وقفت منيره
بعد أن اوصلها حسام لمدخل منزلهم بالأسفل ثم عاد سريعا مرة أخرى إلى بيته حتى لا يتقابل بعمته منيرة والتي أصبح رؤيته لها كابوسا يطبق على أنفاسه ويكاد يزهق روحه فعند رؤيتها له تبدأ في مرحلة تأنيبها له وأسماعه مر كلماتها اللاذعة فقد اعتادت على ذلك مؤخرا بسبب توقفه عن تلبية متطلبتها التي لا تنتهي والتي ارهقته كثيرا حتى جعلته ينفق راتبه من الجامعة كله على شراء ما تريد وعندما فاض كيله منها قرر عدم الانصياع وراء أهوائها والتوقف عن رؤيتها وحتى زيارتها كي يتجنبها قدر المستطاع.
فأشارت لها منيرة بنزق.
اهو متلقح عندك جوه في الأوضة ياختي.
عبثت مكة وجهها بضيق من طريقة والدتها الفظة في الحديث عن والدها ولكم تمنت مواجهتها حتى توقفها عن التمادي بالأستهزاء بأبيها لكنها تعجز عن ذلك أمام جبروتها وعندها الذي لا حدا لهما لذا هزت رأسها بحسرة وحزن وتركتهما ودخلت حيث يوجد والدها طرقت الباب برفق ثم دخلت بهدوء لتجده ينام على فراشه بملابس العمل فعلمت أن هناك ما عكر صفو باله فهو نادرا ما يغفو هكذا الإ إذا وجد ما أحزنه جعله يلجأ للنوم هربا من تلقى المزيد زفرت بضيق وعادت ادراجها مرة أخرى وتركته يرتاح بعدما دثرته جيدا
ابتسمت له وهى تقبل يده.
لسه من شوية وأول ما جيت دخلت لحضرتك ولما لقيتك نايم غطيتك وسبتك ترتاح لكن لما رضا قالت ليا أنك لسه مفطرتش رجعت جري عشان اصحيك وأخليك تاكل عشان سكرك مينزلش وتتعب.
لكنه اشار لها أن لا رغبة له بتناول الطعام ثم جلس على سجادة صلاته يقرأ القرآن الكريم كما اعتاد ان يفعل كل يوم.
مالك يا بابا حاسس بأيه
امأ مختار بإبتسامة حزبنة.
مفيش يا حبيبتي انا كويس.
هزت مكة رأسها برفض.
نبرة صوتك بيقول ان في حاجة حصلت يا ترى ايه
شخص مختار نظراته بآسى.
هيكون في ايه يعني يا مكة كالعادة متشغليش بالك انت.
أمأت مكة بحزن.
ويا ترى ده يا حبيبي اللي خلاك متفطرش لحد دلوقتي.
نفسي اتسدت عن الدنيا كلها مش بس الأكل.
هزت مكة رأسها بمشاكسة.
طيب انا بردو لسه مفطرتش يدوب اكلت لقمتين تلاتة بس وايه بقى يا سيدي مرات خالي اصرت عليا أن اروح معها اصلي التراويح في المسجد انا كان هيغمى عليا من الجوع بس صبرت نفسي لغاية ما اجي وافطر معاك زي ما انا متعودة استناك لما تيجي من صلاة المغرب.
ههههههه برغم انك بتكذبي عليا الا اني هصدقك عشان اريحك بس لاني عارف انك مش هتسكتي غير لما انا اكل.
هزت مكة متصنعه الحرج.
احم احم طيب مش عارف تقول من الأول بدل ما تسبني اكذب واحنا في شهر فضيل.
قهقه مختار على خفة ظلها.
اصل انا عارف انك بتحبي اكل مرات خالك يبقى ازاي هتروحي ومتاكليش غير لقمتين بس.
أمأت مكة له تصدق على كلامه.
فعلا يا بابا عندك حق لأ وكمان سوسو كانت مزوداها قوي النهاردة ورق عنب وصنية رقاق وبط بالمرتة انما ايه اخر حلاوة
زفر مختار بحدة.
ربنا يسامحك يا مكة كان لازم تقولي ليا ادي نفسي راحت ليهم وامك الله يسامحها مبتعملش لينا محشي غير كل فين وفين.
ربتت مكة على يده بحنو.
ودا يفوتني يا حبيبي انا عملت حسابك وجبت ليك طبق مليان من كله.
عبث مختار وجهه بحرج.
ليه كدا بس يا حبيبتي الناس هيقولوا علينا ايه دلوقتي يا مكة.
هزت مكة رأسها مطمئنة اياه.
لا متخافش يا حبيبي ما هي سوسو هى اللي عملت الطبق وقالت ليا خدي فطار باباكي معاكي عشان عارفه انك بتحب الرقاق وورق العنب.
ابتسم مختار متفهما.
ربنا يبارك لها مرات خالك دي ست طيبة جدا وانت قومي طيب بسرعة بقى هاتي الاكل ولا هتفضلي تتكلمي كتير وسيباني جعان.
نهضت مكة من جلستها مسرعة.
لأ طبعا ودي تيجي بردو حمامة هتلاقي الاكل كله والعصير كمان عندك في ثواني يا حبيبي.
بعد عدة دقائق قليلة جاءت مكة تحمل بين يديها صنية الطعام وضعتها أرضا أمام والدها ثم جاورته جلسته بعد ان احضرت له المشروبات الباردة أيضا وأغلقت عليهما الباب.
نظرت مكة له متسائلة.
