بعد انتهاء الفرح

امبارح مشى رجليكى شوية 
الصمت التام ردها ..
طيب انا هدخل شوية ادور على حاجة اعملها من مصلحتك انتى على فكرة تعملى اللى بقولك عليه 
ثم لم ينتظر إجابة وتركها ودخل الحجرة وأمسك بحاسوبه واطمئن على اتصاله بالانترنت وفتح حسابه على موقع التواصل الاجتماعى وقام بالرد بالامتنان على كل التهانى التى ارسلها له اصدقائه وتبادل الدعابات مع اصدقائه المقربين
وطمئنهم عليه بأنه م الآخر وجامد جدا 
ثم استأذنهم متحججا بالشوق لعروسته فى نفس اللحظة التى رن فيها هاتفه من بعض الأصدقاء والأقارب يعلمونه بمجيئهم لتهنئته ..
ثم ارتمى على السرير فى كسل ونظر إلى السقف متنهدا ثم بنشاط غير عادى قفز قفزة سريعة وخرج من الحجرة ويكاد اليقين يملؤه أنه سيجدها فى مكانها ولكن خاب ظنه عندما وجد مكانها خاليا وصوت انسياب المياه يأتى من الحمام ..
فابتسم فى هدوء وجلس على الأريكة وتناول الريموت كنترول
فتح التلفزيون وتنقل بسرعة بين القنوات دون تركيز ..
وإذا هى بها تخرج من الحمام وقطرات المياة تنزلق على وجنتيها وتلمع فوق جبينها ..
مرتدية رداء الاستحمام وتلف شعرها بالمنشفة وقد أزيلت عنها مساحيق التجميل بفعل الماء ..
وقف أمامها مدهوشا فلم تلبث إلا أن كشفت عن شعرها وفردته فى انسيابية
ثم تركته مسدلا كانت تلك هى المرة الأولى التى يرى فيها شعرها على طبيعته ..
فقال لها مبتسما عارفة إن شكلك أجمل من غير مكياج 
فأومأت برأسها وشبح ابتسامة يقفز على شفتيها ..
فطمع فى المزيد وقال ببالغ الرقة زى القمر .
فأشاحت بوجهها وباغتتها ابتسامة دون ان تشعر .. لم يراها هو ولكن كان على يقين منها.
لاريب من أحساس كليهما باللذة ..
هو لأنه لمست كلماته خلايا أنوثتها
وهى لأن رجل يتغزل فى جمالها .
ثم لم يلبثا واقفين فى تلك اللحظة الخالية من مرور الزمن حتى دق جرس الباب ..
دى لازم ماما ..........
دى لازم ماما 
نطقتها بتلقائية فى حين اتجه لفتح الباب وقابلته أمها بزغاريدها قائلة الف مبروك ياباشمهندس و تدخل ومن وراءها شريف وشادى .
شريف احط الحاجات دى فين 
أحمد ډخلها والله ماكان له لازمة التعب .
قالت امها وهى تجلس تعب ايه بس امال فين عروستنا الحلوة 
_جوة وزمانها جاية اصلنا لسه صاحيين!!
فى حين تدخل هى فى هدوء و عينيها فى الأرض خجلا تقبلها أمها مهنئة .
_ والنبى البيت ماكان له لازمة من غيرك امبارح .
تتجاهل كلمات امها قائلة هو بابا فين ياماما 
_ جاى مع زياد ومحمود ورانا ..
_وياسمين 
_ياسمين مش هتقدر تيجى اصلها بتجهز فى صيدليتها اللى هتفتحها .
ايماءة منها دون تعبير على ملامحها
فى حين يدق الجرس مرة أخرى ليفتحه فيجده والدها وشقيقيها زياد ومحمود .. يصافحهم فى حرارة مرحبا
ثم ما أن يجلسوا حتى يقدم لهم علبة الحلوة ثم موجها كلماته لمريم قومى يامريم هاتى العصير اللى انتى عملاه .
قالت مدهوشة عصير 
_ أيوة العصير اللى عملتيه أول ماصحيتى عشان يبقى جاهز .
اندهشت مما يقول وسكتت حتى قال ابوها ماتسمعى كلام جوزك يابنتى وتقومى .!
_ هاه حاضر هاقوم ..
وبنفس الدهشة قامت وتوجهت للمطبخ وفتحت الثلاجة فازدادت دهشتها .
لقد وجدت عصير بالفعل جاهز فى الثلاجة فتناولته و أخذت الأكواب وقدمته لهم
فتناول هو كوبه ورشف أول رشفة قائلا العصير هايل يامريم تسلم أيديكى .
اومأت برأسها شاكرة .
فقال لها والدها فعلا العصير جميل امال مكنتيش بتعمليه ليه عندنا 
فأطرقت خجلا .
فقالت أمها خلاص متكسفهاش يابو زياد .
فضحك الجميع ثم جلسوا قليلا وقاموا
فقال هو لهم طب ماخليكم قاعدين اتعشوا معانا ياجماعة وناخد السهرة .
فقالت أمها لايابنى سهرة ايه دا عمك ابو زياد عنده شغل الصبح والعيال عندهم كليات ومدارس .
ثم قالت خافضة من صوتها 
خللى بالك منها يابنى مريم هادية وعاقلة هى يمكن خجولة شوية وبتتكسف بس طيبة ومش هتلاقى زى قلبها.
_ بتوصينى على ايه بس ياطنط مريم دى فى عينيا .
_ ربنا يكرمك يابنى . يلا مع السلامة
ثم صافحهم جميعا .
فقال احنا بعد العصر .. انا صحيت على قبل الضهر لقيتك نايمة مرضيتش اصحيكى يظهر إنك سهرتى كتير امبارح .
اومأت برأسها ايجابا
فأضاف تقريبا لحد طلوع النهار .
اومأت برأسها كعادتها دون ان تتكلم وطال بينهما صمت ثقيلا شعرفيه أنها تريد أن تقول شيئا
فقالت هو انت اللى عملت العصير 
فقال مبتسما أيوا انا .
فسكتت وعينيها للأسفل ثم قالت دون أن تنظر إليه طب ميرسى .
فتمادى فى ابتسامته قائلا ميرسى على ايه 
فنظرت له بنظرتها الغاضبة التى يعشقها ولم تتكلم .
فقال وكأنه فعلا لايعرف لا بجد شكرا على ايه 
_ على إنك عملته وكمان .....
_ وكمان ايه 
_ على إنك قلت إنى انا اللى عملاه .. بجد متشكرة .
_ اعتقد ان مفيش داعى للشكر يعنى متهيألى ان احنا واحد ومفيش بيننا الكلام دا .
فأطرقت خوفا من ان تباغتها الابتسامة ويراها.
فقال فى خبث ولا انتى عندك رأي تانى !
فقالت مغيرة محور الحديث هو فى حد تانى جاى يباركلنا ..
_اصحابى واحتمال أهلى .
اومأت ايضا كعادتها .
ثم قال هو بس انا مش عايزك تسهرى تانى كدا . دا غلط على صحتك .
لم تعلق على ماقال .
فقال هو _هو انتى سهرتى دا كله ليه كنتى بتفكرى 
فرددت هى مستنكرة أفكر !!
هم بقول شئ ولكن جرس الباب قد رن ..
دخلت الحجرة فى هدوء فى حين فتح الباب وتبادل الدعابات مع اصدقائه التى لم تخلو من التلميحات
وما أن جلسوا وقدم لهم الحلوى حتى قالوا ايه ياعم هى العروسة منفضالنا ليه كدا 
فقال مداعبا اميرة ياعم ملكة متوجة . هتقابل الرعاع امثالكم .
فقال أحدهم يا أخى دا حتى الأميرة بتطلع على الرعاع فى المناسبات خليها تلقى نظرة ع الشعب الغلبان ..
ضحك بعصبية واضحة .. ثم قال وداخله حيرة ولا يدرى ماذا يفعل . ثم قال زمانها جاية ربع ساعة بالكتير.
فقال أحدهم براحتها ياعم ملكة وليها الحق تعمل اللى هى عايزاه.
ثم هموا بالضحك .
ففوجئوا بدخولها عليهم تمسك صينية العصير الطازج وتتهادى فى ثوب منزلى أسود لامع فضفاض ..
يظهر ذراعها الشاهق من تحت الثوب جميلا فاتنا ..
فيأخذ العصير منها وتجلس بجواره فى خجل فى حين يهنئونها وترد عليهم بالأيمائات وتهمس ميرسى 
ثم استأذنتهم ودخلت وتابعوها جميعهم بعيونهم .
فقال لهم ايه ياعم انت وهو ماتخليكم معايا هنا .
فقال أحدهم ليك ياحق ياعم والله تحجبها عننا دا كله دى من الآخر .
وقال آخر مالهاش اخوات دى ياهندسة ولا ايه 
فضحك بثقة قائلا لا لا دى مش بشړ أساسا .. دى حاجة من السما كدا زى الملايكة متلاقيش منها تانى.
_ بس دى من الآخر ياعم هو فى كدا أساسا .
_ماتلموا نفسكم ياجدعان لاحظوا انى موجود يعنى ..
وبعدين يعنى كفاية كدا عشان بس العروسة وحشتنى ..!
_ وحشتك ال دقايق دول 
_ ايوة ياعم بتوحشنى وهى