وقفت منيره
الله هخرج ليكم الأستاذ مختار في أقرب وقت متقلقش وعلى العموم كنت رايح له دلوقتي عشان أقابله وطالما أنتم هنا نروح سوا لأن في شوية أسئلة عايز أسألهم ليه بنفسي هيحددوا معايا حاجات كتير في مسار القضية يلا بينا عشان منتأخرش.
أومأ حسام له برفق.
تمام يلا عشان كمان تجيب لينا أذن نشوف عمي مختار لأن مكة كانت عايزة تروح تشوفه وانا اللي قولت ليها خليها بعد ما نيجي نقابلك.
مش كدا يا مكة.
لكنها كانت شاردة تحني رأسها بحزن لأسفل وشعور بالخزي يعتريها من فعلة حسام فأين شقيقها ليحل محله ويرفع عنها هذا الشعور المخجل وعندما وجدها حسام شاردة لا تجيبه لمس كفها برفق لتنتبه وترفع وجهها له.
هه بتقول حاجة يا حسام.
زفر حسام بحزن لأجلها.
بقولك يلا بينا عشان استاذ خلف يجبلك أذن وتشوفي باباك زي ما أنت عايزة.
ماشي يلا بينا.
في قسم الشرطة وبعد أن دخل خلف المحامي لحضور تحقيق النيابة مع مختار وقفت مكة بجانب حسام تشعر بالدونية الشديد منه على ما فعله ونبل اخلاقه معها الفعل الذي لم تقدم عليه والدتها وعادل اخيها اللذان هما اولى الناس بذلك.
فركت مكة يديها ببعضهما بتوتر وحرج.
عبثت ملامح حسام التعبيرية وأدعى الضيق مما قالته مكة.
بقى كدا يا مكة أحنا فيه بينا شكر ولا في فرق ما بين فلوشي وفلوسك يا حبيبتي انا عايزك متشليش هم طول ما انا جنبك فاهمة وكمان دا ميجيش من خير عمي مختار ولا من وقفته جنبنا طول عمره انا أهم حاجة عندي أنه ربنا يوفق المحامي ويخرجه من هنا في اسرع وقت عشان صحته متتعبش جوه وهو مش ناقص أصلا.
ربنا يخليك ليا وميحرمنيش منك أبدا وتفضل سندي واماني ديما وأن شاء الله ربنا مش هيسيب بابا أبدا لأنه طيب وعمره ما أذى حد.
أبتسم حسام لها بحب.
ويخليك ليا وتفضلي معايا وجنبي طول العمر يا حبيبتي.
في ذلك الوقت خرج المحامي خلف منكس الرأس يظهر الضيق على تقاسيم وجهه فتوجها له حسام ومكة لمعرفة ما حدث في تحقيقات النيابة لكنهما فوجئا بخروج مختار خلفه مغللا بالاصفاد يسحبه عسكري للسجن مرة أخرى جرت عليه مكة تحتضن إياه بقوة وهى تبكي على ذلك الوضع المهين الذي وضع فيه.
هز مختار رأسه بنفي وخرجت نبرته خاڤتة حزينة.
الحكاية مش بالسهولة دي يا مكة الظاهر أن اللي عمل الملعوب دا كان ظبطه بالملي عشان مخرجش منه حسبي الله ونعم الوكيل فيه زي ما مرمغ شبتي في التراب وحسرني على عمري اللي قضيته بشرف وأمانة الحمدلله لعله خير.
متخافش يا بابا أن شاء الله ربنا مش هسيبك ولا هيتخلى عنك وهيفضل معاك لأنك مظلوم وعمرك ما أذيت حد حسام قوملك الأستاذ خلف المحامي وهو شاطر قوي في القضايا اللي زي دي وان شاءالله ربنا هيوفقوه ويقدر يثبت برائتك قريب.
ربت مختار ذراع ابنته بحنو ثم أومأ لها بيأس بعدما قبل جبينها.
سبيها على الله يا حبيبتي اللي ليا نصيب فيه هشوفه وكل في ميزان حسناتي أن شاء الله.
وقفت مكة أمامه بعدما تمنع سحب العسكري له كي يرجعه لمحبسه مرة أخرى.
على فكرة يا بابا انا روحت لوليد بيه الشركة النهاردة عشان اعرف منه سبب اتهامه ليك ايه
هز مختار رأسه بنفي بعدما زفر بقوة.
يا حبيبتي وليد بيه ملوش ذنب دا راجل فلوسه مسروقه والشهادة لله هو مقصرش معايا وبقاله تلات أيام بيعمل جرد عشان ميتهمنيش وانا حضرت معاه بنفسي أخر يوم والعجز موجود فعلا وانا مش عارف ازاي انا مضيت باستلام المليون جنية دي وانا مستلمتهاش
