وقفت منيره
له بنزق.
ايه يا حسام في أيه أنفجرت عادل زي المدفع كدا ليه هو ميقصدش أنه يفول على أبوك هو بس عشان دكتور وفاهم بيقولكم الحقيقية وبعدين الاعمار بيد الله مش بكلام عادل.
نظر مختار پغضب.
دكتور وفاهم مقولناش حاجة يا ست منيرة بس الملافظ سعد وفي ناس بتتشأم لو حد صرح في وشهم كدا وأبنك حتى مش بيمهد براحة دا بيخبط في الوش خبط لزق مش كدا بردو.
تصدقوا بالله انا غلطان اني سمعت كلام ماما وجيت أصلا ياريتني قعدت أذاكر كان أفيد ليا ماما انا طالع برة لغاية ما تخلصي قعدتك معاهم عشان نمشي لأني أتخنقت هنا.
هزت منيرة رأسها پغضب ونظرت لهم بأشمئزاز.
يا حبيبي متزعلش نفسك مش عارفة كلهم طلعوا مرة واحدة زي المدفع كدا ليه اكنك غلطت في شرف حد فيهم.
الحكاية مش ناقصة ۏجع قلب يا منيرة أنت جايه متلككه أنت وابنك هو حد غلط فيه ولا كلمه بس ميصحش منه يقول كدا وأنت المفروض تعرفيه الصح مش تساعديه على الغلط يا أختي.
وقفت منيرة پغضب تشير لها بعصبية.
وانا هتلكك ليه ياختي تصدقي أن انا غلطانة فعلا أني جيت زي ما قال الدكتور عادل ومش أنت اللي هتعرفيني أعرف ابني الصح من الغلط لأن هو بسم الله ماشاء الله عليه عارف ومش مستني من حد يعرفه دا أنتم من ساعة ما دخلنا وانتم اللي بتتلككوا دا حتى جوزي قلبتوه على أبنه.
انا ماشية والحمدلله أن انا جيت عملت اللي عليا عشان محدش يلومني بعد كدا هتيجي معانا يا مختار أنت وبنتك ولا هتفضلوا هنا
هز مختار رأسة بيأس من طباع زوجته السيئة والذي فشل في تقويمها مهما حاول معها نظر لها بضيق وهز رأسه بنفي.
عايزة تروحي روحي أنت مع أبنك انا مش همشي من هنا غير بعد ما اطمن على فهمي ومكة هتفضل معايا.
أحسن بردو شايفني ھموت على المشي معاك خليك اشبع بيهم.
انزل مختار وجهه أرضا بخزي من افعال زوجته المخزية ونظر بعد مغادرته يعتذر منهما.
انا اسف يا جماعة مش عارف اقول ايه غير ربنا يهديهم وحقكم عليا انا انا أسف ليكم.
هزت سعدية رأسها متأثرة بحرج مختار ن أفعال زوجته المخجلة.
زفر مختار مخرجا أنفاسه بضيق بعدما جثمت على صدره طويلا وأومأ لها برفق.
دا أبتلاء من ربنا وانا صابر عليه مش هقول حاجة غير لعله خير.
لاحظ محتار شرود مكة وهى جالسة بجوار زوجة خالها التي غلبها النوم فقد أعطاها حسام عقارا لخفض ضغط الډم بعد أن وجدها تعاني من بداية ألمه وبعد أطمئنانه على والدته أمسك حسام مصحفه يقرأ فيه فعزم مختار على الأنفراد بأبنته حتى يعلم ما حدث معها وخرج معها لكافيه المشفى بعد أن أخبر من حسام أنه ذاهب لجلب بعض المشروبات المرطبة لهم وعندما أعترض حسام على ذهابه وطلب منه أن يستريح وسيذهب هو لجلبها رفض مختار وأصر على الذهاب مع مكة وطلب منه أن يظل هو في الغرفة بجوار والدته حتى لا يتركها وحيدة ثم أخذ يد أبنته وذهب حتى يعلم ما بها.
ها أحكي ليا وقولي مالك يا حبيبتي حاسك حزينة في حاجة حصلت معاك
تظاهرت مكة بالأبتسامة حتى لا تشغل بال أبيها عليها وتعكر صفو باله.
لا يا حبيبي مفيش حاجة حصلت انا كويسة يا بابا متقلقش عليا.
زفر مختار برفق وهز رأسه بغير أقتناع لما تحاول أن تبدو عليه.
مهما تقولي كويسة وتخبي عليا وجعك يا جنتي انا بحس بيك من غير ما تتكلمي أصلا عارفه ليه لأني عارفك اكتر من نفسك وبحس بيك من غير ما تتكلمي ها احكيلي حصل ايه ومتحاوليش تقنعيني بغير كدا
جلست مكة أمامه على الطاولة يحتسيان الشاي الذي طلبه والدها بناء على رغبتها بعدما هجمها صداعا بسبب قلة نومها ثم قصت عليه ما حدث من والدتها نهارا ونزلت دموعها وهى تتحسس وجنتها مكان
