وقفت منيره
يا شاهر انا بخير ممكن بس ممكن تفتح ليا الصفحات على مكان التوقيع على طول.
أمأ له شاهر وهو يكاد يرقص فرحا وأسرع يفر الورق أمامه كي ينتهي قبل قدوم مكة.
حاضر يا أستاذ مختار من عنيه حضرتك تؤمر وانا أنفذ.
نظر مختار له بعد أنتهائه والضعف يحتله
انا مبشككش في ذمتك يا شاهر بس أنت عارف مبدأي مفيش ورقة تعدي عليا من غير ما أراجعها مرة وأتنين لأن دي أمانة ومسؤولية انا مش قدها وعلى العموم انا هعتمد عليك لأن تعب صدري مش مخليني قادر أتنفس أو أركز بس خلي في بالك بعد ما تورد تجيب ليا الإيصال عشان أرفقه بباقي ورق العملية بتاعته لأنه هيكون مسؤولية عليك قبل مني فاهم.
طبعا طبعا يا أستاذ مختار انا عارف وعايز حضرتك متخافش وتطمن لأن انا مراجع الورق بنفسي وأن شاءالله هجيب وصل الإيداع من البنك النهاردة وأديه لأنسة مكة لما تيجي وأخليها تظبط كل ورق الصفقة مع بعضه كمان عشان يروح لوليد بيه يعتمده قبل ما يروح الأرشيف وبعدين من غير ما تقول انا فاهم شغلي كويس دا انا متعلم على إيدين حضرتك.
انا عارف أنك شاطر وأمين عشان كدا هعتمد عليك في تخليص المهمة دي ممكن تساعدني أقف لو سمحت.
أمأ شاهر له وأسرع يعاونه على الوقوف مرة أخرى وحمل حقيبته عنه ومشى بجواره.
أخر طلب هطلبه من حضرتك هتيجي معايا للخزنة وتخليهم يصرفوا ليا الفلوس وتوقع على استلامهم لأن انا معنديش الصلاحية لده لأن المفروض دا من أختصاص حضرتك.
حاضر يا شاهر انا عارف ده من غير ما تقول ومكنتش همشي من غير ما أعمل ده لأن الوقت ضيق والشركة هتخسر كتير لو استغلناش الوقت.
وذهب معه وأنهى أجراءات الصرف ووقع على استلامه النقود كاملة دون أن يعلم أنه خدع وتلاعب به من قبل ذلك المحتال ولكي يتقن شاهر دور المخلص الأمين أصر على مساندته حتى ذهب به إلى المصعد ولم يتركه حتى تأكد من مغادرته بنفسه من شدة فرحته لم يسعه الأنتظار شاهر حيث أخذ الورق وأسرع لشريكه في الأثم كي يكملا أحاكة الفخ الذي أوقعا فيه ذلك المسكين.
دخل شاهر لمكتب نجيب كي يبشره بما فعل ويمني نفسيهما بنصرهما على مختار من وجهة نظره ونسى أنه في شهر كريم حرم الله الفعل الحړام فيه وخاصة في العشر الأواخر منه ايام العتق من الڼار وعندما وجد عنده أحد العاملين يقف معه يشرح له عدة أشياء في العمل تمالك نفسه وضبط سلوكه وبعد انصرافه اغلق الباب بحرص خلفه واقترب من نجيب يعطيه الورق لكي يتفحصه.
قهقه شاهر ثم أشار لنفسه بتفاخر
قولتلك يا نجيب بيه اعتمد عليا وملكش دعوة وأدى النتيجة أهوه كلت بعقله حلاوة خليته يمضي من غير ما ياخد في إيدي غلوة واحدة وكمان مضى على وصل استلام النقدية من الخزنة يعني أحنا كدا معلناش غلط الغلط كله واقع عليه هو.
كدا بقى خلاص اقدر احدد فرح ياسين ابني وانا حاطط في بطني بطيخة صيفي.
أمأ له شاهر يؤكد على ما سيفعله هو الأخر
وانا كمان أخيرا هدفع باقي أقساط شقة التجمع وأخلص من زن صاحب العمارة اللي كل شوية يطلب مني الفلوس وبالباقي أبدأ في تشطيبها وفرشها عشان أنقل بقى في حتة نضيفة والعيال ياخدوا راحتهم بعيد عن الحارة المقرفة اللي ساكن فيها.
أسرع نجيب يذيل الأوراق بتوقيع هو الأخر ثم أعطاهم له وطلب من الذهاب
خد ده توقيعي كمان اهوة ويلا بقى على موظف الخزنة زمانه جهز الفلوس خدها وروح البنك خلص الورق وخلي الفلوس الباقية معاك لما نتقابل بعد ميعاد الشغل في أي كافية ولا أي مكان مداري ونقسمهم سوا.
فرقع شاهر أصبعاه الوسطى والأبهام معا بحماس
حمامة يا نجيب بيه بس انا عايزك تخلي بالك اوعى تحط نصيبك من الفلوس دي في بنك عشان لما يحققوا منجيش في الرجلين مع مختار ماشي.
اشار له نجيب بنزق
عارف يا فصيح وكمان لو مراتك سألتك ولا حد غريب سألك قول كان عندي حتة أرض في البلد وبعتها انا بقى مفهم مراتي أني عامل جمعية كبيرة بفلوس الأوفر تايم بتاعي عشان اساعد أبني في فرحه عشان لما أخد الفلوس دي متشكش في حاجة وبسرعة يلا اخلص وروح
