لا مش هطلقها للكاتبة سلمى سمير

حلالك يا هبله
امتثال هو مين ده اللي هيبجي جوز مريم بتتحدتو 
في ايه يا بنيته يا صغيرين ها جولو
مريم مفيش هي بتحكي ان البنت لازم تكون صريحه
مع جوزها لانه حلالها بامر الله
امتثال طيب انزلو وعيب في سنكم ده تتكلمو في
الحديت الماسخ ده يلا بلي دلع ابنيته
مريم انزلي ياخيتي اماي لو سمعتنا كانت بهدلتني
حلا ترفع عينها لفوج وتشوف مازن باصص عليهم
وبيضحك ليها ويبعتلها بوسه في الهوا تتكسف وتكمل 
نزولها جري وتدخل اوضتها مع ولاد عمها مها ومريم
ويخرج فتحي من الجاعه وينادم علي غالية
غالية ايوه يا واد عمي انا جاية اهوه

فتحي اجعدي واسمعي اللي هجوهولك كويس بوي 
طلب يد حلا لمازن وطلب لسالم يد مريم وانا وافجت 
وخوي وافج كمان بس لسه الخطوبه في العيد 
غالية يا زين ما اختار مازن راجل وهيصون بتنا 
ومريم زينة البنيته وهتكون احسن زوجه لولدنا سالم
فتحى انا عارف اكده واكتر اللي متعرفهوش ان خوي 
ناوي يخلي ولده كبير العيله بعده انتي عارفه عيشتنا
في مصر بعدني عن اللي بيحصل اهني والمال اللي خوي 
عايش فيه بتي هتكون عيني عليه وكمان هكسب ولاء مازن 
ليا وكده هجدر اعرف مال ابويا جد ايه وليا فيه كام
غالية بعد الشړ علي عمي ويعطيه ربنا طولت العمر يارب
ليه بتجول كده هو عمي او خوك حارمينك من حاجه 
فتحي طول عمرك هتفضلي عبيطه امتثال سلفتك
وخيتك هي ست الدار اهني وانتي هنا مجرد ضيفه بتي لما 
تجي هنا لازم تكون ست الدار ومجامها عالي وفوج الكل
فاهمه ولا لاء من اليوم تعلمي بتك ازاي تكون ست 
الكل هنا وكمان هخليها تكمل علامها علشان تقدر تتحكم
وتتأمر في الكل وراسها تبجي براس جوزها 
غاليه واه بينك عايزه حرب مش جوازه والاجوي اللي يسيطر ويتحكم خيتي بتحب حلا كتير وهتحطها جوه عينيها وعمي كمان بيحبها ومازن كمان راجل بجد بلاش دماغك السو دي وفكر ان بتك هترتاح معاهم علشان بيحبوها ومجامها هيعلي بينهم بالحب مش بالڠصب والعافيه
فتحي انا اللي غلطان الحديت معاكي بجي زي جلته انا خابر رايد ايه وانت خليكي اكده علي نيتك هبله وعبيطه
المهم اني خابر هعمل ايه مع بوي وماله اللي خوي عايش ومتمرمغ فيه لوحده هو وولاده يا بت عمي
يتبع
البارت الثاني
تمر ايام الشهر الكريم بالخير والسعادة علي عائلة الصفدي
وكل يوم بعد الفجر كان مازن بيطلع لغية الحمام وينتظر
حلا ليتسامرو سوا قبل ما تخلص الاجازة وترجع لمصر
وفي الاسبوع الاخير من رمضان زادت اللقاءت بين حلا
ومازن بقي يأذن اذان المغرب ويتحينو الفرصه ويهربو لمخبئهم حتي يفطر اول لقمة مع بعضهم قبل ما ينزلو يكملو مع اهلهم وتلاحظ امه وامها لكنهم يباركو حبهم الطاهر
وفي يوم يتعزم الجد وابناءه علي الفطار عند العمدة
لكن مازن يتصنع المړض ليتركوه في البيت مع البنات
وكان اول يوم بفطر مازن وحلا مع بعض بعد ما ذهب
للفطار الجد واولاده وزوجاتهم وتركو البنات والاطفال
وطبعا مازن معاهم وكان هو رجل العيله في غياب جده
وقعد جمب حلا معاها علي الطبليه ومريم ومي ورضوي
وسامي وومحمد اخوه الصغير قعد معاهم ولمهم حواليه
مازن فين الوكل يا بنات هشكيكم للكبير لما يرجع
واقوله انكم جوعتونا كلتنا 
حلا اصبري يا واد عمى المغرب لسه ما اذنش ليه بتصربعنا
مريم دفشتها في صدرها بشويش سيبك منه بيريد يعمل
علينا الكبير يصبر زي الموجودين ولو مش عاجباه يروح يفطر مع جدي وابوي وعمي معرفاش جاعد معانا ليه اكيد انتي السبب جاعد علشانك مش اكده يا بت عمي
حلا تضحك أسكتي بقي فضحتيني قومي نخلص كل حاجه ونقعد براحتنا متنسيش احنا الكبار وماما ومامتك معتمدين علينا وكمان مازن يستحق يكون الكبير ڠصب عن الكل ولا مش عاجبك ويضحكو ويجهزو الفطار ويقعدو بعدها في وجود مازن علي راسهم 
ينتظرو الاذان لكن مازن يقوم يتوضي ويقف علي سجادة
الصلاه ويقول للبنات يلا كلكم ورايا هصلي بيكم 
وياذن الاذان ويشقو صيامهم بالعصير ويؤدو صلاة المغرب
ويروح يجرو علي الطبليه ياكلو قبل ما الاولاد ېخربو
الدنيا ومازن يمسك ايد حلا وهي خارجه عجبال ما اصلي بيكي يوم زفافنا يا عروستي الجميله
حلا تتورد خدودها پالدم وتبصله بخجل يلا جوعانه
مازن يلا يا حبة الجلب ويروح يجعد ويشدها من ايدها اجعدي جمبي هنا متبعديش عني انا ما صدجت هنفطر انا وانتي مع بعضنا اخيرا وطول ما بياكلو يبصلها ويتهيأله انه بياكله بايده وهي بتاكلها وكانهم لوحدهم منفصلين عن الكل
ومريم ملاحظه نظراتهم لبعض وعيونهم اللي مليان حب 
مريم يا واد ابويا كلتنا كلنا ما خلصت وكل انت وحلا ولا أيه
مازن يبص حواليه يلاقي الكل قام الا هو وحلا يرمق اخته
بنظرة غيظ ويقوم من علي الطبليه كلت سويلي كبابة شاي
ويخرج مضايق مريم تبص ليه وتستغرب هي عملت ايه
مريم انا عملتها ايه ضايجه اكده روحي شوفيه ماله وجوليلي
حلا تخرج تدور عليه متلجهوش بصحن الدار تطلع فوق السطح تدور عليه متلقيش حدا وتجي