاعدين معانا ليه تطلعو فوج
مريم معلش يا مرات عمي هوريها لبسي الجديد
امتثال خلاص روحو سيبيهم يا غاليه بنات مع بعض
وتاخدها وتطلع فوق السطح عند غية الحمام وتلاقي مازن مستنيها اللي يفرح بوصولها جدا ويضحك بوشها 
مازن تعالي يا حلا اجعدي عايزك في كلمتين
حلا بعصبيه انت مطلعني هنا ليه وعايز مني ايه
بابا لو شافني اوحد من اخواتي ھيموتوني 
مربم هيموتوكي ليه هو احنا مش خواتك ولا ايه بجولك اسمعي مازن وشوفيه عايز يجولك ايه الاول
مازن اجعدي اهني يا حلا عايزك بجد 
حلا تبصلها بريبه وخوف وتقعد جمبه علي الحصيرة 
وفي ليله غاب عنها القمر كانت عيونها تلمع بسحر غريب
ويبصلها مازن وتبعد عنهم مربم الجهه التانيه وتسيبهم
مازن يمسك ايدها اللي تشدها حلا منه بسرعه يضحك 
مالك خاېفه مني ليه يا حلا
حلا ترتعش وهي بتتكلم جول عايز ابه يا مازن انا مفهماش انت جايبني هنا ليه وعايز ايه وبتمسك يدي ليه اتكلم بجي
مازن انتي ريداني يا بنت عمي ولا لاء 
حلا كيف ريداك تجصد ايه من كلامك
مازن جدي طلب يدك ليا من ابوك وطلب مريم لاخوكي
رايك ايه في الكلام ده وابوكي وافج وابويا كمان وافج
حلا يعني ايه انا دلوقتي خطيبتك رسمي
مازن ايوه خطيبتي بس مبهمنيش كل الحديت ده اللي يهمني انت ريداني يا بنت عمي وموافجه اكون جوزك ولا لاه
حلا پغضب ولو رفضت هتعمل ايه في عاداتناوتقاليدنا بنات
العيله ما يتجوزوش براتها يعني انا لو مش ليك هكون 
لغيرك من ولاد عمي او ولاد عم ابويا 
مازن يمسك يدها تاني ويبص لعيونها بحنان وحب 
ميهمينش التجاليد يجوزو مين لمين اللي يهمني انتي انا بسالك موافجه اني اكون جوزك وريداني ولا لاه
حلا يعني عايز تقولي انه بيدي اوافق او ارفض واختار بنفسي اللي يعجبني واحبه واتمناه
مازن ايوه وانا هجف معاكي في جرارك مهما يكون
حلا تشد يدها من يده وتجوم تجف تتمشي علي السطح
وتبصلها في كبرياء وشموخ انا مش رايده غيرك انت يا واد عمي يكون زوجي وخطيبيى وحبيبي ليوم الدين 
مازن يجري عليها يحضنها وتحط يدها قدامه تمنعه من احتضانها يبتسم لها وجعتي جلبي في رجلي يا بنت الايه انتي اتخيلت انك نسيتي وعدك ليا السنه اللي فاتت انك مهتكونيش لغيري لو فيها موتك 
حلا تضحك ببرائة اخيرا الحلم اتحقق وهبقي شريكة حياتك
مازن جوزك ايه مش لما تخلصي الاعدادية وادخل انا
الكلية ولا خمس او ست سنين علي الاجل
حلا مش مهم اي حاجه خلاص هتبجي خطيبي قدام
الكل وهتعامل معاك علي هذا الاساس يا واد عمى
مازن واد عمك ايه بجي جولي حبيبي ولا كتير
عليا يا موهجة الجلب والروح ونور العين
حلا اباه اباه لا لا انا مش قد الكلام الحلو ده انا هنزل بقي
مازن حلا انا بحبك موووت يا حبة الجلب من جوه
وتشد ايد اخته مريم اللي كانت واجفه مصدومه من
اخوها الشديد مع الكل واللي دلوجتي زي الطفل مع حلا
مربم انت ازاي بتخلي مازن معاكي كده 
حلا كده ازاي قصدك بيحبني وبيموت فيا
مريم ايوه ازاي كده ده اخوكي سالم االي هيخطبني مش
بيكلمني كلمه عدله ومش بيسلم عليا حتي
حلا علشان مفيش زي مازن في الدنيا دي كلها قلبه قلب صقر علي عقل اسد شرس لكن اول ما بكون معاه بحسه نبع الحنان والحب اللي في الدنبا كلتها النظره لعيونه كانه بحر بغرق فيه وادواب وياه وبنسي الدنيا كلها وانا معاه واحسن الامان بين ايده وجوه حضنه بتوه عن العالم وببقي نفسه 
وهو نفسي بنبقي واحد روح واحده في اتنين اه بحبه مووت
مريم اباه اباه عليكم يعني في احضان بينكم كمان بس ليه
جدامي منعتيه يجربلك بتتخوتي عليا اه منكم عشاج صوح
حلا تحط ايدها علي بوجها اخرصي هتفضحيني 
واد عمي وخلاص بقي خطيبي ماله لما يحضنني بادب وحنان
انا قولتلك كل حاجه متفضحنيش يا بت عمي ومرات اخويا 
مريم اه يا مرك يا مريم هو انا مفيش حدهيحبني اكده بجي
حلا علي فكره سالم طيب كتير عن مازن وانتي لو ذكية
علمية يحبك كيف ما بتريدي وبطلي كسوف خلاص
هيبجي جوزك